ບັນດາເຈົ້າໜ້າທີ່ ກະຊວງຕ່າງປະເທດ ສະຫະລັດ ແລະທຳນຽບ
ຫ້າແຈ ໃຫ້ການຕໍ່ສະພາສູງສະຫະລັດໃນວັນພຸດທີ່ຜ່ານມາ ກ່ຽວ
ກັບແຜນຂອງລັດຖະ ບານທ່ານ Obama ທີ່ຈະປິດບ່ອນຄຸມຂັງ
ຢູ່ອ່າວ Guantanamo ປະເທດຄິວບາ ຊຶ່ງເປັນການຮັບຟັງ ທີ່
ໄດ້ມີຂຶ້ນໜຶ່ງມື້ ຫລັງຈາກການໂຈມຕີຂອງພວກ ກໍ່ການຮ້າຍ ທີ່
ນະຄອນ Brussels. ນັກຂ່າວ ວີໂອເອ ປະຈຳທຳນຽບຫ້າແຈ
Carla Babb ລາຍງານວ່າ ສະມາຊິກສະພາຈຳນວນໜຶ່ງ ໄດ້
ສະເໜີແນະວ່າ ການໂຈມຕີ ທີ່ນະຄອນ Brussels ແລະຢູ່ທີ່
ນະຄອນປາຣີ ໃນປີກາຍນີ້ ອາດເຮັດໃຫ້ພັນທະມິດໃນຢູໂຣບ
ທົບທວນຄືນໃໝ່ ກ່ຽວກັບການຮຽກຮ້ອງ ໃຫ້ປິດສະຖານທີ່ດັ່ງ
ກ່າວ ຊຶ່ງ ກິ່ງສະຫວັນ ຈະນຳເລື້ອງນີ້ ມາສະເໜີທ່ານ.
ຫລາຍກວ່າ 85 ເປີເຊັນຂອງພວກທີ່ຖືກກັກຂັງຢູ່ອ່າວ Guantanamo ປະເທດຄິວບາ
ນັບແຕ່ປີ 2002 ເປັນຕົ້ນມາ ໄດ້ຖືກຍ້າຍອອກໄປຢູ່ບັນດາປະເທດຕ່າງໆແລ້ວ.
ໜ້ອຍກວ່າ 100 ຄົນ ຍັງຖືກຂັງຢູ່ທີ່ນັ້ນ ແລະລັດຖະບານ ທ່ານ Obama ຕ້ອງການຢາກ
ຈະປິດສະຖານທີ່ດັ່ງກ່າວນີ້ລົງ.
ບັນດາເຈົ້າໜ້າທີ່ຂອງລັດຖະບານກ່າວວ່າ ພາບພົດຂອງຄຸກແຫ່ງນີ້ ຊຶ່ງຍັງຮູ້ກັນໃນອີກຊື່
ນຶ່ງວ່າ Gitmo ນັ້ນ ຍັງເປັນທີ່ເຕືອນໃຫ້ຮູ້ ກ່ຽວກັບການອະນຸຍາດຂອງ ສະຫະລັດ ໃຊ້
ການທໍລະມານໂດຍການເອົາຜ້າປົກໜ້າແລ້ວເທນໍ້າໃສ່ ແລະການຄຸມຂັງເປັນເວລາຍາວ
ນານ ໂດຍປາດສະຈາກການດຳເນີນຄະດີ.
ທ່ານ Paul Lewis ຜູ້ຕາງໜ້າກະຊວງປ້ອງກັນປະເທດສະຫະລັດ ຮັບຜິດຊອບ ກ່ຽວກັບ
ຄຸກ Guantanamo ກ່າວວ່າ "ບັນດາປະເທດຕ່າງໆຢູ່ໃນທົ່ວໂລກ ແລະພັນທະມິດທັງ
ຫລາຍ ບອກເຮົາວ່າ ຄຸກ Gitmo ນີ້ ສ້າງຄວາມເສຍຫາຍໃຫ້ແກ່ ພວກເຮົາ. ໂດຍການ
ປິດຄຸກ Gitmo ລົງໄປນັ້ນ ພວກເຮົາໄດ້ແກ້ໄຂຄວາມກັງວົນເປັນຫ່ວງໃຫ້ແກ່ໂລກ
ທັງມວນ.”
ໂດຍບໍ່ໄດ້ໃຫ້ລາຍລະອຽດໃດໆ ທ່ານ Lewis ຮັບຮູ້ວ່າ ຊາວອາເມຣິກັນ ໄດ້ຖືກສັງຫານ
ໂດຍອະດີດນັກໂທດຄຸກ Gitmo ຜູ້ທີ່ກັບຄືນໄປສູ່ສະໜາມລົບນັ້ນ.
ທ່ານ Lewis ກ່າວວ່າ "ເວລາໃດກໍຕາມມີຄົນເສຍວິດ ມັນເປັນເລື້ອງທີ່ໂສກເສົ້າ ແລະ
ພວກເຮົາບໍ່ຢາກໃຫ້ມີຜູ້ໃດຜູ້ໜຶ່ງເສຍຊີວິດ ເພາະວ່າພວກເຮົາໄດ້ຍົກຍ້າຍນັກໂທດ.”
ແຕ່ທ່ານ Lewis ກ່າວວ່າ ລັດຖະບານຊຸດປັດຈຸບັນນີ້ິ ແລະລັດຖະບານຊຸດກ່ອນ ເຊື່ອໃນ
ຄວາມສຳຄັນຂອງການປິດຄຸກ Gitmo ມີນ້ຳໜັກຫລາຍກວ່າຄວາມສ່ຽງຕໍ່ການປ່ອຍໃຫ້
ຄຸກດັ່ງກ່າວດຳເນີນການຕໍ່ໄປ.
ບັນດາສະມາຊິກສະພາສູງພັກຣີພັບບລິກກັນ ເຊື່ອວ່າຄຸກດັ່ງກ່າວນີ້ຍັງມີຄວາມສຳຄັນຄື
ກັນກັບແຕ່ກ່ອນ.
ທ່ານ Dana Rohrabacher ສະມາຊິກສະພາຕໍ່າ ພັກຣີພັບບລິກັນ ກ່າວວ່າ "ເຂົາເຈົ້າ
ເສຍໃຈແກ່ພວກເຮົາທີ່ສຸດ ທີ່ວ່າເປັນເຄື່ອງມືໃນການເກັບເກນເອົາສະມາຊິກ ທີ່ພວກ
ເຮົາໄດ້ກັກຂັງພວກກໍ່ການຮ້າຍ ທີ່ໄດ້ສັງຫານປະຊາຊົນທີ່ໄຮ້ດຽງສາໄວ້ຢູ່ໃນຄຸກ
Gitmo. ດີລະ ຂ້າພະເຈົ້າຄິດວ່າ ເຄຶ່ອງມືໃນການເກັບເກນທີ່ໃຫຍ່ຂຶ້ນກວ່ານີ້ ກໍຄື
ເວລາລັດຖະບານຂອງເຮົາ ໂດຍສະເພາະ ລັດຖະບານຊຸດປັດຈຸບັນ ທີ່ຖືກເບິ່ງເຫັນ
ວ່າ ເປັນລັດຖະບານທີ່ອ່ອນແອນັ້ນ."
ອີງຕາມລາຍງານສືບລັບແລ້ວ ໜ້ອຍກວ່າຫ້າເປີເຊັນ ຂອງພວກນັກໂທດຈາກຄຸກ
Gitmo ທີ່ໄດ້ຖືກຍົກຍ້າຍໂດຍລັດຖະບານ Obama ໄດ້ກັບຄືນໄປເປັນພວກກໍ່ການ
ຮ້າຍອີກ.
ແຕ່ວ່າ ສະມາຊິກສະພາຈຳນວນໜຶ່ງຢ້ານກົວວ່າ ບັນດາປະເທດທີ່ຮັບເອົາພວກນັກໂທດ
ຈາກຄຸກ Gitmo ເຊັນວ່າ Ghana ແລະ Uruguay ບໍ່ສາມາດຕິດ ຕາມເບິ່ງເຂົາເຈົ້າໄດ້
ຢ່າງເໝາະສົມ.
ທ່ານ Ed Royce ປະທານຄະນະກຳມະການຄວາມສຳພັນຕ່າງປະເທດຂອງສະພາຕ່ຳ
ກ່າວວ່າ “Ghana ເປັນບ່ອນທີ່ງົດງາມ. ເປັນປະເທດທີ່ສວຍງາມ. ແຕ່ຄວາມຈິງແລ້ວ
ບໍ່ມີໜ່ວຍສືບລັບທີ່ດີເລີດ ຫລືການບໍລິການດ້ານເຈົ້າໜ້າທີ່ປະຕິບັດກົດໝາຍທີ່ດີເລີດ
ເລີຍ ເພື່ອຮັບມືກັບບັນຫາແບບນີ້.”
ໃນຂະນະທີ່ພວກນັກໂທດກາຍເປັນຜູ້ມີສິດທິໃນການຍົກຍ້າຍ ແຕ່ຂັ້ນຕອນການຄຸມຂັງ
ຢູ່ຄຸກ Gitmo ຍັງສືບຕໍ່ເປັນເລື້ອງທີ່ມີການອະພິປາຍກັນຢ່າງເຜັດຮ້ອນ.
ທ່ານ Eliot Engel ສະມາຊິກສະພາຕໍ່າ ພັກເດໂມແຄຣັດ ກ່າວວ່າ “ບັດນີ້ ຂ້າພະເຈົ້າບໍ່
ເຫັນພ້ອມ ທີ່ຈະປ່ອຍໃຜທັງໝົດ ທີ່ມີຄວາມຜິດ ແຕ່ວ່າ ຂ້າພະເຈົ້າກໍບໍ່ຢາກຮັກສາຄົນ
ໄວ້ຢູ່ໃນຄຸກ ຫລັງຈາກປີ ເປັນເວລາຫຼາຍໆປີ ໂດຍທີ່ບໍ່ມີການດຳເນີນຄະດີ.”
ທ່ານ Dana Rohrabacher ສະມາຊິກສະພາຕໍ່າພັກຣີພັບບລິກັນ ກ່າວວ່າ “ຖ້າຫາກ
ວ່າເດັກນ້ອຍຜູ້ໜຶ່ງໄດ້ຮັບການຊ່ອຍຊີວິດໄວ້ ເພາະວ່າລາວອາດຖືກໂຈມຕ້ດ້ວຍ ຈາກ
ຜູ້ໃດຜູ້ໜຶ່ງທີ່ຖືກປ່ອຍໂຕ ມັນດີສຸດທີ່ຈະຄຸມຂັງພວກນັກໂທດ 90 ຄົນນັ້ນໄວ້ຢູ່ໃນຄຸກ
Gitmoຕໍ່ໄປ”
ທາງເລືອກຂອງການຍົກຍ້າຍ ພວກນັກໂທດຈາກຄຸກ Guantanamo ມາສູ່ດິນແດນອາ
ເມຣິການັ້ນ ຍັງເປັນເລື້ອງທີ່ຜິດກົດໝາຍຢູ່.
