ທ່ານ ຈິມ ແມັດຕິສ (Jim Mattis) ລັດຖະມົນຕີກະຊວງປ້ອງກັນປະເທດສະຫະລັດ
ກ່າວຕໍ່ຄູ່ຕຳແໜ່ງຝ່າຍຈີນວ່າ ການປັບປຸງສາຍພົວພັນລະດັບສູງ ລະຫວ່າງສອງ
ປະເທດດັ່ງກ່າວ ຈະຫລຸດການສ່ຽງທີ່ຈະເກີດການຂັດແຍ້ງກັນແບບ ບໍ່ຕັ້ງໃຈນັ້ນໄດ້.
ທ່ານແມັດຕິສ ແລະນາຍພົນເວ ເຟັງເຮ (Wei Fenghe) ຂອງຈີນໄດ້ພົບປະກັນ ຢູ່
ນອກກອງປະຊຸມດ້ານຄວາມໝັ້ນຄົງໃນຂົງເຂດເອເຊຍຢູ່ໃນສິງກະໂປ ໃນການດຳ
ເນີນຄວາມພະຍາຍາມ ທີ່ຈະເຮັດໃຫ້ການພົວພັນທາງທະຫານ ມີຄວາມເປັນປົກກະ
ຕິຂຶ້ນ. ພາຍຫລັງທີ່ມີການພົບປະກັນນັ້ນແລ້ວ ພວກເຈົ້າໜ້າທີ່ສະຫະລັດເວົ້າວ່າ
ພວກທ່ານຮູ້ສຶກໄດ້ວ່າການພົວພັນທາງທະຫານກັບຈີນ ແມ່ນມີສະຖຽນລະພາບຂຶ້ນ
ເຖິງແມ່ນວ່າ ການພົບປະດັ່ງກ່າວຈະບໍ່ໄດ້ພາໃຫ້ມີການເຊັນສັນຍາໃໝ່ແຕ່ຢ່າງໃດ
ກໍຕາມ.
ການພົວພັນທາງທະຫານລະຫວ່າງວໍຊິງຕັນ ກັບປັກກິ່ງ ໄດ້ເຊື່ອມໂຊມລົງ ໃນຊຸມ
ອາທິດມໍ່ໆມານີ້ ຍ້ອນສົງຄາມທາງການຄ້າ, ການລົງໂທດຂອງສະຫະລັດຕໍ່ກອງທັບ
ຈີນທີ່ຊື້ອາວຸດຈາກຣັດເຊຍ, ແລະການສ້າງຄ້າຍທະຫານຂອງຈີນຫຼາຍແຫ່ງຢູ່ໃນ
ທະເລຈີນໃຕ້.
ທ່ານ ແຣນດາລ ຊຄຣາຍເວີ (Randall Schriver) ເຈົ້າໜ້າທີ່ທ່ານນຶ່ງຂອງທຳນຽບ
ຫ້າແຈກ່າວຕໍ່ ພວກນັກຂ່າວ ພາຍຫລັງທີ່ໄດ້ເຂົ້າຮ່ວມກອງປະຊຸມທີ່ດຳເນີນໄປ 90
ນາທີ ຊຶ່ງດົນກວ່າເວລາທີ່ຄາດຄິດໄວ້ນັ້ນວ່າທ່ານແມັດຕິສ "ໄດ້ກ່າວຢ້ຳແລ້ວ ຢ້ຳອີກ
ເຖິງຄວາມປາດຖະໜາຂອງພວກເຮົາ ທີ່ຢາກມີສາຍສຳພັນ ທີ່ຍືນນານ ຊຶ່ງເປັນກຳ
ລັງທີ່ມີສະຖຽນລະພາບ ຢູ່ໃນສາຍສຳພັນໂດຍລວມ."
ທ່ານແມັດຕິສມີແຜນທີ່ຈະພົບປະກັບທ່ານ ເວ ເຟັງເຮ (Wei Fenghe) ຢູ່ປັກກິ່ງ
ໃນສອງສາມອາທິດຜ່ານມານີ້ ແຕ່ວ່າ ພວກເຈົ້າໜ້າທີ່ຂອງຈີນເວົ້າວ່າ ທ່ານ ເວ
(Wei) ບໍ່ຫວ່າງ, ຊຶ່ງເປັນສິ່ງສໍ້ສະແດງໃຫ້ເຫັນເຖິງການພົວພັນລະຫວ່າງສະຫະລັດ
ແລະຈີນທີ່ມີຄວາມເຄັ່ງຕຶງນັ້ນ ໄດ້ແຜ່ລາມໄປເຖິງຊົງເຂດທະຫານອີກດ້ວຍ. ການປະ
ຕິເສດດັ່ງກ່າວຂອງຈີນ ແມ່ນມີຂຶ້ນໃນຂະນະທີ່ປະເທດດັ່ງກ່າວ ມີປະຕິກິລິຍາຕອບໂຕ້
ຕໍ່ການລົງໂທດຂອງສະຫະລັດຢ່າງໂກດເຄືອງນັ້ນ.
