ທໍານຽບຂາວແລະຄະນະຜູ້ນໍາສູງສຸດຂອງສະພານິຕິບັນຍັດຂອງສະຫະລັດທໍາການພົບປະ
ເຈລະຈາກັນໃນນາທີສຸດທ້າຍມື້ນີ້ ເພື່ອຫາທາງໃຫ້ບັນລຸຂໍ້ຕົກລົງກັນເພື່ອຮັບປະກັນວ່າ ລັດ
ຖະບານມີເງິນພຽງພໍເພື່ອຮັບມືກັບລາຍຈ່າຍຂອງຕົນໄດ້.
ລັດຖະສະພາຈະຕ້ອງໄດ້ອະນຸມັດໃຫ້ລັດຖະບານມີສິດກູ້ຢືມເງິນໄດ້ຫລາຍຂຶ້ນ ເພື່ອທີ່ຈະ
ໃຫ້ກະຊວງການເງິນຂອງສະຫະລັດສາມາດຈ່າຍໜີ້ສິນຂອງຊາດໄດ້. ໃນອະດີດຜ່ານມາ
ນັ້ນ ການເພີ່ມໜີ້ສິນຂອງຊາດແມ່ນໄດ້ມີຂຶ້ນເປັນປະຈໍາ ແຕ່ເທື່ອນີ້ ພວກສະມາຊິກພັກ
Republican ໃນລັດຖະສະພາສະຫະລັດ ໄດ້ຮຽກຮ້ອງໃຫ້ຕັດຄ່າໃຊ້ຈ່າຍລົງຢ່າງຫລວງ
ຫລາຍໂດຍບໍ່ໃຫ້ຂຶ້ນພາສີ ໃນຖານະເປັນເງື່ອນໄຂອັນໜຶ່ງສໍາລັບການອະນຸມັດໃຫ້ເພີ່ມ
ລະດັບໜີ້ສິນຂອງລັດຖະບານຂຶ້ນໃນຄັ້ງນີ້.
ເວລານີ້ ພວກສະມາຊິກພັກ Republican ຮຽກຮ້ອງໃຫ້ມີຂໍ້ຕົກລົງກັນລະຍະສັ້ນໃນ
ທັນທີ ແລະໃຫ້ເອົາການອະພິປາຍກັນເລື້ອງການຍົກລະ ດັບໜີ້ສິນມາໂອ້ລົມກັນໃໝ່
ໃນປີໜ້າ ແຕ່ພວກສະມາຊິກພັກເດໂມກຣັດ ກັບຊຸກຍູ້ອີກແຜນການໜຶ່ງ ທີ່ໃຫ້ອະນຸມັດ
ການເພີ່ມໜີ້ສິນຂອງຊາດຂຶ້ນ ໄປຈົນກາຍເວລາເລືອກຕັ້ງປະທານາທິບໍດີແລະສະມາຊິກ
ລັດຖະສະພາໃນເດືອນພະຈິກໃນປີ 2012 ນັ້ນ.
ລັດຖະສະພາມີເວລາຮອດວັນອັງຄານມື້ຮືນີ້ ເພື່ອຍົກລະດັບໜີ້ສິນຂອງປະເທດ ກາຍ
ຈໍານວນ 14 ພັນ 300 ຕື້ໂດລາ ບໍ່ດັ່ງນັ້ນແລ້ວ ກໍຈະສ່ຽງກັບການບໍ່ສາມາດຊໍາລະໜີ້
ສິນຫລາຍຢ່າງໄດ້.
ສະພາສູງມີກໍານົດຈະລົງມະຕິກ່ຽວກັບຂໍ້ສະເໜີນຶ່ງກ່ຽວກັບການເພີ່ມລະດັບໜີ້ສິນໃນ
ຕອນບ່າຍວັນອາທິດມື້ນີ້ ຊຶ່ງແມ່ນຕອນເດິກເຊົ້າວັນຈັນໃນປະເທດລາວ.
ຖ້າກະຊວງການເງິນໝົດເງິນ ການບໍ່ສາມາດຈ່າຍຄ່າໜີ້ສິນຂອງລັດຖະບານ ກໍອາດສາ
ມາດເຮັດໃຫ້ຄ່າອັດຕາດອກເບ້ຍເງິນກູ້ສູງຂຶ້ນ ແລະຕະຫຼາດການເງິນໃນທົ່ວໂລກສ່ວນ
ໃຫຍ່ ກໍຈະຕົກລາຄາ.
