ທ່ານ Benjamin Netanyahu ນາຍົກລັດຖະມົນຕີອິສຣາ
ແອລ ປະນາມອີກຄັ້ງໃໝ່ການເຄື່ອນໄຫວຂອງສານອາຍາ
ສາກົນຫຼື ICC ທີ່ຢາກເປີດການສອບຖາມກ່ຽວກັບອາຊະ
ຍາກອນສົງຄາມທີ່ເປັນໄປ ໄດ້ຕໍ່ພວກປາແລສໄຕນ໌ນັ້ນ.
ໃນຄຳປາໄສທີ່ຖ່າຍທອດທາງໂທລະພາບໃນວັນເສົາວານ
ນີ້ ທ່ານເນທັນຢາຮູ ເອີ້ນການເຄື່ອນໄຫວດັ່ງກ່າວວ່າ “ໄຮ້
ສາລະ”.
ທ່ານເນທັນຢາຮູ ກ່າວວ່າ” ຄວາມໂງ່ຈ້າບັ້ນປາຍ” ຂອງ
ການຕັດສິນໃຈແມ່ນອິສຣາແອລທີ່ເປັນປະຊາທິປະໄຕ ຊຶ່ງ
ເປັນຜູ້ນຳພາໃນການຕໍ່ສູ້ກັບພວກກໍ່ການຮ້າຍຂອງໂລກກຳລັງຖືກສອບສວນສືບສວນໂດຍສານ ICC ຢູ່ນີ້. ທ່ານກ່າວຕໍ່ໄປວ່າ ໃນເວລາດຽວກັນ “ພວກອາຊະຍາກອນກໍ່ ການຮ້າຍຮາມັສ” ຈະເປັນຜູ້ທຳການກ່າວຫາເຫຼົ່ານີ້.
ທ່ານກ່າວຕື່ມວ່າ ທ່ານຈະບໍ່ປະຫຼາດໃຈເລີຍ ຖ້າພວກລັດອິສລາມ ເຄືອຂ່າຍອານກາອິ ດາ ແລະກຸ່ມ Hezbollah ຈະດຳເນີນການກ່າວຫາເຫຼົ່ານີ້.
ກຸ່ມຮາມັສ ກ່າວໃນວັນເສົາວານນີ້ວ່າ ຕົນສະແດງຄວາມຍິນດີ ນຳການສືບສວນສອບ ສວນຂັ້ນຕົ້ນຂອງສານ ICC ນີ້.
ການກວດສອບຫາຫຼັກຖານ ທີ່ປະກາດໃຫ້ຮູ້ໃນວັນສຸກຜ່ານມານີ້ ບໍ່ແມ່ນການສືບສວນສອບສວນ ແຕ່ແມ່ນການພິຈາລະນາເພື່ອຊັ່ງຊາເບິ່ງຂໍ້ມູນກ່ຽວກັບກໍ່ອາຊະຍາກຳທີ່ອາດຈະເປັນໄປໄດ້ແລະເລື້ອງອຳນາດສານເພື່ອຈັດຕັ້ງການສືບສວນສອບສວນທີ່ວ່ານີ້ມີຂໍ້ດີ
ຫຼືບໍນັ້ນ.
