ລິ້ງ ສຳຫລັບເຂົ້າຫາ

ສານສູງ ສຫລ ປະຕິເສດ ຕໍ່ບາງສ່ວນ ຂອງກົດໝາຍ ຄົນເຂົ້າເມືອງ ລັດອາຣີໂຊນາ (ວີດີໂອ)

  • ສິງ ບູຣົມມະວົງ

ສານສູງສຸດຂອງສະຫະລັດ ທີ່ກຸງວໍຊິງຕັນ

​ໃນ​ວັນ​ຈັນ​ວານ​ນີ້​ ສານ​ສູງ​ສຸດ​ຂອງ​ສະຫະລັດ​ໄດ້​ປະຕິ​ເສດ ​ຕໍ່​ພາກສ່ວນ​ໃຫຍ່​ຂອງກົດໝາຍ
​ວ່າ​ດ້ວຍ​ການ​ກວດ​ຄົນ​ເຂົ້າ​ເມືອງ​ຢ່າງ​ເຂັ້ມ​ງວດຂອງ​ລັດ Arizona ​ໃນ​ພາກ​ຕາ​ເວັນ​ຕົກ​ຂອງ
​ສະຫະລັດ ​ແຕ່ກໍ​ຕັດສິນ​ວ່າ ພາກສ່ວນ​ນຶ່ງທີ່​ເປັນ​ບັນຫາ​ໂຕ້​ແຍ້​ງກັນ​ຫຼາຍ​ກວ່າ​ໝູ່ໃນ​ກົດໝາຍ
ດັ່ງກ່າວ ​ສາມາດ​ປະຕິ​ບັດຕໍ່​ໄປໄດ້.

ສານ​ສູງ​ສຸດໄດ້​ຕັດສິນ​ເຫັນ​ພ້ອມນໍາ​ຂໍ້​ບັງຄັບ​ ທີ່​ບົ່ງ​ວ່າພວກ​ເຈົ້າ​ໜ້າ​ທີ່​ຕໍາຫຼວດ​ຂອງລັດ​ທີ່​ມີເຫດ
ຜົນ​ພຽງພໍ​ພາ​ໃຫ້ສົງ​ໄສ​ນັ້ນ ​ສາມາດກວດກາ​ຖານະ​ການ​ເຂົ້າເມືອງ​ຂອງ​ພວກ​ຜູ້​ຄົນ​ທີ່​ເຂົາ​ເຈົ້າ​
ຢຸດ​ສໍາລັບ​ສາ​ເຫດ​ອື່ນໆ​ນັ້ນ. ​ເຖິງຢ່າງ​ໃດ​ກໍ​ດີ ພວກ​ຜູ້​ພິພາກສາ​ເຫຼົ່າ​ນີ້​ກ່າວ​ວ່າ ຂໍ້​ກໍານົດ​ໃນ​ກົດ
ໝາຍດັ່ງກ່າວ​ສາມາດ​ປະ​ເຊີນ​ກັບ​ການ​ທ້າ​ທາຍ​ຕ່າງໆ​ທາງ​ດ້ານ​ກົດໝາຍ​ຕື່ມ​ອີກ​ໄດ້.

ພວກ​ຜູ້​ພິພາກສາ​ບໍ່​ຍອມຮັບ​ເອົາ​ຂໍ້​ກໍານົດ​ອື່ນໆ​ອີກ 3 ຂໍ້​ຢູ່ໃນ​ກົດໝາຍຂອງ​ລັດ ຊຶ່ງ​ຂໍ້​ກໍານົດ
​ເຫຼົ່າ​ນີ້ຖື​ວ່າ​ເປັນອາ​ຊະ​ຍາ​ກຳ ສໍາລັບ​ພວກ​ຄົນເຂົ້າ​ເມືອງ​ທີ່​ບໍ່​ມີ​ໃບ​ອະນຸຍາດ​ໃຫ້​ເຮັດ​ວຽກ​ເຮັດ​
ການ ໄປ​ຊອກ​ຫາ​ວຽກ​ການ​ເຮັດ ຖື​ວ່າ​ເປັນ​ອາ​ຊະ​ຍາ​ກຳ​ສໍາລັບ​ພວກ​ຄົນ​ເຂົ້າ​ເມືອງ​ທີ່​ບໍ່​ຖືເອກະ
ສານ ລົງທະບຽນຕິດ​ໂຕ​ໄປ​ນໍາ​ແລະ​ອະນຸມັດ​ໃຫ້​ຕໍາຫຼວດ​ຈັບ​ກຸມ​ຄົນ​ເຂົ້າເມືອງ​ຄົນ​ໃດ​ກໍ​ຕາມ
​ທີ່​ເຂົາ​ເຈົ້າ​ເຊື່ອ​ວ່າ ​ເນລະ​ເທດ​ໄດ້​ນັ້ນ.

ສະພາ​ນິຕິບັນຍັດ​ຂອງ​ລັດ Arizona ​ໄດ້​ຮັບ​ຜ່ານ​ກົດໝາຍ​ດັ່ງກ່າວໃນ​ປີ 2010. ຄະນະ​ນໍາພາ
​ຂອງ​ລັດກ່າວ​ວ່າ ມັນ​ເປັນ​ສິ່ງ​ຈໍາ​ເປັນ ທີ່ຕ້ອງໄດ້ຢຸດ​ການ​ລັກລອບ​ເຂົ້າ​ເມືອງ​ຢ່າງ​ຜິດ​ກົດໝາຍ​
ເຂົ້າໄປ​ໃນ​ລັດດັ່ງກ່າວ ຊຶ່ງ​ສ່ວນ​ຫຼາຍ​ພວກ​ລັກ​ເຂົ້າ​ເມືອງ​ນີ້ ​ແມ່ນ​ມາ​ຈາກ​ບັນດາ​ປະ​ເທດ​ໃນ​ທະ
ວີບອາ​ເມຣິກາ​ໃຕ້​ແລະ​ອາ​ເມຣິກາ​ກາງ. ພວກ​ຜູ້​ນໍາພາ​ເຫຼົ່າ​ນີ້​ເວົ້າ​ວ່າ ລັດຖະບານ​ກາງສະຫະລັດ
ບໍ່​ໄດ້​ຈັດ​ຕັ້ງ​ປະຕິບັດ​ກົດໝາຍ​ ວ່າ​ດ້ວຍ​ຄົນ​ເຂົ້າ​ເມືອງ​ແຫ່ງ​ຊາດຢ່າງ​ເຕັມ​ສ່ວນ​.

ລັດແອຣີໂຊນາ ກໍຄືກັບ ລັດແຄລິຟໍເນຍ ນິວເມັກຊິໂກ ກັບເທັກຊັສ ແມ່ນມີຊາຍແດນ
ຕິດກັບປະເທດເມັກຊິໂກ ຈຶ່ງມີບັນຫາເລື່ອງຄົນລັກລອບເຂົ້າເມືອງ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG