ບັດນີ້ ສະຫະລັດແມ່ນສາມາດປະຕິບັດພັນທະທາງການເງິນຂອງຕົນໄດ້ແລ້ວ ໂດຍປາສະ
ຈາກໄພຂົ່ມຂູ່ຂອງການຜິດສັນຍາຊໍາລະໜີ້ ຫລັງຈາກທີ່ປະທານາທິບໍດີໂອບາມາ ໄດ້ລົງນາມ
ໃນຮ່າງກົດໝາຍປານີປານອມກັນ ກ່ຽວກັບລະດັບເພດານໜີ້ສິນຂອງຊາດຂຶ້ນ ໃນວັນອັງ
ຄານວານນີ້.
ແຕ່ການຕໍ່ສູ້ກັນຢູ່ໃນສະພາຄອງແກຣສ ກ່ຽວກັບວ່າຈະຕັດການໃຊ້ຈ່າຍ ຂອງລັດຖະບານລົງຫລາຍສໍ່າໃດ ແລະຕັດລົງຢູ່ພາກສ່ວນໃດ ອັນເປັນ ສ່ວນນຶ່ງຂອງການປານີປານອມກັນນັ້ນ ກໍອາດສາມາດລະເບີດຂຶ້ນມາ ໄດ້ອີກ ໃນບໍ່ຊ້ານີ້.
ຂໍ້ຕົກລົງກັນທີ່ທາງສະພາຕໍ່າ ແລະ ສະພາສູງໄດ້ຮັບຜ່ານ ແລະ ປະທານາທິບໍດີໄດ້ເຊັນ ລົງນາມໄປແລ້ວນັ້ນ ອະນຸຍາດໃຫ້ລັດຖະບານສາມາດ ຢືມເງິນຕໍ່ໄປໄດ້ ຈົນຮອດປີ 2012 ໂດຍແລກປ່ຽນກັບ ການຕັດການໃຊ້ ຈ່າຍຂອງລັດຖະບານລົງເກືອບນຶ່ງຕື້ໂດລາ ໃນ ໄລຍະສິບປີຕໍ່ໜ້າ. ມີພວກສະມາຊິກສະພາ ບໍ່ເທົ່າໃດຄົນ ທີ່ພໍໃຈນໍາຂໍ້ຕົກລົງນີ້ ແຕ່ທັງ ໝົດກໍເຫັນພ້ອມກັນວ່າ ປະເທດຊາດບໍ່ຄວນຈະຖືກປ່ອຍໃຫ້ໝົດເງິນ.
ນອກນີ້ແລ້ວ ຂໍ້ຕົກລົງດັ່ງກ່າວ ຍັງໄດ້ຈັດຕັ້ງຄະນະກໍາມະການງົບປະມານ ຈາກທັງສອງພັກ ທີ່ຈະຕ້ອງຫາທາງລົດຜ່ອນການຂາດດຸນລົງໃຫ້ໄດ້ອີກ 1500 ຕື້ໂດລາ ຖ້າຫາກວ່າຄະນະ ກໍາມະການບໍ່ສາມາດຕົກລົງກັນໄດ້ ມັນກໍຈະສົ່ງຜົນໃຫ້ມີການຕັດການໃຊ້ຈ່າຍລົງຢ່າງຫລວງ ຫລາຍ ໂດຍອັດ ຕະໂນມັດໃນທັນທີ.
ປະທານາທິບໍດີ ໂອບາມາ ກ່າວວ່າ ທຸກສິ່ງທຸກຢ່າງແມ່ນຈະວາງຢູ່ໂຕະ ໄວ້ໃຫ້ຄະນະກໍາມະ ການພິຈາລະນາຕັດລົງ ໂຮມທັງໂຄງການຕ່າງໆເຊັ່ນ ເງິນປະກັນສັງຄົມ ແລະສຸຂະພາບ ຄົນເຖົ້າເມດິແຄ ຊຶ່ງພວກເດໂມແຄຣທ ບາງຄົນກ່າວວ່າ ເປັນໂຄງການເຫລົ່ານີ້ ທີ່ແຕະ ຕ້ອງບໍ່ໄດ້. ນອກນີ້ແລ້ວ ທ່ານໂອບາມາ ຍັງຍໍ້າເຕືອນວ່າຈະບໍ່ມີການ ລົດຜ່ອນໜີ້ສິນເພິ່ມ ອີກ ຖ້າບໍ່ມີການກໍາຈັດການຜ່ອນຜັນພາສີ ສໍາລັບພວກບໍລິສັດໃຫຍ່ໆ ແລະພວກຮັ່ງມີ ທັງຫລາຍ ຊຶ່ງເປັນບາງສິ່ງທີ່ຝ່າຍຣິພັບບລິກັນຄັດຄ້ານ.
ເບິ່ງວີດີໂອ ລາຍງານທີ່ກ່ຽວຂ້ອງກັນ