ລິ້ງ ສຳຫລັບເຂົ້າຫາ

ຈີນສະແດງປະຕິກິລິຍາ ກ່ຽວກັບໜີ້ສິນ ຂອງສະຫະລັດ

  • ສິງ ບູຣົມມະວົງ

ທ່ານ John Boehner ປະທານສະພາຕໍ່າສະຫະລັດ ສັງກັດພັກ Republican ກ່າວຕໍ່ກອງປະຊຸມນັກຂ່າວ ທີ່ຕຶກສະພາທີ່ກຸງວໍຊິງຕັນ ກ່ຽວກັບໜີ້ສິນຂອງສະຫະລັດ ວັນທີ 1 ສິງຫາ 2011

ສື່​ມວນ​ຊົນ​ທີ່​ລັດຄວບ​ຄຸມຂອງຈີນ​ກ່າວ​ວ່າ ການຕົກລົງ​ກັນໃນ​ນາທີ​ສຸດ​ທ້າຍ​ ເພື່ອ​ເພີ່ມ​ລະດັບ
ຫລື​ເພດານ​ໜີ້​ສິນ​ຂອງ​ລັດຖະບານ​ສະຫະລັດ​ຂຶ້ນນັ້ນ​ ພຽງ​ແຕ່ໄດ້​ເລື່ອນ​ບັນຫາ​ທີ່ເລິກ​ກ່ວາ​
ທີ່​ເປັນ​ໄພ​ຂົ່ມຂູ່​ຕໍ່ເສດຖະກິດ​ໂລກອອກ​ໄປ​ເທົ່າ​ນັ້ນ.

ໃນ​ບົດ​ວິຈານ​ບົດ​ນຶ່ງ​ໃນ​ວັນ​ອັງຄານ​ມື້​ນີ້ ໜັງສືພິມ People’s Daily ຫລື ​ປະຊາຊົນ​ລາຍ​
ວັນ ກ່າວ​ວ່າ ເຖິງ​ແມ່ນໄດ້​ມີ​ການຫລີກ​ລ່ຽງ​ຈາກໄພ​ຂົ່ມຂູ່​ຂອງ​ການ​ບໍ່​ສາມາດ​ຈ່າຍ​ຄ່າ​ໜີ້​ສິນ​
ຂອງ​ລັດຖະບານ​ກໍ​ຕາມ ​ແຕ່ບັນຫາ​ໜີ້​ສິນ​ຂອງ​ອາ​ເມ​ຣິກາ​ກໍຍັງບໍ່ທັນ​ໄດ້​ຮັບ​ການ​ແກ້​ໄຂ ​
ແລະ​ເບິ່ງ​ຄື​ວ່າຈະ​ເພີ່ມ​ຄວາມ​ຮ້າຍ​ແຮງ​ໜັກຂຶ້ນ​ໄປ​ອີກ.

ໜັງສືພິມ​ປະຊາຊົນ​ລາຍ​ວັນ ​ແມ່ນເປັນ​ປາກ​ສຽງ​ທີ່​ສໍາ​ຄັນ​ທີ່​ສຸດ​ຂອງພັກ​ຄອມ​ມີ​ວນິດ​ຈີນ ​ທີ່
ປົກຄອງ​ປະ​ເທດ​ໃນ​ປັດຈຸບັນ​ນີ້.

ບົດ​ວິຈານກ່າວ​ອີກວ່າ ພາລະ​ໜີ້​ສິນ​ຂອງ​ອະ​ເມຣິກັນຈະ​ສືບ​ຕໍ່ເປັນ​ເງົາ​ມືດປົກ​ຄຸມການ​ຟື້ນ
ໂຕ​ຄືນ​ຂອງເສດຖະກິດ​ຂອງ​ຊາດ ​ແລະເພີ່ມ​ຄວາມ​ສ່ຽງ​ທີ່​ປະ​ເຊີນ​ໜ້າເສດຖະກິດ​ຂອງ​ປະ​
ເທດ​ອື່ນໆ​ໃນ​ໂລກ. ໜັງສືພິມ People’s Daily ກ່າວ​ວ່າ ​ເຖິງ​ແມ່ນ​ມີ​ບັນຫາໜີ້​ສິນ​ນີ້​ກໍ
ຕາມ ​ແຕ່​ເງິນ​ໂດ​ລາ​ສະຫະລັດ​ກໍ​ຍັງ​ຄົງເປັນ​ເງິນຕາ​ທີ່​ຄອບ​ງໍາ​ໂລກ ​ແລະ​ປະ​ເທດ​ອື່ນໆ​ບໍ່​
ມີ​ທາງ​ເລືອກ​ ນອກຈາກ​ຈໍາ​ເປັນ​ຕ້ອງ​ໄດ້​ຮັບ​ເອົາ. ຈີນເປັນ​ປະ​ເທດ​ເຈົ້າ​ໜີ້​ລາຍ​ໃຫຍ່​ທີ່ສຸດ​
ຂອງ​ອາ​ເມ​ລິ​ກາ ຢູ່​ນອກ​ສະຫະລັດ​.

XS
SM
MD
LG