ລັດຖະມົນຕີ ປ້ອງກັນປະເທດ ສະຫະລັດ ທ່ານ Ash Carter
ກຳລັງພົບປະກັບ ບັນດາຜູ້ນຳຊາວເຄີດ ລະຫວ່າງການຢ້ຽມ
ຢາມ ທີ່ບໍ່ປະກາດກ່ອນລ່ວງໜ້າ ຢູ່ທີ່ນະຄອນຫລວງ ຂອງ
ເຂດ Kurdistan ໃນອີຣັກ.
ທ່ານ Carter ໄດ້ໄປເຖິງເມືອງ Ibil ໃນຕອນເຊົ້າວັນສຸກມື້ນີ້
ບ່ອນທີ່ຄາດກັນວ່າ ທ່ານຈະໄດ້ປຶກສາຫາລືກັບປະທານາທິ
ບໍດີເຂດ Kudistan ທ່ານ Masoud Barzani ພັນທະມິດທີ່
ສຳຄັນຂອງວໍຊິງຕັນ.
ພວກນັກລົບ peshmerga ຂອງຊາວເຄີດ ໄດ້ກາຍເປັນນຶ່ງ
ໃນກຳລັງທີ່ມີຄວາມ ສາມາດທີ່ສຸດ ໃນການສູ້ລົບຕ້ານພວກຫົວຮຸນແຮງລັດອິສລາມ ຢູ່ໃນ
ເຂດປົກຄອງຕົນເອງຂອງຊາວເຄີດໃນພາກເໜືອອີຣັກ ແລະຢູ່ປະເທດຊີເຣຍທີ່ເປັນເພື່ອນ
ບ້ານ.
ສະຫະລັດ ໄດ້ໃຫ້ການຊ່ວຍເຫລືອດ້ານຄວາມປອດໄພແກ່ກຳລັງ peshmerga ແຕ່ທ່ານ
Barzani ໄດ້ຕໍ່ວ່າຊ້ຳແລ້ວຊ້ຳອີກວ່າ ການສະໜັບສະໜູນດັ່ງກ່າວບໍ່ເປັນທີ່ພຽງພໍ ທີ່ຈະທຳ
ການສູ້ລົບກັບພວກຫົວຮຸນແຮງລັດອິສລາມ ໄດ້ຢ່າງສຳ ເລັດຜົນ.
ທ່ານ Carter ໄດ້ໄປເຖິງເຂດ Kurdistan ນຶ່ງມື້ຫລັງຈາກໄດ້ໄປຢ້ຽມຢາມ ນະຄອນຫຼວງ
Bagdad ບ່ອນທີ່ທ່ານໄດ້ຊັ່ງຊາດ້ວຍຕົນເອງເບິ່ງການປະຕິບັດງານຮ່ວມລະຫວ່າງສະຫະ ລັດ ແລະທະຫານອີຣັກ ໃນຄວາມພະຍາຍາມເພື່ອ ສະກັດກັ້ນການບຸກຄືບໜ້າຂອງພວກ
ຫົວຮຸນແຮງລັດອິສລາມ.
ບັນດາເຈົ້າໜ້າທີ່ອີຣັກ ໄດ້ຕິຕຽນ ຫົວໜ້າທໍານຽບຫ້າແຈຢ່າງແຮງ ໃນເດືອນພຶດສະພາຜ່ານ
ມາ ຫລັງຈາກທ່ານ ໄດ້ຈົ່ງວ່າກອງທະຫານອີຣັກວ່າ “ບໍ່ສະແດງໃຫ້ເຫັນເຖິງຄວາມເຕັມໃຈ ທີ່ຈະສູ້ລົບ” ໃນຂະນະທີ່ພວກກະບົດ ເຂົ້າຍຶດເອົາເມືອງ Ramadi ເມືອງຫລວງຂອງແຂວງ Anbar.
ແຕ່ວ່າ ຢູ່ບ່ອນຢຸດແວ່ຢ້ຽມຢາມເຕັມມື້ແຫ່ງທຳອິດ ໃນວັນພະຫັດວານນີ້ ຫົວໜ້າກະຊວງ
ປ້ອງກັນປະເທດສະຫະລັດ ໄດ້ຍ້ອງຍໍສັນລະເສີນ ກອງທະຫານຕໍ່ຕ້ານພວກກໍ່ການຮ້າຍ
ຂອງອີຣັກ ທີ່ນຸ່ງເຄື່ອງແບບສີດຳ ໃນຂະນະທີ່ທ່ານເບິ່ງການສະ ແດງສີມືຂອງພວກເຂົາ
ເຈົ້າຢູ່ບ່ອນເຝິກຊ້ອມຍິງປືນ.
