ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານ Kerry ຢ້ຽມຢາມ ນະຄອນຫຼວງໂຊລ ເພື່ອພົບປະກັບ ບັນດາຜູ້ນຳ ເກົາຫຼີໃຕ້


ລັດຖະມົນຕີການຕ່າງປະເທດສະຫະລັດ ທ່ານ John Kerry ໂບກມື ເວລາເດີນທາງໄປຮອດສະໜາມບິນ ທີ່ Seongnam ເກົາຫຼີໃຕ້, ວັນທີ 17 ພຶດສະພາ 2015.
ລັດຖະມົນຕີການຕ່າງປະເທດສະຫະລັດ ທ່ານ John Kerry ໂບກມື ເວລາເດີນທາງໄປຮອດສະໜາມບິນ ທີ່ Seongnam ເກົາຫຼີໃຕ້, ວັນທີ 17 ພຶດສະພາ 2015.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້​
ເດີນທາງ​ໄປ​ຮອດ​ເກົາຫລີ​ໃຕ້​ແລ້ວ ຊື່​ງຢູ່​ທີ່​ນັ້ນ ທ່ານ​ຈະ​ສົນທະ
ນາ​ຫາລື ບັນຫາຮອບດ້ານ ທັງ​ໃນ​ລະດັບ ສອງ​ຝ່າຍ ​ຂົງ​ເຂດ
​ແລະລະດັບ​ໂລກ ກັບ ປະທານາທິບໍດີ​ເກົາຫລີ​ໃຕ້ ທ່ານ​ນາງ
Park Geun-hye ​ແລະ​ລັດຖະມົນຕີ​ຕ່າງປະ​ເທດ Yun
Byung-se.

ຮວມຢູ່​ໃນ​ລາຍການ​ປະຊຸມ ກໍ​ຈະ​ມີ​ເລື້ອງ​ໂຄງການ​ນິວ​ເຄລຍ
ຂອງ​ເກົາຫລີ​ເໜືອ ​ແລະ​ການ​ເດີນທາງ​ມາ​ຢ້ຽມຢາມ​ສະຫະລັດ
​ໃນເດືອນ​ໜ້າ​ນີ້ ຂອງ ປະທານາທິບໍດີ Park.

ກ່ອນໜ້າ​ນັ້ນ ຢູ່​ນະຄອນຫລວງ​ປັກ​ກິ່ງ ປະທານ​ປະ​ເທດຈີນ ທ່ານ Xi Jinping ກ່າວ​ວ່າ
ເຖິງ​ແມ່ນໄດ້​ມີຄວາມ​ເຄັ່ງ​ຕຶງເພີ້​ມ​ຂຶ້ນ ຍ້ອນ​ບັນຫາ​ຂັດ​ແຍ້​ງກັນ​ເລື້ອງເຂດ​ນ້ຳ​ແດນ​ດິນ​ໃນ
ທະ​ເລ​ຈີນ​ໃຕ້​ກໍ​ຕາມ ​ແຕ່​ສາຍ​ພົວພັນ​ກັບ​ສະຫະລັດ ກໍ​ຍັງ​ຄົງຢູ່​ໃນ​ສະພາບ​ທຸ່ນ​ທ່ຽງ​ຢູ.

ທ່ານ ສີ ​ໄດ້ກ່າວ​ເຊັ່ນ​ນີ້​ຕໍ່​ທ່ານ John Kerry ລັດຖະມົນຕີ​ການ​ຕ່າງ ສະຫະລັດ ທີ່​ກຳລັງ​ທຳ​ການ​ຢ້ຽມຢາມ​ຈີນຢູ່​ນັ້ນ​ ​ໃນ​ວັນ​ອາທິດມື້​ນີ້ ​ແລະ​ກ່າວ​ຕື່ມ​ວ່າ ທ່ານ​ກຳລັງ​ລໍຖ້າ​ມື້ເດີນທາງ​ໄປ​ຢ້ຽມຢາມ​ສະຫະລັດ​ໃນ ເດືອນ​ກັນຍາ​ປີ​ນີ້ ​ແລະ​ທ່ານ​ເຊື່ອ​ວ່າ ​ໃນການ​ດຳ​ເນີນ​ງານ​ຮ່ວມ​ກັນ
ນັ້ນ​ ທັງ​ສອງ​ຝ່າຍແມ່ນ​ຈະສາມາດຍົກ​ຄວາມ​ສຳພັນ​ລະຫວ່າງ​ຈີນ-​ສະຫະລັດ ຂຶ້ນ​ສູ່​ລະດັບ​ສູງ​ອັນໃໝ່​ໄດ້.”

ທ່ານ Kerry ທີ່​ກຳລັງ​ຢູ່​ໃນມື້​ທີ​ສອງ​ຂອງ​ການ​ຢ້ຽມຢາມ​ນະຄອນ​ຫລວງ​ປັກ​ກິ່ງເປັນ​ເວລາ​ສອງ​ມື້​ນັ້ນ ​ໄດ້ຂຽນ​ລົງ​ໜ້າ Tweeter ຂອງ​ທ່ານ ຫຼັງ​ຈາກ​ການພົບ​ປະກັນ​ວ່າ ພວກທ່ານ​ໄດ້​ໂອ້​ລົມ​ສົນທະນາ​ກັນກ່ຽວ​ກັບ “ບັນຫາ​ສຳຄັນ​ສອງ​ຝ່າຍ” ​ແລະ​ເລື້ອງ​ການ “ການ​ເດີນທາງ​ມາ​ຢ້ຽມ​ຢາມ​ສະຫະລັດຂອງ​ທ່ານ​ສີ ຈິນປິງ ທີ່​ຈະ​ມີ​ຂຶ້ນນັ້ນ.”

ຖ້ອຍ​ຖະ​ແຫຼ​ງທີ່​ບໍ່ໜ້າ​ຕື່ນ​ເຕ້ນ​ຫຼາຍ​ປານ​ໃດ​ນີ້ ມີ​ຂຶ້ນ​ຫຼັງ​ຈາກ​ມີຄຳເຕືອນ ​ໃນ​ວັນ​ເສົາ​ວານ​ນີ້ ​ຈາກ​ລັດຖະມົນຕີ​ຕ່າງປະ​ເທດ​ຈີນ ທ່ານ Wang Yi ທີ່​ກ່າວ​ວ່າ ປັກ​ກິ່ງ​ມີຄວາມ​ໝ!ຍໝັ້ນ​ທີ່ “ປ່ຽນ​ແປງບໍ່​ໄດ້” ຕໍ່​ການປ້ອງ​ກັນ ອະທິປະ​ໄຕ​ ​ແລະ​ເຂດ​ນ້ຳ​ແດນ​ດິນ​ອັນ​ຄົບ​ຖ້ວນ​ຂອງ​ຕົນ.

ສຫລ ກັບ ຈີນ ມີຄວາມເຫັນແຕກຕ່າງກັນ ເລື້ອງທະເລຈີນໃຕ້:

US and China Voice Differences Over South China Sea
please wait

No media source currently available

0:00 0:01:26 0:00

XS
SM
MD
LG