ນັບເປັນເທື່ອທຳອິດ ທີ່ເຮືອບິນບໍ່ມີຄົນຂັບຂອງສະຫະລັດ ໄດ້ໂຈມຕີປາກິສຖານ ຢູ່ນອກ ເຂດຊາຍແດນ ທີ່ບ້ານເມືອງບໍ່ມີຂື່ມີແປ ຕິດກັບອັຟການິສຖານ ໂດຍສັງຫານຜູ້ນຳຂອງ ກຸ່ມຕາລິບານໃນອັຟການິສຖານ ຢູ່ທີ່ແຂວງ Baluchistan ທາງ ພາກຕາເວັນຕົກສຽງໃຕ້ ຂອງປະເທດ.
“ມັນອາດຈະດີກວ່າ ຖ້າຫາກປາກິສຖານໄດ້ແນເປົ້າໝາຍໃສ່ລາວ ຢູ່ໃນດິນແດນຂອງ ລາວເອງ.” ນັ້ນແມ່ນຄຳເວົ້າຂອງທ່ານ Umair Khan ພະນັກງານລັດຖະບານປາກິສ ຖານ ທີ່ກ່າວຕໍ່ວີໂອເອ “ມັນຜິດກົດໝາຍ ທີ່ສະຫະລັດ ໄດ້ແນເປົ້າໝາຍໃສ່ລາວຢູ່ໃນ ປະເທດຂອງພວກເຮົາ.”
ປາກິສຖານ ໂຊມາເລຍ ເຢເມນ ຊຶ່ງເປັນປະເທດທີ່ສະຫະລັດບໍ່ໄດ້ລັງເລໃຈ ທີ່ຈະແນເປົ້າ ໝາຍໃສ່ພວກກໍ່ການຮ້າຍ ໃນເວລາ ແລະສະຖານທີ່ແຫ່ງໃດກໍຕາມທີ່ຕົນເຫັນວ່າ ສົມຄວນ.
ພຽງແຕ່ຢູ່ໃນປາກິສຖານປະເທດດຽວເທົ່ານັ້ນ ສະຫະລັດໄດ້ທຳການໂຈມຕີທາງ ອາກາດ 391 ເທື່ອນັບແຕ່ປິ 2008 ເປັນຕົ້ນມາອີງຕາມໜັງສືພິມ The Long Wall Journal ((http://www.longwarjournal.org/pakistan-strikes)). ຢູ່ທີ່ປະເທດເຢເມນ ສະຫະລັດໄດ້ໂຈມຕີເປົ້າໝາຍທີ່ເປັນຜູ້ນຳກຸ່ມຕາລີບານແລະ ກຸ່ມ al-Qaida ທັງໝົດ 145 ເທື່ອນັບແຕ່ປີ 2002 ເປັນຕົ້ນມາ. ((http://www.longwarjournal.org/yemen-strikes/)).
ໂຕເລກດັ່ງກ່າວນີ້ແມ່ນອີງຕາມລາຍງານຂ່າວ.
ບັນດາກຸ່ມປົກປ້ອງສິດທິມະນຸດໄດ້ຮຽກຮ້ອງໃຫ້ເປີດເຜີຍໂຕເລກມາເປັນເວລານານແລ້ວ ເວລາກ່າວເຖິງການໂຈມຕີຕໍ່ຕ້ານການກໍ່ການຮ້າຍ ຈົນກວ່າເມື່ອບໍ່ດົນມານີ້ ລັດຖະບານ ໄດ້ປະຕິເສດ ແມ່ນແຕ່ຢືນຢັນເຖິງເລື້ອງດັ່ງກ່າວ.
ທ່ານນາງ Rita Siemion ຈາກກຸ່ມປົກປ້ອງສິດທິມະນຸດ Human Rights First ກ່າວວ່າ “ເມື່ອເວົ້າພຽງແຕ່ວ່າເຊື່ອພວກເຮົາ ພວກເຮົາມີລະດັບພື້ນຖານ ສູງ ພວກເຮົາດຳເນີນການຢ່າງດີທີສຸດ ເທົ່າທີ່ສາມາດເຮັດໄດ້ ແຕ່ນັ້ນບໍ່ເປັນທີ່ພຽງພໍ ແລະເຂົາເຈົ້າຕ້ອງການຢາກໃຫ້ ມີການເປີດເຜີຍຕື່ມອີກ.”
