ສຫລ ເປັນຫ່ວງ ການລົງໂທດ ນັກເຄື່ອນໄຫວ ຫວຽດນາມ 2 ຄົນ

ສະຫະລັດ ກ່າວ​ວ່າ ຕົນ​ມີ​ຄວາມ​ເປັນ​ຫ່ວງ ​ກ່ຽວ​ກັບໂທດ​ຈຳ​ຄຸກ​
ນັກ​ເຄື່ອນ​ໄຫ​ວໜຸ່​ມນ້ອຍ​ສອງ​ຄົນ ​ຢູ່ຫວຽດ​ນາມ​ ​ໃນ​ອາທິດນີ້​ທີ່​
ຖືກພົບ​ເຫັນ​ວ່າ ມີ​ຄວາມ​ຜິດ​ໃນ ຂໍ້​ຫາ​ວາງ​ແຜນ​ໂຄ່ນ​ລົ້ມລັດຖະ
ບານ.

ນັກ​ສຶກສາ​ມະຫາວິທະຍາ​ໄລ ທ້າວ Nguyen Phuong Uyen
​ໄດ້​ຮັບ​ໂທດ​ຕິດ​ຄຸກ 6 ປີ ​ໃນ​ຂະນະ​ທີ່ທ້າວ Dinh Ngyen Kha
ນັກ​ສ້ອມ​ແປງຄອມພິວ​ເຕີ ​ໄດ້​ຮັບ​ໂທດຕິດຄຸກ 8 ປີ ລຸນ​ຫຼັງການ
​ດຳ​ເນີນ​ຄະດີ​ເປັນ​ເວລາ​ນຶ່ງ​ມື້ ​ໃນ​ວັນ​ພະຫັດ​ວານ​ນີ້.

​ເຂົາ​ເຈົ້າຖືກພົບເຫັນວ່າ​ມີ​ຄວາມ​ຜິດ ​ໃນ​ຖານແຈກ​ຢາຍ ອັນ​ທີ່
ເຈົ້າ​ໜ້າ​ທີ່​ຫວຽດນາມກ່າວ​ວ່າ ​ໃບ​ປິວ “ຕໍ່ຕ້ານ​ລັດຖະບານ” ​ທີ່
​ສ້າງ​ຄວາມ“ອັບອາຍຂາຍໜ້າ” ໃຫ້ແກ່ລັດຖະບານຄອມ​ມິວ
ນິສຂອງ​ຫວຽດນາມ.

​ໃນ​ວັນ​ສຸກ​ມື້​ນີ້ ສະຖານທູດ​ສະຫະລັດ ທີ່​ນະຄອນ​ຮາ​ໂນ່​ຍ ກ່າວ
​ວ່າ ການຕັດສິນລົງໂທດ​ດັ່ງກ່າວນີ້ "ບໍ່​ສອດຄ່ອງ​ກັບ​ສິດ​ເສລີ
ພາບໃນ​ການ​ປາກ​ເວົ້າ” ​ແລ​ະຮຽກ ຮ້ອງໃຫ້​ປ່ອຍ​ພວກ​ນັກ​ໂທດ​ຈິດ​ສຳນຶກທັງ​ໝົດ ​ໃນ​ທັນທີ.

​ຖະ​ແຫລ​ງຂ່າວເວົ້າ​ວ່າ ຄະດີ​ດັ່ງກ່າວ​ເປັນ “ພາກ​ສ່ວນນຶ່ງ ​ໃນທ່າ​ອຽງທີ່​ສ້າງ ຄວາມລົບ​ກວນ
ຂອງເຈົ້າ​ໜ້າ​ທີ່​ຫວຽດນາມ​ ທີ່ໃຊ້ຂໍ້ຫາພາຍ​ໃຕ້​ກົດ​ໝາຍ​ຄວາມ​ປອດ​ໄພແຫ່ງ​ຊາດຈັບ​ກຸມ
​ຄຸມ​ຂັງ​ພວກຕິຕຽນ​ລັດຖະບານ ທີ່ໄດ້​ສະ​ແດງ​ອອກ​ຢ່າງ​ສັນຕິ ​ກ່ຽວ​ກັບທັດສະດ້ານ​ການ
​ເມືອງຂອງ​ເຂົາ​ເຈົ້າ.” ​