ພວກສະມາຊິກສະພາສູງຫລີກລ່ຽງບໍ່ໃຫ້ປິດບາງພາກສ່ວນຂອງລັດຖະບານລົງຫລັງຈາກ
ການລົງຄະແນນສຽງເຫັນພ້ອມກັບຮ່າງງົບປະມານໃຫ້ເງິນສະໜັບສະໜຸນການປະຕິບັດ
ງານຂອງລັດຖະບານໄປຈົນເຖິງ 2012.
ສະພາສູງສະຫະລັດໄດ້ອະນຸມັດຮ່າງກົດໝາຍປະມານນຶ່ງພັນຕື້ໂດລາ ດ້ວຍຄະແນນສຽງ
67 ຕໍ່ 32 ມື້ນຶ່ງຫລັງຈາກຮ່າງກົດໝາຍໄດ້ຖືກຮັບຜ່ານໂດຍສະພາຕໍ່າແລ້ວ.
ການປິດການປະຕິບັດງານຂອງລັດຖະບານນັ້ນຈະບັງຄັບໃຫ້ກະຊວງກົມກອງຕ່າງໆຢຸດ
ການປະຕິບັດໜ້າທີ່ໆບໍ່ຈໍາເປັນລົງ ແລະບໍ່ຈ່າຍເງິນໃຫ້ພະນັກງານລັດຖະບານຫລາຍສິບ
ພັນຄົນທີ່ຖືກສັ່ງໃຫ້ພັກການນັ້ນ.
ພວກຜູ້ນໍາທັງພັກຣີພັບບລິກັນ ແລະເດໂມແຄຣທ ໄດ້ຊົມເຊີຍຜົນການລົງຄະແນນສຽງ
ໂດຍກ່າວວ່າທັງສອງຝ່າຍຈະຕ້ອງຜ່ອນສັ້ນຜ່ອນຍາວກັນ.
ນອກນີ້ສະພາສູງສະຫະລັດ ຍັງໄດ້ອະນຸມັດໂດຍສຽງຖ້ວມລົ້ນ ຕໍ່ການຕໍ່ອາຍຸການຕັດພາ
ສີເງິນເດືອນ ເປັນເວລາສອງເດືອນ ໃຫ້ແກ່ຊາວອາເມຣິກັນ 160 ລ້ານຄົນນັ້ນ.
