ລັດຖະມົນຕີ ປ້ອງກັນປະເທດ ສະຫະລັດ ທ່ານ Chuck
Hagel ກຳລັງຢູ່ທີ່ ປະເທດອີຣັກ ເພື່ອພົບປະກັບ ນາຍົກລັດ
ຖະມົນຕີ Haider al-Abadi ແລະບັນດາຜູ້ບັນຊາການທະ
ຫານສະຫະລັດ ສີ່ເດືອນຫລັງຈາກສະຫະລັດ ໄດ້ເລີ້ມ ປະຕິ
ບັດງານໂຈມຕີທາງອາກາດ ຕ້ານພວກຫົວຮຸນແຮງອິສລາມ.
ຫລັງຈາກເດີນທາງໄປຮອດໃນວັນອັງຄານມື້ນີ້ ໃນການຢ້ຽມ
ຢາມນະຄອນຫລວງ Baghdad ແບບບໍ່ໄດ້ປະກາດລ່ວງໜ້າ
ນັ້ນ ທ່ານ Hagel ໄດ້ກ່າວຕໍ່ ທະຫານອາເມຣິກັນ ແລະອອສ
ເຕຣເລຍ ກຸ່ມໜຶ່ງປະມານ 200 ຄົນວ່າ ໃນທີ່ສຸດແລ້ວ ມັນຂຶ້ນ
ຢູ່ກັບ ອີຣັກ ເອງ ທີ່ຈະຕ້ອງປ້ອງກັນແລະສະໜັບສະໜຸນຕົນເອງ.
ໃນວັນຈັນວານນີ້ ທ່ານກ່າວວ່າ ກອງກຳລັງຂອງອິຣັກ ໄດ້ຮັບພະລັງເຄື່ອນໄຫວໃໝ່ ໃນ
ຄວາມພະຍາຍາມຂອງເຂົາເຈົ້າ ເພື່ອຈະກອບກູ້ເອົາຄືນມາ ດິນແດນທີ່ກຸ່ມອິສລາມໄດ້ຍຶດ
ເອົາໄປ ໃນພາກເໜືອ ແລະພາກຕາເວັນຕົກຂອງອີຣັກ ເມື່ອ 3-4 ເດືອນກ່ອນໜ້ານີ້.
ກອງກຳລັງປະສົມ ທີ່ນຳພາໂດຍສະຫະລັດ ໄດ້ທຳການໂຈມຕີທາງອາກາດ ກ່າວ 600
ຖ້ຽວບິນ ໃນອີຣັກ ນັບຕັ້ງແຕ່ຕົ້ນເດືອນສິງຫາມາ ໃນຄວາມພະຍາຍາມຊ່ວຍເຫລືອກຳລັງ
ທະຫານອີຣັກ. ການໂຈມຕີທາງອາກາດ ອີກ 500 ຖ້ຽວບິນ ໄດ້ແນເປົ້າໝາຍ ໃສ່ພວກນັກ
ລົບອິສລາມ ຢູ່ໃນປະເທດເພື່ອນບ້ານ ຊີເຣຍ.
ປະທານາທິບໍດີ ສະຫະລັດ ທ່ານ Barack Obama ໄດ້ອະນຸມັດໃຫ້ສົ່ງ ທະຫານຈຳນວນ
3,100 ຄົນໄປຍັງອີຣັກ ເພື່ອໃຫ້ການເຝິກຫັດແລະແນະນຳ.
ຜູ້ບັນຊາການ ກອງກຳລັງປະສົມ ທີ່ນຳພາໂດຍສະຫະລັດ ນາຍພົນໂທກອງທັບບົກ
James Terry ກ່າວໃນວັນຈັນວານນີ້ວ່າ ບັນດາພາຄີໃນກອງກຳລັງປະສົມ ກໍໄດ້ໃຫ້ຄຳ
ໝັ້ນສັນຍາທີ່ຈະສົ່ງ ທີ່ປຶກສາດ້ານທະຫານໄປສົມທົບ 1,500 ຄົນ ເຊັ່ນກັນ.
ທ່ານກ່າວວ່າ ເວລານີ້ ກຸ່ມລັດອິສລາມກຳລັງຢູ່ໃນທ່າປ້ອງກັນ ແລະພະຍາຍາມຈະຍຶດ
ເອົາພາກສ່ວນຂອງອີຣັກ ທີ່ຕົນຄວບຄຸມຢູ່ນັ້ນໄວ້. ແຕ່ທ່ານກ່າວຕື່ມວ່າ ແນວໃດກໍຕາມ
ພວກຫົວຮຸນແຮງຍັງມີຄວາມສາມາດ ທຳການໂຈມຕີຢູ່.
ເບິ່ງວີດີໂອ ກ່ຽວກັບ ການສັງຫານຜູ້ຄົນ ຂອງກຸ່ມລັດອິສລາມ:
