ລິ້ງ ສຳຫລັບເຂົ້າຫາ

ວັນຈັນ, ໐໔ ທັນວາ ໒໐໒໓

ສະພາຕໍ່າສະຫະລັດ ມີກໍານົດຮັບຜ່ານ ຮ່າງກົດໝາຍ ຕັດພາສີເງິນເດືອນ ໃນມື້ນີ້


ປະທານສະພາຕໍ່າສະຫະລັດ ທ່ານ John Boehner ພວມຖະແຫຼງຂ່າວ ທີ່ຫໍລັດຖະສະພາສະຫະລັດ ໃນກຸງວໍຊິງຕັນ (20 ທັນວາ 2011)
ປະທານສະພາຕໍ່າສະຫະລັດ ທ່ານ John Boehner ພວມຖະແຫຼງຂ່າວ ທີ່ຫໍລັດຖະສະພາສະຫະລັດ ໃນກຸງວໍຊິງຕັນ (20 ທັນວາ 2011)

ລັດຖະສະພາ​ສະຫະລັດ ລຸນ​ຫຼັງທີ່​ໄດ້​ມີ​ການ​ຖົກ​ຖຽງ​ໂຕ້​ແຍ້​ງທາງ​ການ​ເມືອງ​ ມາເປັນ​ເວລາ​
ຫຼາຍໆ​ເດືອນ​ແລ້ວ ມີ​ກຳນົດ​ວ່າ​ຈະ​ຮັບ​ຜ່ານ​ຮ່າງ​ກົດໝາຍ​ຕໍ່ອາຍຸ​ການຕັດ​ພາສີ​ເງິນ​ເດືອນ​ໃນ
ວັນ​ສຸກ​ມື້ນີ້ທີ່​ປະທານາທິບໍດີ​ບາຣັກ​ໂອ​ບາ​ມາ​ເວົ້າວ່າ ມີຄວາມ​ສຳຄັນຕໍ່​ຄວາມ​ເຂັ້ມ​ແຂງ​ຂອງ​
ເສດຖະກິດ​ສະຫະລັດນັ້ນ.

ສະພາ​ຕໍ່​າຂອງ​ສະຫະລັດ​ຈະ​ລົງ​ຄະ​ແນນ​ສຽງ​ກ່ຽວ​ກັບ​ຮ່າງ​ກົດໝາຍ​ທີ່​ທາງ​ສະພາສູງ​ໄດ້​ຮັບ
ຮອງ​ເອົາ​ແລ້ວ​ເພື່ອ​ຕໍ່​ອາຍຸ​ເປັນ​ເວລາ​ສອງ​ເດືອນໃນ​ການ​ຕັດ​ພາສີ​ເງິນ​ເດືອນຊຶ່ງ​ມີ​ກຳນົດ​ຈະ
ໝົດ​ອາຍຸ​ລົງ​ໃນ​ທ້າຍ​ປີນີ້. ບັນດາ​ສະມາຊິກ​ສະພາ​ຕໍ່າ​ຂອງພັກຣີພັບ​ບລີ​ກັນ ​ໄດ້​ຮັບ​ຄວາມ​
ກົດ​ດັນ​ເພື່ອ​ໃຫ້​ຮັບ​ເອົາ​ການ​ຕໍ່​ອາຍຸ​ເປັນ​ເວລາ 2 ​ເດືອນ.

ຮ່າງ​ກົດໝາຍ​ສະບັບ​ນີ້ຈະ​ສືບຕໍ່ໃນການເກັບ​ພາສີ​ເງິນ​ເດືອນ​ໃນ​ອັດຕາ 4.2% ຊຶ່ງ​ຖ້າ​ບໍ່​ດັ່ງ
ນັ້ນ​ແລ້ວກໍ​ຈະ​ໝົດ​ອາຍຸ​ລົງ​ໃນ​ວັນ​ທີ 31 ທັນວາ​ ​ແລະອັດຕາ​ພາສີຈະ​ເພີ່ມ​ຂຶ້ນ​ເປັນ 6.2%
ສຳລັບ​ພວກ​ຄົນ​ງານຊາວ​ອະ​ເມຣິກັນ 160 ລ້ານ​ຄົນ.

ຖ້າ​ການ​ຕົກລົງ​ດັ່ງກ່າວ ​ຫາກ​ໄດ້​ຮັບ​ການ​ອະນຸມັດ​ໃນ​ວັນ​ສຸກ​ມື້ນີ້ ການ​ເຈະລະ​ຈາຮອບ​ໃໝ່
ກໍ​ຈະ​ເລີ່​ມຂຶ້ນ​ໃນ​ເດືອນ​ມັງກອນ ​ເພື່ອ​ຕໍ່​ອາຍຸ​ການ​ຕັດ​ພາສີ​ອອກ​ໄປ​ອີກ 10 ​ເດືອນ.

ປະທານາທິບໍດີ​ໂອ​ບາ​ມາ​ກ່າວ​ວ່າ ຂໍ້​ຕົກລົງ​ໃໝ່​ດັ່ງກ່າວນີ້ ​ແມ່ນສິ່ງຖືກຕ້ອງທີ່​ຄວນ​ກະທຳ​
ເພື່ອ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ບັນດາ​ຄອບຄົວ​ເຮັດ​ໃຫ້​ເສດຖະກິດ​ເຕີບ​ໂຕ​ແລະ​ສ້າງ​ວຽກ​
ການ​ໃໝ່.

ຂໍ້​ຕົກລົງ​ຊົ່ວ​ຂາວ​ທີ່​ວ່າ​ນີ້ ຍັງ​ຈະ​ສືບ​ຕໍ່ຈ່າຍ​ເງິນ​ຫວ່າງ​ງານ​ ໃຫ້​ແກ່​ພວກ​ທີ່​ສູນ​ເສຍວຽກ​ການ​
ເຮັດ​ຕະຫຼອດທັງ​ຈ່າຍ​ເງິນ​ໃຫ້​ພວກ​ທ່ານ​ໝໍ ທີ່​ປິ່ນປົວ​ພວກ​ຄົນ​ເຈັບ​ ທີ່​ໃຊ້ເມ​ດີ​ແຄ​ໃນ​ອັດຕາ
ປັດຈຸບັນ ​ເພື່ອ​ຫຼີກລ້ຽງໃນ​ໝາຍ​ກຳນົດ​ການ​ຕັດ​ສຳລັບ​ເງິນ​ຊົດໃຊ້​ທີ່​ຈະ​ໄດ້​ຮັບ​ນັ້ນ.

XS
SM
MD
LG