ບັນດາເຈົ້າໜ້າທີ່ຂັ້ນສູງ ກະຊວງປ້ອງກັນປະເທດ ສະຫະລັດ
ແລະນັກການທູດ ກຳລັງເຕົ້າໂຮມກັນຢູ່ນະຄອນ Stuttgart
ປະເທດເຢຣະມັນ ໃນວັນສຸກມື້ນີ້ ເພື່ອສົນທະນາວ່າ ຈະຕອບ
ໂຕ້ແບບໃດ ກັບການປະຕິບັດງານທາງທະຫານຂອງຣັດເຊຍ
ໃນຢູເຄຣນ ແລະແກ້ໄຂເລື້ອງຄວາມເປັນຫ່ວງໃນໝູ່ບັນດາພັນ
ທະມິດກ່ຽວກັບການຮຸກຮານຂອງມົສກູ ຫລັງຈາກໄດ້ມີການສູ້
ລົບທີ່ເພີ້ມທະວີ ຂຶ້ນ ລະຫວ່າງທະຫານຢູເຄຣນ ແລະພວກກະ
ບົດແບ່ງແຍກດິນແດນນິຍົມຣັດເຊຍ.
ລັດຖະມົນຕີ ປ້ອງກັນປະເທດ ສະຫະລັດ ທ່ານ Ashton Carter
ຈະພົບປະກັບ ບັນດານາຍພົນ ແລະເອກອັກຄະລັດຖະທູດ ຢູ່ໃນ
ຢູໂຣບ ຢູ່ທີ່ກອງບັນຊາການ ທະຫານສະຫະລັດ-ຢູໂຣບ ໃນວັນສຸກມື້ນີ້. ທ່ານຈະທົບທວນເຖິງເບິ່ງປະ ສິດທິຜົນໃນການລົງໂທດທາງດ້ານເສດຖະກິດຂອງຢູໂຣບ ແລະ ສະຫະລັດໃນ ປັດຈຸບັນ ແລະຍຸດທະສາດຂອງອົງການ NATO ໃນການຢັບຢັ້ງການເອົາບາດກ້າວເພີ້ມ ຕື່ມຂອງຣັດເຊຍ ຢູ່ໃນ ຢູເຄຣນ.
ທ່ານ Brent Colburn ຊຶ່ງໂຄສົກທຳນຽບຫ້າແຈໄດ້ກ່າວວ່າ “ກອງປະຊຸມນີ້ມີ ຈຸດປະສົງ
ທີ່ຈະບອກໃຫ້ຮູ້ເຖີງແນວຄິດຂອງລັດຖະມົນຕີ ໃນຂະນະທີ່ທ່ານເດີນ ທາງໄປຮ່ວມກອງ
ປະຊຸມລະດັບລັດຖະມົນຕີ ເທື່ອທຳອິດຂອງອົງການ NATO ໃນທ້າຍເດືອນມິຖຸນາ. ຈຸດ
ນຶ່ງທີ່ຈະມີການເນັ້ນໜັກ ກໍຈະແມ່ນ ບົດບາດຂອງ ຣັດເຊຍ ໃນໄລຍະນຶ່ງປີເຄິ່ງຜ່ານມານີ້
ຮວມທັງການປະຕິບັດງານຂອງເຂົາເຈົ້າຢູ່ໃນຢູເຄຣນ".
ໃນວັນພະຫັດວານນີ້ ປະທານາທິບໍດີຢູເຄຣນ ໄດ້ເຕືອນບັນດາສະມາຊິກສະພາ ໃຫ້ຕຽມ
ປ້ອງກັນໃນອັນທີ່ "ອາດເປັນການບຸກລຸກຢ່າງເຕັມອັດຕາ” ຂອງຣັດເຊຍ ຫລັງຈາກການສູ້
ລົບເພີ້ມຂຶ້ນ ຢູ່ເຂດທີ່ເວົ້າພາສາຣັດເຊຍ ໃນພາກຕາເວັນອອກຂອງ ຢູເຄຣນ. ທ່ານກ່າວ
ອ້າງວ່າ ເປັນ “ການຂົ່ມຂູ່ອັນໃຫຍ່ຫລວງ” ທີ່ຈະເກີດ ການສູ້ລົບຂະໜາດໃຫຍ່. ທ່ານກ່າວ
ວ່າ ທະຫານຣັດເຊຍ 9,000 ຄົນໄດ້ຢູ່ໃນພາກຕາເວັນອອກຂອງ ຢູເຄຣນ ເປັນທີ່ຮຽບ
ຮ້ອຍແລ້ວ.
ເດັກນ້ອຍ ທີ່ປະສົບ ໄພສົງຄາມ ໃນ ຢູເຄຣນ
ການສູ້ລົບລະຫວ່າງ ພວກກະບົດ ແລະກຳລັງລັດຖະບານ ຢູ່ໃນຂົງເຂດ ໄດ້ທະວີຂື້ນໃນອາທິດນີ້ ເຮັດໃຫ້ມີຜູ້ເສຍຊີວິດ 18 ຄົນ ແລະເຮັດໃຫ້ ສະພາຄວາມໝັ້ນຄົງ ສະຫະປະຊາຊາດ ຈັດກອງປະຊຸມສຸກເສີນຂຶ້ນ ໃນວັນສຸກມື້ນີ້.
ເພື່ອຮັບມືກັບຄວາມຮຸນແຮງຮອບໃໝ່ ທຳນຽບຂາວ ໃນວັນພະຫັດວານນີ້ ກ່າວວ່າ ປະທາ
ນາທິບໍດີ Barack Obama ວາງແຜນຈະຮຽກຮ້ອງໃຫ້ບັນດາຜູ້ນຳ ສະຫະພາບຢູໂຣບ ທີ່
ຈະມີກອງປະຊຸມສຸດຍອດ ຢູ່ທີ່ເຢຍຣະມັນ ໃຫ້ສືບຕໍ່ຮັກສາການລົງໂທດຕໍ່ ມົສກູ ຍ້ອນ “ການຮຸກຮານຂອງປະເທດດັ່ງກ່າວຢູ່ໃນພາກຕາເວັນອອກຂອງຢູເຄຣນ.”
