ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສຫລ ຮຽກຮ້ອງໃຫ້ ກຸ່ມລັດອິສລາມ ປ່ອຍໂຕປະກັນ ທັງໝົດ


ພວກນັກຕໍ່ສູ້ ຈາກກຸ່ມລັດອິສລາມ ພາກັນສະເຫລີມສະຫລອງ ຫຼັງຈາກທີ່ສາມາດຢຶດເອົາລົດ ຈາກກຳລັງຮັກສາຄວາມໝັ້ນຄົງຂອງອີຣັກ ມາໄດ້ ຢູ່ໃນເມືອງ Mosul ປະເທດອີຣັກ.
ພວກນັກຕໍ່ສູ້ ຈາກກຸ່ມລັດອິສລາມ ພາກັນສະເຫລີມສະຫລອງ ຫຼັງຈາກທີ່ສາມາດຢຶດເອົາລົດ ຈາກກຳລັງຮັກສາຄວາມໝັ້ນຄົງຂອງອີຣັກ ມາໄດ້ ຢູ່ໃນເມືອງ Mosul ປະເທດອີຣັກ.

ສະຫະລັດໄດ້ຮຽກຮ້ອງໃນ​ວັນ​ອັງຄານ​ວານ​ນີ້ ໃຫ້ພວກ​ຫົວ
​ຮຸນ​ແຮງ​ລັດ​ອິສລາມ ປ່ອຍ​ໂຕ​ຊາວ Assyrian ທີ່ນັບຖືສາ
ສະໜາຄຣິສ ຫຼາຍກວ່າ 90 ຄົນ ທີ່​ພວກ​ເຂົາ​ໄດ້​ລັກພາ​ໂຕ​ໄປ
​ໃນ​ລະຫວ່າງ​ການ​ບຸກໂຈມຕີທາງ​ພາກ​ຕາ​ເວັນ​ອອກສຽງ​ເໜືອ
​ຂອງ​ຊີ​ເຣຍ.

​ໂຄສົກ​ກະຊວງ​ການ​ຕ່າງປະ​ເທດສະຫະລັດ ທ່ານ​ນາງ Jen
Psaki ​ໄດ້​ປະນາມ​ການ​ໂຈມ​ຕີ​ດັ່ງກ່າວ​ນັ້ນ ​ແລະ ກ່າວ​ວ່າ ພວກ​
ຫົວ​ຮຸນ​ແຮງ​ຕ້ອງ​ປ່ອຍ​ໂຕພົນລະ​ເຮືອນ​ໝົດ​ທຸກ​ຄົນ ທີ່​ພວກ​ເຂົາ​
ຄວບ​ຄຸມ​ໂຕ​ຢູ່​ໃນ​ເວລາ​ນີ້.

ທ່ານ​ນາງ Psaki ທີ່ເອີ້ນຊື່ກຸ່ມລັດອິສລາມໂດຍໂຕຫຍໍ້ວ່າ ISIL ນັ້ນ ກ່າວວ່າ “​ເປົ້າໝາຍ​ຂອງ​ກຸ່ມ ISIL ທີ່​ແນ​ໃສ່​ສາສະໜາ​ກຸ່ມ​ນ້ອຍ​ແມ່ນ​ເປັນສິ່ງທີ່ພິສູດໃຫ້ເຫັນ ຢ່າງຈະແຈ້ງ ຕື່ມອີກເຖິງ​ຄວາມໂຫດຮ້າຍຂອງ​ພວກ​ເຂົາ ​ແລະ​ການ​ປະຕິບັດ​ແບບ​ໄຮ້​ມະນຸດສະ​ທຳ ຕໍ່​ໝົດ​ທຸກ​ຄົນ​ທີ່​ບໍ່​ເຫັນ​ດີ​ນຳຈຸດໝາຍ ​ເພື່ອສ້າງຄວາມແຕກແຍກ ​ແລະຄວາມ​ເຊື່ອ​ທີ່ເປັນ​ພິດ​ເປັນໄພ​ຂອງພວກເຂົານັ້ນ. ກຸ່ມ ISIL ສືບ​ຕໍ່ທຳ​ຄວາມ​ຊົ່ວ​ຮ້າຍຢູ່​ຄື​ເກົ່າ ​ຕໍ່​ພວກ​ຄົນ​ທີ່​ບໍລິສຸດ​ ຈາກທຸກໆ​ສາ​ສະໜາ ​ແລະ​ພວກເຄາະຮ້າຍ ໂດຍ​ສ່ວນ​ໃຫຍ່ ​ກໍ​ເປັນຊາວ​ມຸສລິ​ມ​ອີກ​ດ້ວຍ.”

ທ່ານນາງ Psaki ຍັງ​ໄດ້​ເນັ້ນຢ້ຳໃຫ້​ເຫັນ​ເຖິງການກໍ່ຄວາມ​ຮຸນ​ແຮງໂດຍ​ກຳລັງ​ຂອງ​ລັດ
ຖະບານ​ຊີ​ເຣຍ ທີ່​ຍັງ​ມີຢູ່ຕໍ່​ໄປ ໂດຍ​ກ່າວ​ວ່າ ສະຫະລັດແມ່ນ​ຍັງ​ໝັ້ນໝາຍ​ເພື່ອຊອກຊ່ອງ
ຫາ​ທາງ​ແກ້​ໄຂ​ໂດຍທາງ​ການ​ເມືອງ ຕໍ່ບັນຫາສົງຄາມ​ກາງເມືອງ ໃນປະ​ເທດ​ດັ່ງກ່າວ​ທີ່ຍືດ
​ເຍື້ອ ມາ​ໄດ້​ເກືອບ 3 ປີ​ ຊຶ່ງ​ໄດ້​ເຮັດ​ໃຫ້​ຫຼາຍກວ່າ 200,000 ຄົນ​ເສຍ​ຊີວິດ​ໄປແລ້ວ.

XS
SM
MD
LG