ສະຫະລັດ ຕິຕຽນ ຣັດເຊຍ ທີ່ຂາຍ ລູກສອນໄຟ ໃຫ້ຊີເຣຍ (ສະໄລດ໌)

ນາຍທະຫານ​ຂັ້ນ​ສູງ​ຂອງສະຫະລັດ ກ່າວ​ວ່າ ການ​ສົ່ງ​ລູກ​ສອນ
​ໄຟ​ຂອງຣັດ​ເຊຍ ​ໄປ​ໃຫ້ຊີ​ເຣຍ ແມ່ນມີ​ຂຶ້ນ ​“​ຜິດ​ເວລາ” ​ແລະ “​ບໍ່
ເປັນ​ຈັ່ງໂຊກ​ແທ້ໆ​.”

ຄໍາ​ຖະ​ແຫລ​ງຂອງນາຍ​ພົນ Martin Dempsey ແມ່ນ​ເປັນ​ການ
​ຢືນຢັນເທຶ່ອທໍາ​ອິດ​ຂອງສະຫະລັດ ທີ່​ວ່າຣັດ​ເຊຍ​ໄດ້​ຂາຍໃນອັນ
​ທີ່​ຮ້ອງ​ວ່າ ລູກ​ສອນໄຟທໍາລາຍ​ເຮືອ ​ໃຫ້ແກ່​ຊີ​ເຣຍ.

ນາຍ​ພົນ Dempsey ຊຶ່ງເປັນປະທານ​ເສນາ​ທິການ​ຮ່ວມ ຂອງ
ກອງ​ທັບສະຫະ ລັດ ກ່າວ​ໃນ​ວັນ​ສຸກ​ວານ​ນີ້​ວ່າ ລູກ​ສອນ​ໄຟດັ່ງ
ກ່າວ ຈະເຮັດໃຫ້​ປະທານາທິບໍດີ Bashar al-Assad ​ມີ​ກຳລັງ​
ໃຈ​ຕື່ມ​ຂຶ້ນ ແລະ​ແກ່ຍາວຄວາມ​ເຈັບ​ປວດທໍລະ​ມານໃນຊີ​ເຣຍ.

ໝັງ​ສື​ພິມ New York Times ກ່າວ​ວ່າ ລູກ​ສອນ​ໄຟຕໍ່ຕ້ານເຮືອ
ຂອງ​ຊີ​ເຣຍມີ​ຄວາມ​ກ້າວໜ້າ​ກວ່າ​ທີ່ໄດ້​ສົ່ງ​ມາ​ໃນ​ງວດ​ກ່ອນໆ.
ຣັດ​ເຊຍກ່າວ​ວ່າ ຕົນ​ພຽງ​ແຕ່​ປະຕິບັດ​ໃຫ້​ຫລ້ອນພັນທະ​ຕາມ
ສັນຍາ​ທີ່​ໄດ້​ມີ​ກັບ​ຊີ​ເຣຍ ​ແລະບໍ່​ມີ​ຜົນ​ປະ​ໂຫຍ​ດ ຫຍັງ ​ທີ່​ຈະ​ເຫັນ
ປະທານາທິບໍດີ Assad ​ກໍາ​ອໍານາດຕໍ່​ໄປ.

ຣັດ​ເຊຍ ​ແລະ​ສະຫະລັດ ກໍາລັງ​ເຣັດວຽກ​ຮ່ວມ​ກັນເພື່ອ​ກະກຽມກອງ​ປະຊຸມສັນຕິ​ພາບນາໆ​
ຊາດ ກ່ຽວ​ກັບ​ຊີ​ເຣຍ ​ໃນ​ເດືອນ​ໜ້າ​ນີ້.ກອງ​ປະຊຸມດັ່ງກ່າວ​ອາດຈະ​ນໍາ​ເອົາ​ພວກ​ຕໍ່ຕ້ານ ແລະ
ລັດຖະບານ​ຊີ​ເຣຍ​ ມາ​ພົບ​ປະກັນ ​ແລະ​ແຜ້ວທາງ​ໃຫ້​ມີ​ການຈັດຕັ້ງ​ລັດຖະບານໃນ​ໄລຍະ
​ຂ້າມ​ຜ່ານ​ຊຸດໃໝ່.