ລິ້ງ ສຳຫລັບເຂົ້າຫາ

ລັດຖະບານກາງສະຫະລັດ ໄຂໂຮງການຄືນ ໃນວັນພະຫັດ ມື້ນີ້


ລັດຖະບານ​ກາງ​ສະຫະລັດ ​ໄຂ​ໂຮງ​ການ​ຄືນ​ໃນ​ວັນ​ພະຫັດ​ມື້​ນີ້
ຫຼັງ​ຈາກ​ໄດ້​ອັດ​ລົງ​ເປັນ​ບາງ ​ສ່ວນ​ມາ​ໄດ້ 16 ມື້ ລຸນ​ຫຼັງ​ລັດຖະ
ສະພາໄດ້ຮັບຮອງ​ເອົາ​ຮ່າງ​ກົດໝາຍ​ປະນີປະນອມ​ກັນ​ໃນ​ນາທີ​
ສຸດ​ທ້າຍ ​ເພື່ອ​ຫຼີກ​ເວັ້ນບໍ່​ໃຫ້​ລັດຖະບານຕົກ​ຢູ່​ໃນ​ສະພາວະບໍ່​ສາ
ມາດ​ຊຳລະ​ໜີ້​ສິນ​ຂອງ​ຕົນ​ໄດ້ນັ້ນ.

ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ​ໄດ້​ລົງ​ນາມ​ໃນ​ຮ່າງກົດໝາຍ
ດັ່ງກ່າວໃນຕອນ​ເຊົ້າມືດ​ວັນ​ພະຫັດ​ມື້​ນີ້ ຊຶ່ງ​ຈະ​ອະນຸມັດ​ໃຫ້​ລັດຖະບານ​ດຳ​ເນີນ
​ການ​ຕໍ່​ໄປໄດ້ ຢ່າງ​ນ້ອຍຈົນ​ຮອດ​ວັນ​ທີ 15 ມັງກອນ​ປີໜ້າ ​ແລະ​ເພີ່ມ​ເພດານໜີ້
​ສິນ​ຂຶ້ນເພື່ອໃຫ້ລັດຖະບານ​ຫລີກເວັ້ນຈາກການບໍ່​ສາມາດ​ຊຳລະ​ໜີ້​ສິນ​ຂອງ​ຕົນ​
ນັ້ນໄປຈົນ​ຮອດ​ວັນ​ທີ 7 ກຸມພາ ​ເປັນ​ຢ່າງ​ນ້ອຍ​. ໃນລະຫວ່າງ​ນີ້ ພວກ​ສະມາຊິກ
ລັດຖະສະພາ​ກໍຈະ​ເຈລະຈາ​ກັນ​ເລື້ອງ​ການ​ຕັດ​ລາຍ​ຈ່າຍ​ຂອງ​ລັດຖະບານ​ລົງ.

ສະພາ​ຕໍ່າໄດ້ຮັບ​ຜ່ານ​ແຜນການ​ດັ່ງກ່າວ​ໃນ​ຄືນ​ວັນ​ພຸດ​ວານ​ນີ້ດ້ວຍ​ຄະ​ແນນ​ 285
ສຽງ​ ເຫັນ​ດີ ຕໍ່ 144 ສຽງ​ຄັດຄ້ານ ຫຼັງ​ຈາກສະພາ​ສູງໄດ້ຮັບ​ຜ່ານເອົາ​ໃນ​ຕອນ
ສວາຍ​ວັນ​ພຸດ​ວານ​ນີ້ ດ້ວຍ​ຄະ​ແນນ​ 81 ສຽງ​ເຫັນ​ດີ ຕໍ່ 18 ສຽງ​ຄັດຄ້ານ.

ພວກ​ລັດຖະກອນທີ່​ຖືກ​ພັກ​ການ ພາກັນກັບ​ຄືນໄປເຮັດ​ວຽກ​ໃນຕອນ​ເຊົ້າວັນ​ພະ
ຫັດ​ມື້​ນີ້. ສະ​ຖາ​ບັນ Smithsonian ຊຶ່ງ​ຮວມທັງ​ພວກ​ຫໍພິພິທະ​ພັນ​ທີ່​ມີ​ຊື່​ສຽງ
​ຕ່າງໆທີ່​ຕັ້ງ​ຢູ່​ຢາຍກັນຕາມສະໜາມ​ຫຼວງ​ແຫ່ງ​ຊາດ​ໃນ​ກຸງ​ວໍ​ຊິງ​ຕັນ ດີ​ຊີ ​ໄດ້​ສົ່ງ​
ຂໍ້ຄວາມ​ອອກທາງ Tweeterວ່າ ພວກ​ພິພິທະ​ພັນ​ຕ່າງໆ​ຈະໄຂ​ຄືນ​ໃນ​ວັນ​ພະ
ຫັດ​ມື້​ນີ້ ​ແລະ​ສວນສັດ​ແຫ່ງ​ຊາດຈະໄຂ​ຄືນ​ໃນ​ວັນ​ສຸກ​ມື້​ອື່ນ.


ທ່ານ​ໂອ​ບາ​ມາ​ໄດ້​ກ່າວ​ຂອບ​ອົກ​ຂອບ​ໃຈ​ພວກ​ຜູ້ນຳ​ທັງ​ສອງ​ພັກ​ການ​ເມືອງ ​ແລະ​
ນັ້ນ ​ຄືນມາຈາກ​ປະຊາຊົນ​ອາ​ເມຣິກັນ.

ທ່ານ Harrry Reid ຜູ້ນຳ​ພັກ​ເດ​ໂມ​ແຄຣັດ ທີ່​ມີ​ສຽງ​ຂ້າງ​ຫຼາຍ​ໃນ​ສະພາ​ສູງ ​ແລະ
​ຄູ່ຕຳ​ແໜ່​ງ ທ່ານ Mitch McConnell ຈາກ​ພັກ Republican ​ໄດ້​ຮ່ວມ​ກັນ​ສະ​
ເໜີຮ່າງ ​ຍັດຕິ​ດັ່ງກ່າວ​ໃນ​ວັນ​ພຸດ​ວານ​ນີ້ ນຶ່ງ​ມື້ ກ່ອນ​ກຳນົດ​ອຳນາດ​ກູ້​ຢືມ​ເງິນຈະ
​ໝົດ​ອາຍຸ​ລົງ.
XS
SM
MD
LG