ປະທານາທິບໍດີ ສະຫະລັດ ທ່ານ Barack Obama ໄດ້ປະຕິເສດວ່າ ການຈ່າຍເງິນສົດ ຈຳນວນ 400 ລ້ານໂດລາ ໃຫ້ແກ່ອີຣ່ານ ໃນວັນດຽວກັນກັບການປ່ອຍໂຕພວກທີ່ຖືກກັກປະກັນໂຕໄດ້ເປັນ “ການຕົກລົງທີ່ຊົ່ວຊາມ” ຊີ້ແນະອອກມາວ່າການໂອນທີ່ວ່ານີ້ ໄດ້ປະ ກາດໃນເດືອນມັງກອນຜ່ານມາ ນຶ່ງມື້ຫລັງຈາກການນຳໃຊ້ປະຕິບັດຂໍ້ຕົກລົງນິວເຄລຍ ສະຫະລັດ ກັບອີຣ່ານ.
ທ່ານໄດ້ກ່າວວ່າ “ມັນບໍ່ແມ່ນເລື້ອງລັບ ພວກເຮົາໄດ້ເປີດເຜີຍທັງໝົດກ່ຽວກັບເລື້ອງນີ້.” ທ່ານກ່າວວ່າ ຂໍ້ມູນໃໝ່ອັນນຶ່ງທີ່ໄດ້ລາຍງານຈາກໝັງສືພິມ the Wall Street Journalໃນວັນອັງຄານທີ່ຜ່ານມາ ທີ່ວ່າການຈ່າຍເງິນນີ້ແມ່ນເປັນເງິນສົດ ທີ່ບໍ່ແມ່ນເງິນສະກຸນສະ ຫະລັດ ໄດ້ຖືກນຳສົ່ງໃນເຮຶອບິນທີ່ບໍ່ມີເຄຶ່ອງໝາຍ.
ທ່ານ Obama ໄດ້ກ່າວທີ່ກອງປະຊຸມນັກຂ່າວໃນວັນພະຫັດວານນີ້ ວ່າມັນມີເຫດຜົນທີ່ຈະຕ້ອງຈ່າຍເປັນເງິນສົດ.
ທ່ານກ່າວວ່າ “ເຫດຜົນທີ່ພວກເຮົາໄດ້ຈ່າຍໃຫ້ພວກເຂົາເຈົ້າເປັນເງິນສົດ ເພາະວ່າ ພວກເຮົາຕ້ອງເຄັ່ງຄັດຕໍ່ການຮັກສາການລົງໂທດ ແລະພວກເຮົາບໍ່ມີການພົວພັນດ້ານການທະນາຄານກັບອີຣ່ານ ເພາະສະນັ້ນພວກເຮົາບໍ່ສາມາດທີ່ຈະສົ່ງເປັນເຊັກໃຫ້ແກ່ເຂົ້າເຈົ້າ ແລະບໍ່ສາມາດສົ່ງເງິນທາງໂທລະເລກ.”
ລັດຖະມົນຕີຕ່າງປະເທດ ທ່ານ John Kerry ໄດ້ກ່າວໃນເຊົ້າວັນພະຫັດວານນີ້ວ່າ ສະ ຫະລັດ “ບໍ່ໄດ້ຈ່າຍຄ່າປະກັນໂຕ” ໃນການຕອບໂຕ້ຕໍ່ການຕິຕຽນຂອງການຈ່າຍເງິນໃນວັນດຽວກັນ ທີ່ເຕຫະຣ່ານໄດ້ປ່ອຍຊາວອາເມຣິກັນ 4 ຄົນ ທີ່ເປັນຕົວປະກັນ ນັ້ນ.
ບັນດາເຈົ້າໜ້າທີ່ສະຫະລັດ ໄດ້ກ່າວໃນເດືອນມັງກອນຜ່ານມານີ້ວ່າ ການຈ່າຍເງິນເປັນພາກສ່ວນຂອງການຕົກລົງທີ່ມີການໂຕ້ແຍ້ງກັນມາຫລາຍທົດສະວັດ ກ່ຽວກັບການຫ້າມຂາຍອາວຸດ. ແຕ່ບັນດາຜູ້ຕິຕຽນ ໂດຍສະເພາະຜູ້ຄັດຄ້ານຕໍ່ຂໍ້ຕົກລົງນິວເຄລຍ ອີຣ່ານ ໄດ້ໃຊ້ຄຳວ່າ ເປັນການຈ່າຍຄ່າປະກັນໂຕ.
ສະມາຊິກສະພາສູງສະຫະລັດ ຈາກລັດ Florida ທ່ານ Marco Rubio ໄດ້ຂຽນຂໍ້ຄວາມໃນ tweeter ວ່່າ ການຕົກລົງທີ່ວ່ານີ້ “ບໍ່ໜ້າເປັນຄວາມຈິງ.”
ປະທານກຳມະການສຳພັນຕ່າງປະເທດ ສະພາຕໍ່າສະຫະລັດ ທ່ານ Ed Royce ກ່າວຢູ່ໃນຖະແຫລງການວ່າ “ການຈ່າຍຄ່າໂຕປະກັນ ພຽງແຕ່ຈະຍິ່ງເຮັດໃຫ້ຊີວິດຊາວອາເມ ຣິກັນເປັນອັນຕະລາຍ. ພວກເຮົາຮູ້ກັນແລ້ວກ່ຽວກັບວ່າ ຂໍ້ຕົກລົງນິວເຄລຍອີຣ່ານ ນັ້ນແມ່ນເປັນ ຄວາມຜິດພາດໃນປະຫວັດສາດ. ມັນຍິ່ງສືບຕໍ່ຂີ້ຮ້າຍລົງໄປອີກ.”
ປະທານສະພາຕໍ່າ ທ່ານ Steve Scalise ໄດ້ໃຫ້ຂໍ້ສັງເກດລາຍງານສື່ມວນຊົນອີຣ່ານ ທີ່ອ້າງຄຳເວົ້າຂອງບັນດາເຈົ້າໜ້າທີ່ປ້ອງກັນປະເທດອີຣ່ານທີ່ເຂົາເຈົ້າເຫັນວ່າ ເງິນສົດແມ່ນເປັນການຈ່າຍຄ່າປະກັນໂຕ.
