ເຮືອບິນເຮລິຄອບເຕີ ຂອງອົງການ NATO ລຳໜຶ່ງໄດ້ລົງຈອດ
“ສຸກເສີນ” ຢູ່ທາງພາກໃຕ້ອັຟການິສຖານໃນວັນສຸກມື້ນີ້ ແຕ່ວ່າ
ພະນັກງານຢູ່ໃນເຮືອບິນທັງໝົດ "ໄດ້ຮັບການຊ່ວຍເຫລືອໂດຍ
ປາດສະຈາກການບາດເຈັບລົ້ມຕາຍໃດໆ” ອີງຕາມຄຳເວົ້າຂອງ
ໂຄສົກກອງທັບສະຫະລັດຄົນໜຶ່ງ ໂດຍບໍ່ໄດ້ໃຫ້ຄວາມສຳ ຄັນ
ໃດໆຕໍ່ການກ່າວອ້າງຂອງພວກ Taliban ທີ່ວ່າ ຕົນໄດ້ຍິງເຮືອ
ບິນດັ່ງກ່າວຕົກ.
ອຸບັດເຫດນີ້ ໄດ້ເກີດຂື້ນຢູ່ທີ່ແຂວງ Helmand ໃນພາກໃຕ້ທີ່ວຸ້ນ
ວາຍຂອງອັຟ ການິສຖານ ບ່ອນທີ່ໄດ້ມີການສູ້ລົບກັນຢ່າງດຸເດືອດ
ໃນຫວ່າງບໍ່ເທົ່າໃດອາທິດທີ່ຜ່ານມາ ແລະ 14 ເມືອງຂອງແຂວງດັ່ງກ່າວແມ່ນຕົກຢູ່ພາຍໃຕ້ການຄວບຄຸມຂອງພວກກະບົດ Taliban.
ພັນເອກ Michael Lawhorn ຂອງກອງທັບບົກສະຫະລັດ ກ່າວຕໍ່ ວີໂອເອ ວ່າ “ພວກ
ເຮົາ ຂໍຢືນຢັນວ່າ ເຮືອບິນເຮລິຄອບເຕີ ຂອງອົງການ NATO ໄດ້ລົງຈອດສຸກເສີນ ໃນ
ແຂວງ Helmand ເມື່ອວັນທີ 18 ເດືອນມີນາ 2016 ນີ້. ລາຍງານໃນຂັ້ນຕົ້ນ ສະແດງ
ໃຫ້ເຫັນວ່າ ບໍ່ມີການເຄື່ອນໄຫວຂອງສັດຕູຢູ່ໃນຂົງເຂດນັ້ນແຕ່ຢ່າງໃດ."
ທ່ານກ່າວເພີ້ມອີກວ່າ ອຸບັດເຫດນີ້ກຳລັງຢູ່ພາຍໃຕ້ການສືບສວນ.
ຢູ່ໃນຖະແຫລງການທີ່ສົ່ງໄປຫາພວກນັກຂ່າວ ໂຄສົກຂອງກຸ່ມ Taliban ໄດ້ ອ້າງວ່າຕົນ
ໄດ້ຍິງເຮືອບິນເຮລິຄອບເຕີທະຫານສະຫະລັດຕົກ ຢູ່ໃນເຂດ Shawal Manda ຂອງ
ເມືອງ Nad Ali ແລະ "ທະຫານອາເມຣິກັນຢູ່ໃນເຮືອບິນທັງໝົດໄດ້ເສຍຊີວິດຄາທີ່.”
ກຳລັງທະຫານສະຫະລັດຫລາຍຮ້ອຍຄົນ ເມື່ອໄວໆມານີ້ໄດ້ເດີນທາງໄປເຖິງເມືອງຫລວງ
ຂອງແຂວງ Lashkar Gah ເພື່ອໃຫ້ການຊ່ວຍເຫລືອກຳລັງທະ ຫານອັຟການິສຖານ ທີ່
ປ້ອງກັນເມືອງດັ່ງກ່າວ ທີ່ພວມໄດ້ຮັບຄວາມກົດດັນຈາກພວກກະບົດໃນເວລານີ້.
