ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ລັດຖະສະພາ ອະນຸມັດ ຮ່າງກົດໝາຍ ໃຊ້ຈ່າຍ ຊົ່ວຄາວ ໃຫ້ລັດຖະບານ ສະຫະລັດ


ພາບຫຼັງຄາຂອງ ລັດຖະສະພາ ສະຫະລັດ ທີ່ນະຄອນຫຼວງ ວໍຊິງຕັນ ຖືກຫຸ້ມດ້ວຍ ຮາງເຫຼັກ ໃນການບູລະນະຮັກສາ. 30 ກັນຍາ, 2015.
ພາບຫຼັງຄາຂອງ ລັດຖະສະພາ ສະຫະລັດ ທີ່ນະຄອນຫຼວງ ວໍຊິງຕັນ ຖືກຫຸ້ມດ້ວຍ ຮາງເຫຼັກ ໃນການບູລະນະຮັກສາ. 30 ກັນຍາ, 2015.

ດ້ວຍ​ເວລາ​ທີ່​ຍັງ​ເຫຼືອ​ພຽງ​ບໍ່​ເທົ່າ​ໃດ​ຊົ່ວ​ໂມງ, ລັ​ດຖະສະພາ​ໄດ້​ຫຼີກ​ລ້ຽງ​ການ​ປິດ​ ລັດຖະບານ ເປັນບາງສ່ວນໂດຍ​ຮັບ​ຜ່ານ​ຮ່າງ​ກົດ ໝາ​ຍ​ໃຊ້​ຈ່າຍ​ຊົ່ວຄາວ ​ເພື່ອ​ໃຫ້ຫ້ອງການ​ຕ່າງໆຂອງ ລັດຖະບານ​ໃຫ້​ເປີດຕໍ່ໄປ ຜ່ານກຳນົດ​ເສັ້ນ​ຕາຍ​ຂອງງົບປະມານ​ໃນ​ທ່ຽງ​ຄືນ​ວານ​ນີ້.

ສະພາ​ຕ່ຳ​ໄດ້​ຮັບ​ເອົາມາດ​ຕະການດັ່ງກ່າວ ດ້ວຍຄະແນນສຽງ 271 ຕໍ່ 151. ​ໃນ​ຕອນ​ເຊົ້າ​ຂອງ​ວັນ​ພຸດ​ວານ​ນີ້ ມາດຕະການນີ້ກໍ​ໄດ້ຜ່ານ​ສະພາ ສູງ ດ້ວຍຄະ​ແນນ​ສຽງ 78 ຕໍ່ 20. ຮ່າງ​ກົດໝາຍນີ້ ​ໄດ້ຕໍ່ອຳນາດ​ໃນ​ການໃຊ້​ຈ່າຍ​ຂອງລັດຖະບານ ​ໄປຈົນ​ຮອດ​ວັນ​ທີ 11 ທັນວາ​, ແລະ ເວລາ​ນີ້​ໄດ້​ຖືກ​ນຳ​ສົ່ງ​ໄປ​ຍັງ​ທຳນຽບຂາວ​ໃຫ້​ປະທານາທິບໍດີ ບາຣັກ ​ໂອ​ບາ​ມາ ລົງ​ລາຍ​ເຊັນ.

ຜູ້​ແທນ​ສະພາ​ຕ່ຳ​ພັກຣີພັບ​ບລີ​ກັນ ທ່ານ Hal Rogers ​ໄດ້​ກ່າວ​ວ່າ “ສິ່ງ​ທີ່​ສຳຄັນທີ່​ສຸດ​ທີ່​ພວກ​ເຮົາ​ສາມາດ​ເຮັດ​ໄດ້ກໍ​ແມ່ນ​ ໃຫ້​ລັດຖະບານ​ ​ເປີດ​ຕໍ່ໄປເພື່ອ​ດຳ​ເນີນ​ວຽກ​ງານ ​ແລະ ສືບ​ຕໍ່​ປະຕິບັດ​ບັນ​ດາໂຄງການທີ່​ສຳຄັນທີ່​ປະຊາຊົນອາ​ເມຣິກາທຸກ​ຄົນ​ເພິ່ງ​ພາ​ອາ​ໄສ​ຢູ່. ຮ່າງກົດໝາຍ​ສະບັບ​ນີ້​ແມ່ນ​ເສັ້ນທາງ​ກ້າວ​ໄປ​ທາງ​ໜ້າ​ທີ່​ດີ​ທີ່​ສຸດ​ໃນ​ເວລາ​ນີ້, ​ແຕ່​ພວກ​ເຮົາ​ທຸກ​ຄົນ​ກໍ​ຮູ້​ວ່າ​ມັນ​ເປັນ​ພຽງ​ຜ້າຕິດ​ບາດ​ເທົ່າ​ນັ້ນ.”

ການ​ລົງ​ຄະ​ແນນ​ສຽງ​ຂອງສະພາທັງ​ສອງ​ຄັ້ງ ​ໄດ້​ຫຼີກ​ລ້ຽງ​ການ​ປິດ​ບາງ​ພາກສ່ວນ​ຂອງ​ລັດຖະບານ, ຄ້າຍຄື​ກັນ​ກັບ​ສະຖານະ​ການ​ເມື່ອ​ສອງ​ປີ​ກ່ອນ​ ເຊິ່ງ​ເປັນ​ຜົນໃຫ້​ມີ​ການ​ປິດ​ຫ້ອງການ​ລັດຖະບາ​ນ ດົນ​ກວ່າ 2 ສັບປະດາ, ຍ້ອນ​ຂໍ້​ຂັດ​ແຍ້​ງກ່ຽວ​ກັບອຸດົມການ​ໃນໂຄງ ການດ້ານສາທາລະນະ​ສຸກ​ຂອງ​ລັດຖະບານກາງ.

ທ່ານ​ນາງ Nita Lowey ສະມາຊິກສະພາສັງກັດພັກ​ເດໂມແຄຣັດ​ໄດ້ ກ່າວ​ວ່າ “ຂ້າພະ​ເຈົ້າ​ຂໍໃຫ້​ແຕ່​ລະ​ກໍລະນີ​ແມ່ນແຕກ​ຕ່າງ​ກັນ. ພວກ​ເຮົາ​ອາດ​ຈະ​ຫຼີກ​ລ້ຽງວິ​ກິດ​ການ ຄັ້ງຫຼ້າ​ສຸດ​ນີ້​ໄດ້​ຊົ່ວຄາວ ​ແລະ ນຳ​ເອົາ​ຮ່າງ​ກົດ​ໝາຍໄປ​ໃຫ້​ທ່ານ​ປະທານາທິບໍດີໃນ​ຄ່ຳ​ຄືນ​ນີ້, ​ແຕ່ແ​ນ່ນອນ​ມັນ​ຈະ​ບໍ່​ແມ່ນເຫດຜົນເພື່ອ​ການສະ​ເຫຼີມສະຫຼອງ. ຂ້າ​ພະ​ເຈົ້າ​ຍັງ​ເປັນ​ຫ່ວງ​ຢ່າງ​ເລິກ​ເຊິ່ງກ່ຽວ​ກັບ​ ຄວາມ​ເປັນ​ໄປ​ໄດ້​ທີ່​ພວກ​ເຮົາ​ຈະ​ປະ​ເຊີນ​ໜ້າ​ກັບ​ການ​ປິດ​ລັດຖະບານ​ອີກ​ໃນ​ເດືອນ​ທັນວາ​ນີ້.”

ທ່ານ Rogers ​ໄດ້​ສະ​ແດງ​ຄວາມ​ພ້ອມນຳວ່າ ການ​ປິດ​ລັດຖະບານຍ້ອນງົບ​ປະມານ​ຄັ້ງ​ຕໍ່​ໄປກໍ​ຈະຕ້ອງ​ໄດ້​ຖືກ​ຫຼີກ​ລ້ຽງ​ເຊັ່ນ​ກັນ, ​ເຖິງ​ແມ່ນ​ວ່າ ​ເພື່ອນຮ່ວມ​ງານ​ຂອງ​ທ່ານ​ບາງ​ຄົນ ​ໄດ້​ຮຽກຮ້ອງ​ໃຫ້​ມີ​ການ​ປະ​ເຊີນ​ໜ້າດ້ານ​ງົບປະມານ​ ໃນ​ການ​ຂັດ​ແຍ້​ງຍ້ອນ​ນະ​ໂຍບາຍ​ອື່ນໆ.

US Congress Funding
please wait
Embed

No media source currently available

0:00 0:00:28 0:00

XS
SM
MD
LG