ລັດຖະມົນຕີປ້ອງກັນປະເທດ ສະຫະລັດ ທ່ານ Ash Carter ພວມຢ້ຽມຢາມປະເທດ ອິສຣາແອລ ໃນການເດີນທາງຮອບທຳອິດ ເພື່ອພົບປະກັບບັນດາປະເທດພັນທະມິດໃນພາກພື້ນ ກ່ຽວກັບ ຂໍ້ຕົກລົງ ນິວເຄລຍສາກົນ ກັບ ອີຣ່ານ ແລະ ການຕໍ່ສູ້ທີ່ດຳເນີນຢູ່ ກັບພວກຫົວຮຸນແຮງ ລັດອິສລາມ.
ທ່ານ Carter ໄດ້ເຂົ້າປະຊຸມໃນວັນຈັນມື້ນີ້ກັບ ລັດຖະມົນຕີ ປ້ອງກັນ ປະເທດ ອິສຣາແອລ ທ່ານ Moshe Ya'alon ແລ້ວ ທ່ານກໍຈະ ເດີນທາງໄປພາກເໜືອຂອງ ອິສຣາແອລ ເພື່ືອກວດກາເບິ່ງ ສະຖານະການໃນເຂດຊາຍແດນຕິດກັບ ເລບານອນ ຊ່ຶງນັກຂ່າວກ່າວວ່າ “ລວມທັງໄພຂົ່ມ ຂູ່ທີ່ ອິສຣາແອລ ປະເຊີນໜ້າ ກັບພວກ Hezbollah ນັ້ນນຳ”
ທ່ານມີກຳນົດທີ່ຈະຈັດການເຈລະຈາກັບ ນາຍົກລັດຖະມົນຕີ ອິສຣາແອລ ທ່ານ Benjamin Netanyahu ຜູ້ທີ່ຕໍ່ຕ້ານຂໍ້ຕົກນິວເຄລຍກັບ ອີຣ່ານ, ໂດຍເອີ້ນມັນວ່າ “ຄວາມຜິດພາດຢ່າງເປັນປະຫວັດການ.”
ທ່ານ Carter ກ່າວວ່າ ທ່ານບໍ່ມີຄວາມຕັ້ງໃຈທີ່ຈະພະຍາຍາມພິກປີ້ນທ່າທີຂອງ ທ່ານ Netanyahu, ແລະ ວ່າພວກເພິ່ນຈະປຶກສາຫາລື ແຜນຍຸດທະສາດໃນພາກພື້ນ ແລະ ຄວາມ ສາມາດຂອງທັງສອງປະເທດດັ່ງກ່າວ.
