ລັດຖະສະພາ ສະ​ຫະ​ລັດ ມີເວລາສອງວັນເພື່ອຫຼີກລ່ຽງການປິດລັດ​ຖ​ະ​ບານ​ບາງ​ສ່ວນ ຫຼັງທ່ານ ທຣໍາ ປະຕິເສດຮ່າງກົດໝາຍງົບປະມານ

ລັດຖະສະພາ ສະ​ຫະ​ລັດ ມີເວລາພຽງ 2 ວັນໃນການຫຼີກລ້ຽງການປີດໜ່ວຍງານຂອງ ລັດຖະບານບາງສ່ວນຫຼັງຈາກ ທ່ານ ດໍໂນລ ທຣໍາ ວ່າທີ່ປະທານາທິບໍດີໄດ້ຮັບເລືອກຕັ້ງ ຈາກພັກຣີພັບລີກັນ ປະຕິເສດຂໍ້ຕົກລົງຂອງສອງພັກການ​ເມືອງເມື່ອວັນພຸດວານນີ້ ແລະ ຮຽກຮ້ອງໃຫ້ສະມາຊິກສະພາເພີ່ມເພດານໜີ້ສິນຂອງປະເທດກ່ອນທີ່ ທ່ານ ທຣໍາ ຈະເຂົ້າມາ ຮັບຕໍາແໜ່ງໃນເດືອນໜ້າ.

ທ່ານ ທຣໍາ ໄດ້ກົດດັນສະມາຊິກ ຣີພັບລີພກັນ ໃນລັດຖະສະພາໃຫ້ປະຕິເສດຮ່າງກົດໝາຍ ຊົ່ວຄາວທີ່ມີເປົ້າໝາຍເພື່ອຄົງງົບປະມານຂອງລັດຖະບານໃຫ້ຄອບຄຸມຫຼັງທ່ຽງຄືນວັນສຸກມື້​ອື່ນ.

ຫາກບໍ່ມີການດຳເນີນການຈາກລັດຖະສະພາ ລັດຖະບານ ສະຫະລັດ ຈະເລີ້ມປິດໜ່ວຍ ງານບາງສ່ວນໃນວັນເສົາຊຶ່ງຈະສົ່ງຜົນກະທົບຕໍ່ທຸກຢ່າງຕັ້ງແຕ່ການເດີນທາງທາງອາກາດ ໄປຈົນເຖິງການບັງຄັບໃຊ້ກົດໝາຍໃນຊ່ວງວັນພັກ ຄຣິສມາທ ວັນທີ 25 ທັນວາ.

ຂໍ້ຕົກລົງສອງພັກທີ່ບັນລຸເມື່ອວັນອັງຄານທີ່​ຜ່ານ​ມາຈະຂະຫຍາຍງົບປະມານໄປຈົນເຖິງວັນທີ 14 ມີນາ. ທ່ານ ທຣໍາ ກ່າວເຕືອນວ່າສະມາຊິກພັກຣີພັບລີກັນທີ່ລົງຄະແນນສະໜັບສະໜູນ ຮ່າງກົດໝາຍຊຸດປັດຈຸບັນອາດຈະປະສົບບັນຫາໃນການໄດ້ຮັບເລືອກຕັ້ງອີກຄັ້ງເນື່ອງຈາກ ປະເຊີນກັບຜູ້ທ້າຊິງໃນພັກຂອງຕົນເອງ.

“ສະມາຊິກພັກຣີພັບລີກັນທີ່ໂງ່ພໍທີ່ຈະທຳເຊັ່ນນີ້ຄວນຈະຖືກທ້າທາຍແລະຈະຖືກທ້າທາຍໃນການເລືອກຕັ້ງຂັ້ນຕົ້ນ” ທ່ານ ທຣໍາ ຂຽນໃນ Truth Social ແພລດຟອມຂອງທ່ານ.

ຫາກສະຖານະການນີ້ເກີດຂື້ນຈະເປັນການປິດໜ່ວຍງານຂອງລັດຖະບານຄັ້ງທຳອິດນັບຕັ້ງ ແຕ່ຊ່ວງເດືອນທັນວາປີ 2018 ເຖິງ 2019 ລະຫວ່າງທ່ານ ທຣໍາ ຮັບຕໍາແໜ່ງປະທາ ນາທິບໍດີວາລະທຳອິດ.

ທ່ານ ທຣໍາ ຕອນນີ້ກຳລັງຮຽກຮ້ອງໃຫ້ລັດຖະສະພາຜ່ານກົດໝາຍທີ່ຈະແກ້ໄຂບັນຫາທີ່ຄົງ ຄ້າງກ່ອນທີ່ທ່ານຈະເຈົ້າມາຮັບຕໍາແໜ່ງໃນເດືອນໜ້າ ໂດຍການເພີ່ມເພດານການກູ້ຢືມຂອງ ລັດຖະບານຊຶ່ງເປັນວຽກທີ່​ຫຍຸ້ງຍາກທາງການເມືອງ ແລະຂະຫຍາຍງົບປະມານຂອງ ລັດຖະບານ.

ທ່ານ ທຣໍາ ຍັງລະບຸຕື່ມວ່າ ສະມາຊິກສະພາຄວນຕັດສ່ວນຕ່າງໆ ຂອງຂໍ້ຕົກລົງທີ່ໄດ້ ຮັບການສະໜັບສະໜູນຈາກພັກ ເດໂມແຄຣັດ ຊຶ່ງການສະໜັບສະໜູນຂອງພັກ ເດໂມແຄຣັດ ເປັນສິ່ງຈຳເປັນສຳລັບການຜ່ານຮ່າງກົດໝາຍນີ້ ທ່ານ ທຣໍາ ກ່າວ ຫຼັງຈາກ ທ່ານ ອີລອນ ມັສ ພັນທະມິດຂອງທ່ານ ຊຶ່ງໄດ້ຮັບການມອບໝາຍຈາກ ທ່ານ ທຣໍາ ໃຫ້ປັບຫຼຸດງົບປະມານຂອງລັດຖະບານກາງ ກົດດັນໃຫ້ລັດຖະສະພາປະຕິເສດຮ່າງ ກົດໝາຍນີ້ ແລະ ກ່າວວ່າ ສະມາຊິກທີ່ສະໜັບສະໜູນຄວນຖືກລົງຄະແນນໃຫ້ອອກ ຈາກຕໍາແໜ່ງ.

ອ່ານຂ່າວເປັນພາສາອັງກິດໄດ້ດ້ານລຸ່ມ

The U.S. Congress has two days to avert a partial government shutdown after Republican President-elect Donald Trump rejected a bipartisan deal late on Wednesday and demanded lawmakers also raise the nation's debt ceiling before he takes office next month.

Trump pressured his fellow Republicans in Congress to reject a stopgap bill to keep the government funded past the deadline of midnight on Friday.

Absent congressional action, the U.S. government will begin a partial shutdown on Saturday that would disrupt everything from air travel to law enforcement in the days leading up to the Dec. 25 Christmas holiday.

The bipartisan deal reached on Tuesday would have extended funding through March 14.

Trump warned that Republicans who vote for the current legislative package could have trouble getting re-elected because they will face primary challenges inside their own party.

"Any Republican that would be so stupid as to do this should, and will, be Primaried," Trump wrote on his Truth Social platform.

If it were to materialize, it would be the first government shutdown since one that extended through December 2018 into 2019, during Trump's first four-year White House term.

Trump is now calling on Congress to pass legislation that would tie up loose ends before he takes office next month by raising the government's borrowing authority - a politically difficult task - and extending government funding.

He also said lawmakers should strip out elements of the deal backed by Democrats, whose support would be necessary for passage.

Trump's comments came after his ally Elon Musk, who has been tasked by Trump to prune the federal budget, pressured Congress to reject the bill and said those who back it should be voted out of office.