ບັນດາຜູ້ນຳພັກ ເດໂມແຄຣັດ ແລະຣີພັບບລິກັນ ຢູ່ໃນ ລັດຖະ
ສະພາສະຫະລັດ ໄດ້ບັນລຸຂໍ້ຕົກລົງ ກ່ຽວກັບຮ່າງງົບປະມານ
ຈຳນວນ 1 ພັນ 1 ຮ້ອຍຕື້ໂດລາ ຂອງລັດຖະບານກາງ ສຳ
ຫລັບໃຊ້ຈ່າຍໄປຈົນເຖິງປີໜ້າ.
ການຕົກລົງກ່ຽວກັບຮ່າງງົບປະມານໃຊ້ຈ່າຍດັ່ງກ່າວ ໄດ້ບັນ
ລຸກັນໃນວັນອັງຄານວານນີ້ ພຽງແຕ່ສອງມື້ກ່ອນ ງົບປະມານ
ໃຊ້ຈ່າຍໃນປັດຈຸບັນ ຈະໝົດໄປ. ງົບປະມານນີ້ຈະອຳນວຍ
ໃຫ້ ຫ້ອງການລັດຖະບານກາງທັງໝົດ ມີທຶນດຳເນີນງານ
ໄປຈົນຮອດເດືອນກັນຍາປີໜ້າ ຍົກເວັ້ນ ກະຊວງຮັກສາ
ຄວາມປອດໄພແຫ່ງຊາດ ທີ່ໄດ້ທຶນໄປຈົນຮອດ ວັນທີ 27
ເດືອນກຸມພາ.
ຄາດວ່າ ພວກຜູ້ແທນພັກຣີພັບບລິກັນໃນສະພາ ທີ່ຈະເຂົ້າຄວບຄຸມລັດຖະສະພາທັງໝົດ
ໃນເດືອນໜ້ານີ້ ຈະໃຊ້ທຶນທີ່ອະນຸມັດໃຫ້ໃນຂອບເຂດຈຳກັດນີ້ ເປັນ ຂໍ້ງັດງ້າງ ເພື່ອຈໍາກັດ
ການປະຕິບັດຕາມ ຄຳສັ່ງບໍລິຫານທີ່ປະທານາທິບໍດີ Barack Obama ໄດ້ອອກໄປເມື່ອ
ໄວໆມານີ້ ທີ່ສັ່ງໃຫ້ໂຈະການເນລະເທດ ຊາວຕ່າງດ້າວບໍ່ມີເອກະສານ ຮອດຫ້າລ້ານຄົນ
ໄວ້ນັ້ນ.
ຮ່າງກົດໝາຍໃຊ້ຈ່າຍ ທີ່ປະນີປະນອມກັນນີ້ ໄດ້ຕື່ມເງິນຫລາຍກ່ວາ 5 ພັນລ້ານໂດລາ
ໃສ່ງົບປະມານຕໍ່ສູ້ກັບ ການລະບາດເຊື້ອອີໂບລາ ຢູ່ອາຟຣິກາຕາເວັນຕົກ ແຕ່ໄດ້ຕັດທຶນ
ສຳຫລັບຫ້ອງການປົກປ້ອງສິ່ງແວດລ້ອມລົງ ແລະຜ່ອນຜັນກົດລະບຽບຈຳນວນນຶ່ງ ທີ່
ຮວມຢູ່ໃນກົດໝາຍປີ 2010 ທີ່ໄດ້ອອກລະບຽບຄວບຄຸມ ພາກສ່ວນການເງິນ ຂອງ
ສະຫະລັດນັ້ນ.
