ລິ້ງ ສຳຫລັບເຂົ້າຫາ

ລມ​ຕ ປ້ອງ​ກັນ​ປະ​ເທດ Hagel ຢ້ຽມຢາມ ເຂດ​ປອດ​ ທະ​ຫານ


ທ່ານ Chuck Hagel ​ລັດຖະມຸນຕີປ້ອງກັນປະເທດ ສະຫະລັດ ແລະ​ ​ທ່ານ Kim Kwan-jin ລັດຖະມຸນຕີ​ປ້ອງ​ກັນ​ປະ​ເທດເກົາຫລີ​ໃຕ້​ ຢ້ຽມຢາມເຂດປອດທະຫານ
ທ່ານ Chuck Hagel ລັດຖະມຸນຕີ​ປ້ອງ​ກັນ​ປະ​ເທດ​ສະຫະລັດ
ທຳ​ການ​ຢ້ຽມຢາມເຂດ​ປອດ​ທະຫານ ທີ່​ແບ່ງ​ແຍກ​ເກົາຫລີ​ເໜືອ​
ແລະເກົາຫລີ​ໃຕ້​ນັ້ນ ໃນ​ວັນ​ຈັນ​ມື້​ນີ້ ​ໂດຍ​ກ່າວ​ຕໍ່​ບັນດາ​ນັກ​ຂ່າວ​
ວ່າ ບໍ່​ມີ​ຂອບ​ເຂດ​ທີ່​ຜິດພາດ ​ໃນ​ເຂດ​ຊາຍ​ແດນ​ທີ່​ມີ​ການ​ປ້ອງ​
ກັນ​ທາງ​ທະຫານ​ຢ່າງ​ໜາ​ແໜ້ນ​ນັ້ນ.

ທ່ານ Hagel ​ໄດ້​ທ່ຽວ​ຢ້ຽມຢາມ​ເຂດ​ຕ່າງໆ​ໃນ​ໝູ່​ບ້ານ​ຊາຍ​ແດນ Panmunjom ພາຍ
​ໃຕ້​ສາຍຕາ​ສິ້ງ​ຊອມ​ເບິ່ງ​ຢ່າງ​ໃກ້ຊິດ​ຂອງ​ພວກ​ທະຫານ​ຍາມ​ຊາຍ​ແດນ​ຂອງເກົາຫລີ
​ເໜືອ​ທີ່​ປະຈຳການ​ຢູ່​ໃນ​ເຂດ​ແດນ​ຂອງ​ຝ່າຍ​ເກົາຫລີ​ເໜືອ​ນັ້ນ ຊຶ່ງ​ມີ​ທ່ານ Kim Kwan
-jin ລັດຖະມຸນຕີ​ປ້ອງ​ກັນ​ປະ​ເທດ​ເກົາຫລີ​ໃຕ້​ຕິດຕາມ​ທ່ານ​ໄປ​ນຳ​ນັ້ນ.

ຫລັງ​ຈາກ​ທຳ​ການ​ຢ້ຽມຢາມ​ເຂດ​ປອດ​ທະຫານ​ແລ້ວ ທ່ານ Hagel ​ໄດ້​ເດີນ​ໄປ​ຍັງ​ກຸງ
​ໂຊນເພື່ອ​ທຳ​ການ​ພົບ​ປະຫາລື​ກັບ​ປະທານາທິບໍດີ Park Geun-hye ​ແຫ່ງ​ເກົາຫລີ​
ໃຕ້​ທີ່ບ້ານ​ພັກ​ທາງ​ການຂອງ​ທ່ານ​ນາງ.

ລັດຖະມຸນຕີ​ປ້ອງ​ກັນ​ປະ​ເທດ​ສະຫະລັດ​ເດີນທາງ​ຢ້ຽມຢາມ​ເກົາຫລີ​ໃຕ້​ເພື່ອ​ທຳ​ການ​ໂອ້
ລົມ​ສົນທະນາ​ກັນ​ເລື້ອ​ງການ​ຄວບ​ຄຸມ​ປາງ​ສົງຄາມຂອງ​ອະ​ເມຣິກັນແລະ​ການ​ບັນຊາ​
ການ​ກຳລັງ​ທັບ​ຂອງ​ເກົາຫລີ​ໃຕ້ ​ຕະຫລອດ​ທັງ​ເລື້ອງ​ທະຫານ​ຂອງ​ສະຫະລັດ 28 ພັນ​ຄົນ​
ທີ່​ສົ່ງ​ໄປ​ປະຈຳການ​ຢູ່​ໃນ​ປະ​ເທດ​ດ່ັງກ່າວ. ​ເກົາຫລີ​ໃຕ້​ມີ​ໝາຍ​ກຳນົດ​ທີ່​ຈະ​ເປັນ​ຜູ້​ບັນ
ຊາການກອງທັບ​ຂອງ​ຕົນ​ເອງ​ໂດຍ​ເຕັມ​ພາຍ​ໃນ​ປີ 2015.

ທ່ານ Hagel ຈະ​ເຂົ້າ​ຮ່ວມ​ໃນ​ພິທີ​ໃນ​ຕອນ​ບ່າຍ​ວັນ​ຈັນມື້ນີ້​ເຊ່ນ​ກັນ​ເພື່ອ​ສະ​ຫລອງ
ວັນ​ຂີດ​ໝາຍ​ຄົບຮອບ 60 ປີ​ແຫ່ງ​ສາຍ​ພົວພັນທາງທະຫານ​ລະຫວ່າງ​ສະຫະລັດ​ ແລະ​
ເກົາຫລີ​ໃຕ້​.
XS
SM
MD
LG