ລັດຖະມົນຕີປ້ອງກັນປະເທດ ສະຫະລັດ ທ່ານ Ash Carter
ໄດ້ຢ້ຽມຢາມອີຣັກ ໂດຍທີ່ບໍ່ໄດ້ປະກາດລ່ວງໜ້າ ອັນເປັນພາກ
ສ່ວນການເດີນທາງ ເພື່ອຊອກຫາການຊ່ວຍເຫລືອໃນການສູ້
ລົບຕ້ານ ພວກຫົວຮຸນແຮງລັດອິສລາມ.
ຄາດວ່າທ່ານ Cater ຈະພົບປະກັບ ບັນດາຜູ້ນຳອີຣັກ ພ້ອມ
ດ້ວຍບັນດາຜູ້ບັນຊາການທະຫານຂອງທ່ານ ເພື່ອນຳເອົາ
ການຊັ່ງຊາທາງທະຫານ ແລະສິ່ງໃດໆອີກທີ່ຈະຕ້ອງໄດ້ເຮັດ.
ສະຫະລັດ ໄດ້ໃຫ້ການສະໜັບສະໜູນກຳລັງ ອີຣັກ ດ້ວຍການ
ໂຈມຕີທາງອາກາດ ນັບແຕ່ເດືອນສິງຫາປີກາຍນີ້ ແຕ່ນັ້ນມາກໍ
ບໍ່ໄດ້ສົ່ງທະຫານທາງພາກ ພື້ນດິນໄປສົມທົບ.ພວກນັກລົບອິສລາມ ຍັງຄວບຄຸມເຂດສ່ວນໃຫຍ່ຢູ່ພາກເໜືອ ແລະພາກຕາເວັນຕົກອີຣັກ ຮວມທັງຫລາຍໂຕເມືອງທີ່ສຳຄັນ.
ທ່ານ Carter ໄດ້ຢຸດແວ່ຢູ່ ອີຣັກ ຫລັງຈາກການຢ້ຽມຢາມຂອງທ່ານ ທີ່ເທິກີ ບ່ອນທີ່ທ່ານ
ໄດ້ຮຽກຮ້ອງໃຫ້ ກຳລັງອາກາດເທີກີ ແລະການສະໜັບສະໜູນທາງພາກພື້ນດິນແກ່ ການ
ນຳພາແນວໂຮມ ສະຫະລັດ ແລະກົດດັນໃຫ້ເທິກີ ຮັກສາຊາຍແດນຂອງຕົນໃຫ້ດີຂື້ນ ເພື່ອ
ຊ່ວຍປ້ອງກັນພວກນັກລົບ ເຂົ້າໄປຍັງ ຊີເຣຍ.
ທ່ານຍັງໄດ້ຍິນດີ ນຳການປະກາດຂອງ ຊາອຸດີ ອາຣາເບຍ ສຳລັບ 34 ປະເທດ ພັນທະ
ມິດອິສລາມ ທີ່ຈະຕໍ່ສູ້ກັບການກໍ່ການຮ້າຍ.
ທ່ານ Carter ກ່າວໂດຍການໃຊ້ຊື່ຫຍໍ້ຂອງ ລັດອິສລາມ “ປາກົດວ່າ ມັນໄດ້ຢູ່່ໃນຖັ້ນແຖວ
ຂອງສິ່ງທີ່ພວກເຮົາໄດ້ຮຽກຮ້ອງມາເປັນເວລານານ ຊຶ່ງເປັນການພົວພັນທີ່ໃຫຍ່ຂື້ນທາງ
ທະຫານ ໃນການສູ້ລົບກັບ ISIL ຈາກບັນດາປະເທດອາຣັບ Sunni” ຂ້າພະເຈົ້າ ແລະ
ຄົນອຶ່ນໆ ໄດ້ຮຽກຮ້ອງໃຫ້ ຊາອຸດີ ອາຣາເບຍ ຢູ່ເປັນປະຈຳ ແລະປະເທດອຶ່ນໆ ເພື່ອໃຫ້
ເພີ້ມທາງທະຫານຫລາຍຂື້ນ ເພື່ອເອົາໄຊຊະນະ ISIL. ລັດຖະມົນຕີ ຕ່າງປະເທດ ຊາອຸດີ
ທ່ານ Adel al-Jubeir ບໍ່ໄດ້ກ່າວເຖິງການສົ່ງທະຫານທາງພາກພື້ນດິນ ອັນເປັນພາກ
ສ່ວນນ່ຶງໃນຄວາມພະຍາຍາມພັນທະມິດ. ທ່ານກ່າວວ່າ ການຊ່ວຍເຫລືອຈະມີໃຫ້ແຕ່ລະກໍລະນີ ແລະນັ້ນ “ບໍ່ມີຂອບເຂດຈຳກັດ” ວ່າຈະຖືກສົ່ງໄປໃສແດ່.
ພັນທະມິດດັ່ງກ່າວ ບໍ່ໄດ້ຮ່ວມ ອິຣັກ ຊີເຣຍ ຫລືອີຣ່ານຊ່ຶງເປັນຄູ່ແຂ່ງຂອງຊາອຸດີນັ້ນ.
