ລາຍງານຂ່າວຫລາຍກະແສເວົ້າວ່າ ທ່ານສົມບັດ ສົມພອນ ຜູ້
ນຳປະຊາຄົມລາວຄົນນຶ່ງ ທີ່ເຄີຍໄດ້ຮັບລາງວັນແມັກໄຊໄຊ
ໄດ້ຫາຍໂຕໄປ ເມື່ອທ້າຍສັບປະດາຜ່ານມາ ຊຶ່ງໄດ້ເຮັດໃຫ້
ບັນດາກຸ່ມສັງຄົມພົນລະເຮືອນໃນປະເທດໄທ ພາກັນສະແດງ
ຄວາມເປັນຫ່ວງ ແລະສົ່ງໜັງສືໄປຍັງລັດຖະບານລາວ ຮຽກ
ຮ້ອງໃຫ້ມີການສືບສວນກ່ຽວກັບການຫາຍໂຕໄປຂອງທ່ານ
ສົມບັດ ແລະກະຊວງການຕ່າງປະເທດສະຫະລັດກໍໄດ້ສະ
ແດງຄວາມເປັນຫ່ວງນໍາເຊ່ນກັນ. ໄພສານມີລາຍລະອຽດກ່ຽວ
ກັບເລື້ອງນີ້:
ທ່ານນາງ Victoria Nuland ໂຄສົກກະຊວງການຕ່າງປະເທດ
ສະຫະລັດ ກ່າວໃນລະຫວ່າງກອງປະຊຸມຖະແຫຼງຂ່າວປະຈໍາວັນ ໃນວັນອັງຄານວານນີ້ວ່າ:
ພວກເຮົາມີຄວາມວິຕົກກັງວົນກ່ຽວກັບການຫາຍສາບສູນຂອງ ທ່ານສົມບັດ ສົມພອນ ຜູ້ນຳກຸ່ມສັງຄົມພົນລະເຮືອນໃນລາວ ຊຶ່ງເປັນທີ່ຮູ້ຈັກກັນດີ. ທ່ານໄດ້ຫາຍໂຕໄປໃນ ຄໍ່າຄືນຂອງວັນທີ 15 ທັນວານີ້. ນັບແຕ່ນັ້ນມາ ບັນດາຜູ້ຕາງໜ້າຈາກປະຊາຄົມການ
ທູດ ແລະອົງການຈັດຕັ້ງທີ່ບໍ່ຂຶ້ນກັບລັດຖະບານ ກໍໄດ້ຕິດຕໍ່ຖາມຂ່າວກັບພັນລະຍາ ຂອງທ່ານຢູ່ເລື້ອຍໆ. ພວກເຮົາກໍມີຄວາມເປັນຫ່ວງ ແບບດຽວກັນກັບພວກເຂົາເຈົ້າ ກ່ຽວກັບສະວັດດີພາບ ແລະ ຄວາມປອດໄພຂອງທ່ານ. ພວກເຮົາໄດ້ສະແດງຄວາມ ວິຕົກກັງວົນຂອງພວກເຮົາ ຕໍ່ກະຊວງການຕ່າງປະເທດຂອງລາວແລ້ວ ແລະກໍໄດ້ ຊຸກຍູ້ໃຫ້ພວກເຂົາເຈົ້າດຳເນີນທຸກຄວາມພະຍາຍາມເພື່ອຊອກຫາໂຕຜູ້ກ່ຽວ ແລະ ກໍາໃຫ້ໄດ້ວ່າ ແມ່ນຫຍັງໄດ້ເກີດຂຶ້ນແທ້.”
ທ່ານສົມບັດ ສົມພອນ ເປັນທີ່ຮູ້ກັນດີທັງພາຍໃນລາວແລະຢູ່ໃນຕ່າງປະເທດ. ໃນປີ 2005 ທ່ານໄດ້ຮັບລາງວັນ Ramon Magsaysay ຊຶ່ງເປັນລາງອັນມີກຽດທຽບເທົ່າກັບລາງວັນ ໂນແບລ ສຳລັບເຂດເອເຊຍ ໃນຖານະຜູ້ນຳປະຊາຄົມ.
ທ່ານໄດ້ຮັບການຍົກຍ້ອງເປັນຢ່າງສູງໃນດ້ານການສຶກສາ ແລະການພັດທະນາ ໂດຍຜ່ານ ວຽກງານຂອງທ່ານ ໃນຖານະຜູ້ກໍ່ຕັ້ງ ແລະອະດີດຜູ້ອຳນວຍການສູນອົບຮົມຮ່ວມພັດທະ ນາທີ່ເອີ້ນຫຍໍ້ເປັນພາສາອັງກິດວ່າ PADETC ນັ້ນ.
ມີຄົນເຫັນທ່ານສົມບັດເປັນເທື່ອສຸດທ້າຍໃນເວລາ 17:30 ຂອງວັນທີ 15 ທັນວາ ເວລາ ທ່ານຂີ່ລົດຈິບອອກຈາກສູນອົບຮົມຮ່ວມພັດທະນາ ເພື່ອກັບເມືອເຮືອນ ແຕ່ປະກົດວ່າ ທ່ານບໍ່ໄດ້ໄປຮອດເຮືອນ ແລະທາງຄອບຄົວຂອງທ່ານກໍບໍ່ໄດ້ຮັບຂ່າວຄາວໃດໆ ຫຼັງຈາກ ນັ້ນ.
ໃນວັນອັງຄານວານນີ້ 61 ອົງການຈັດຕັ້ງພົນລະເຮືອນຂອງໄທກໍໄດ້ສົ່ງຈົດໝາຍດ່ວນໄປ ຫາເຈົ້າໜ້າທີ່ຂັ້ນສູງຂອງລາວ ຮ້ອງຂໍໃຫ້ທຳການສືບສວນແບບສຸກເສີນກ່ຽວກັບການ ຫາຍໂຕໄປຂອງທ່ານສົມບັດ.
ໃນວັນພຸດມື້ນີ້ ວີໂອເອພະແນກພາສາລາວ ກໍໄດ້ຕິດຕໍ່ໄປຫາກະຊວງການຕ່າງປະເທດ ຂອງລາວເພື່ອຂໍຄວາມເຫັນກ່ຽວກັບເລື່ອງນີ້ ແຕ່ປະກົດວ່າພວກເຈົ້າໜ້າທີ່ບໍ່ສະດວກທີ່
ຈະຕອບຄຳຖາມ ຫຼືບໍ່ກໍຄາວຽກ.
ທ່ານສົມບັດໄດ້ຮັບທຶນໄປສຶກສາຕໍ່ທີ່ລັດຮາວາຍ ສະຫະລັດອາເມຣິກາ ແລະກໍໄດ້ ຮັບ ປລິນຍາຕີ ແລະປລິນຍາໂທ ທີ່ນັ້ນ. ທ່ານໄດ້ກັບຄືນປະເທດລາວໃນປີ 1980 ແລະໄດ້ ຕັ້ງສູນອົບຮົມຮ່ວມພັດທະນາຂຶ້ນໃນປີ 1996.
ນຳປະຊາຄົມລາວຄົນນຶ່ງ ທີ່ເຄີຍໄດ້ຮັບລາງວັນແມັກໄຊໄຊ
ໄດ້ຫາຍໂຕໄປ ເມື່ອທ້າຍສັບປະດາຜ່ານມາ ຊຶ່ງໄດ້ເຮັດໃຫ້
ບັນດາກຸ່ມສັງຄົມພົນລະເຮືອນໃນປະເທດໄທ ພາກັນສະແດງ
ຄວາມເປັນຫ່ວງ ແລະສົ່ງໜັງສືໄປຍັງລັດຖະບານລາວ ຮຽກ
ຮ້ອງໃຫ້ມີການສືບສວນກ່ຽວກັບການຫາຍໂຕໄປຂອງທ່ານ
ສົມບັດ ແລະກະຊວງການຕ່າງປະເທດສະຫະລັດກໍໄດ້ສະ
ແດງຄວາມເປັນຫ່ວງນໍາເຊ່ນກັນ. ໄພສານມີລາຍລະອຽດກ່ຽວ
ກັບເລື້ອງນີ້:
ທ່ານນາງ Victoria Nuland ໂຄສົກກະຊວງການຕ່າງປະເທດ
ສະຫະລັດ ກ່າວໃນລະຫວ່າງກອງປະຊຸມຖະແຫຼງຂ່າວປະຈໍາວັນ ໃນວັນອັງຄານວານນີ້ວ່າ:
ພວກເຮົາມີຄວາມວິຕົກກັງວົນກ່ຽວກັບການຫາຍສາບສູນຂອງ ທ່ານສົມບັດ ສົມພອນ ຜູ້ນຳກຸ່ມສັງຄົມພົນລະເຮືອນໃນລາວ ຊຶ່ງເປັນທີ່ຮູ້ຈັກກັນດີ. ທ່ານໄດ້ຫາຍໂຕໄປໃນ ຄໍ່າຄືນຂອງວັນທີ 15 ທັນວານີ້. ນັບແຕ່ນັ້ນມາ ບັນດາຜູ້ຕາງໜ້າຈາກປະຊາຄົມການ
ທູດ ແລະອົງການຈັດຕັ້ງທີ່ບໍ່ຂຶ້ນກັບລັດຖະບານ ກໍໄດ້ຕິດຕໍ່ຖາມຂ່າວກັບພັນລະຍາ ຂອງທ່ານຢູ່ເລື້ອຍໆ. ພວກເຮົາກໍມີຄວາມເປັນຫ່ວງ ແບບດຽວກັນກັບພວກເຂົາເຈົ້າ ກ່ຽວກັບສະວັດດີພາບ ແລະ ຄວາມປອດໄພຂອງທ່ານ. ພວກເຮົາໄດ້ສະແດງຄວາມ ວິຕົກກັງວົນຂອງພວກເຮົາ ຕໍ່ກະຊວງການຕ່າງປະເທດຂອງລາວແລ້ວ ແລະກໍໄດ້ ຊຸກຍູ້ໃຫ້ພວກເຂົາເຈົ້າດຳເນີນທຸກຄວາມພະຍາຍາມເພື່ອຊອກຫາໂຕຜູ້ກ່ຽວ ແລະ ກໍາໃຫ້ໄດ້ວ່າ ແມ່ນຫຍັງໄດ້ເກີດຂຶ້ນແທ້.”
ທ່ານສົມບັດ ສົມພອນ ເປັນທີ່ຮູ້ກັນດີທັງພາຍໃນລາວແລະຢູ່ໃນຕ່າງປະເທດ. ໃນປີ 2005 ທ່ານໄດ້ຮັບລາງວັນ Ramon Magsaysay ຊຶ່ງເປັນລາງອັນມີກຽດທຽບເທົ່າກັບລາງວັນ ໂນແບລ ສຳລັບເຂດເອເຊຍ ໃນຖານະຜູ້ນຳປະຊາຄົມ.
ທ່ານໄດ້ຮັບການຍົກຍ້ອງເປັນຢ່າງສູງໃນດ້ານການສຶກສາ ແລະການພັດທະນາ ໂດຍຜ່ານ ວຽກງານຂອງທ່ານ ໃນຖານະຜູ້ກໍ່ຕັ້ງ ແລະອະດີດຜູ້ອຳນວຍການສູນອົບຮົມຮ່ວມພັດທະ ນາທີ່ເອີ້ນຫຍໍ້ເປັນພາສາອັງກິດວ່າ PADETC ນັ້ນ.
ມີຄົນເຫັນທ່ານສົມບັດເປັນເທື່ອສຸດທ້າຍໃນເວລາ 17:30 ຂອງວັນທີ 15 ທັນວາ ເວລາ ທ່ານຂີ່ລົດຈິບອອກຈາກສູນອົບຮົມຮ່ວມພັດທະນາ ເພື່ອກັບເມືອເຮືອນ ແຕ່ປະກົດວ່າ ທ່ານບໍ່ໄດ້ໄປຮອດເຮືອນ ແລະທາງຄອບຄົວຂອງທ່ານກໍບໍ່ໄດ້ຮັບຂ່າວຄາວໃດໆ ຫຼັງຈາກ ນັ້ນ.
ໃນວັນອັງຄານວານນີ້ 61 ອົງການຈັດຕັ້ງພົນລະເຮືອນຂອງໄທກໍໄດ້ສົ່ງຈົດໝາຍດ່ວນໄປ ຫາເຈົ້າໜ້າທີ່ຂັ້ນສູງຂອງລາວ ຮ້ອງຂໍໃຫ້ທຳການສືບສວນແບບສຸກເສີນກ່ຽວກັບການ ຫາຍໂຕໄປຂອງທ່ານສົມບັດ.
ໃນວັນພຸດມື້ນີ້ ວີໂອເອພະແນກພາສາລາວ ກໍໄດ້ຕິດຕໍ່ໄປຫາກະຊວງການຕ່າງປະເທດ ຂອງລາວເພື່ອຂໍຄວາມເຫັນກ່ຽວກັບເລື່ອງນີ້ ແຕ່ປະກົດວ່າພວກເຈົ້າໜ້າທີ່ບໍ່ສະດວກທີ່
ຈະຕອບຄຳຖາມ ຫຼືບໍ່ກໍຄາວຽກ.
ທ່ານສົມບັດໄດ້ຮັບທຶນໄປສຶກສາຕໍ່ທີ່ລັດຮາວາຍ ສະຫະລັດອາເມຣິກາ ແລະກໍໄດ້ ຮັບ ປລິນຍາຕີ ແລະປລິນຍາໂທ ທີ່ນັ້ນ. ທ່ານໄດ້ກັບຄືນປະເທດລາວໃນປີ 1980 ແລະໄດ້ ຕັ້ງສູນອົບຮົມຮ່ວມພັດທະນາຂຶ້ນໃນປີ 1996.
