ລິ້ງ ສຳຫລັບເຂົ້າຫາ

ວັນສຸກ, ໒໓ ກຸມພາ ໒໐໒໔

ຜູ້ຊາຍ ອາເມຣິກັນ ຖືກປ່ອຍຕົວ ອອກຈາກຄຸກ ຢູ່ທີ່ ປະເທດໄທ


ພາບບັນທຶກ ນາຍ Joe Gordon, ເກີດຢູ່ໃນສະຫະລັດອາເມຣິກາ ກໍາລັງກ່າວຕໍ່ນັກຂ່າວ ໃນຂະນະທີ່ໄປເຖິງສານອາ ຍາທີ່ບາງກອກ ວັນຈັນ ທີ 11 ເດືອນຕຸລາ ປີ 2011.
ພາບບັນທຶກ ນາຍ Joe Gordon, ເກີດຢູ່ໃນສະຫະລັດອາເມຣິກາ ກໍາລັງກ່າວຕໍ່ນັກຂ່າວ ໃນຂະນະທີ່ໄປເຖິງສານອາ ຍາທີ່ບາງກອກ ວັນຈັນ ທີ 11 ເດືອນຕຸລາ ປີ 2011.

ຜູ້ຊາຍ​ອາ​ເມຣິກັນຄົນ​ນຶ່ງ ທີ່​ໄດ້​ຖືກ​ຕັດສິນ​ໂທດຈຳ​ຄຸກ​ຢູ່​ໄທເປັນ​ເວລາ 2 ປີ​ເຄິ່ງ ຫຼື 30 ​ເດືອນ​
ໃນ​ຖານ​ໝິ່ນປະໝາດກະ​ສັດ ​ໄດ້​ຖືກ​ປ່ອຍ​ຕົວແລ້ວ ໂດຍໄດ້​ຮັບ​ພະລາດ​ຊະ​ອະ​ໄພ​ຍະ​ໂທດ.

ທ່ານ Joe Gordon ​ໄດ້​ຖືກ​ພົບ​ເຫັນ​ວ່າ​ມີ​ຄວາມ​ຜິດ ໃນ​ເດືອນທັນວາປີ​ກາຍ ​ຍ້ອນ​ໄດ້​ແປ​
ພາກສ່ວນນຶ່ງ​ຂອງ​ພະລາດຊະປະວັດ ກະສັດພູມີ​ພົນ ອະດູນ​ຍະ​ເດດ ​ທີ່​ທາງ​ການໄທ​ໄດ້
​ຫ້າມນັ້ນ.

​ໂຄສົກສະຖານທູດສະຫະລັດ ທ່ານ Walter Braunohler ​ໄດ້​ກ່າວ​ຕໍ່ວີ​ໂອ​ເອ ວ່າ ທ່ານບໍ່​
ຊາບ​ເຖິງ​ເຫດຜົນ​ຂອງ​ການ​ປ່ອຍ​ຕົວ ທ່ານ Gordon ​ແຕ່​ກ່າວ​ວ່າ ທ່ານ ມີ​ຄວາມປິ​ຕິ​ຍິນ​ດີ​
ນໍາ​ຂ່າວດັ່ງກ່າວ.

ທ່ານ Braunohler ກ່າວ​ຕື່ມ​ວ່າ “ພວກ​ເຮົາຂໍ​ຮຽກຮ້ອງ​ເປັນ​ປະຈຳ​ຕໍ່​ເຈົ້າ​ໜ້າ​ທີ່​ໄທ​ ທັງໃນ
ດ້ານສ່ວນ​ຕົວ ​ແລະຢ່າງ​ເປັນການ​ເປີດ​ເຜີຍ ທັງຢູ່​ທີ່​ບາງກອກ ​ແລະ​ທີ່ວໍ​ຊິງ​ຕັນ ​ເພື່ອ​ໃຫ້​ມີ​
ການ​ຄໍ້າປະກັນວ່າ ສິດ​ເສ​ລີ​ພາບ​ໃນ​ການ​ປາກ​ເວົ້າ ​ໄດ້​ຮັບ ​ປົກ​ປ້ອງ ​ເພື່ອ​ໃຫ້ເປັນ​ການ
ສອດຄ່ອງ​ກັບ​ພັນທະຂອງ​ນາໆ​ຊາດ.

XS
SM
MD
LG