ລິ້ງ ສຳຫລັບເຂົ້າຫາ

ວັນອັງຄານ, ໑໖ ເມສາ ໒໐໒໔

ປະທານປະເທດຈີນ ສືບຕໍ່ ການຢ້ຽມຢາມ ສຫລ


ປະທານາທິບໍດີສະຫະລັດ ທ່ານບາຣັກ ໂອບາມາ ແລະ ປະທານປະເທດຈີນ ທ່ານ ຫູ ຈິນເຖົາ ໃນລະຫວ່າງ ກອງປະຊຸມ ຖະແຫຼງຂ່າວຮ່ວມ ທີ່ທຳນຽບຂາວ (19 ມັງກອນ 2011)
ປະທານາທິບໍດີສະຫະລັດ ທ່ານບາຣັກ ໂອບາມາ ແລະ ປະທານປະເທດຈີນ ທ່ານ ຫູ ຈິນເຖົາ ໃນລະຫວ່າງ ກອງປະຊຸມ ຖະແຫຼງຂ່າວຮ່ວມ ທີ່ທຳນຽບຂາວ (19 ມັງກອນ 2011)

ນຶ່ງມື້ ຫຼັງຈາກໄດ້ຮັບ​ການຕ້ອນຮັບຢ່າງສົມກຽດ ໃນງານ
ລ້ຽງອາຫານຄໍ່າຢ່າງເປັນທາງການ ທີ່ທຳນຽບຂາວນັ້ນໃນ
ວັນພະຫັດມື້ນີ້ປະທານປະເທດຈີນທ່ານຫູຈິນເຖົາມີ​ກໍານົດ
ຈະໄປຢ້ຽມລັດຖະສະພາຂອງສະຫະລັດ ບ່ອນທີ່ທ່ານຈະ
ໄດ້ພົບປະແບບເຊິ່ງໜ້າກັບສະມາຊິກລັດຖະສະພາອະເມ
ຣິກັນຈຳນວນນຶ່ງທີ່ຕຳໜິຕິຕຽນທ່ານຢ່າງຮຸນແຮງນັ້ນ.

ສອງເຈົ້າໜ້າທີ່ຂັ້ນສູງສຸດຂອງລັດຖະສະພາສະຫະລັດຄືຜູ້
ນຳສຽງສ່ວນຫຼາຍໃນສະພາສູງທ່ານ Harry Reid ແລະ
ປະທານສະພາຕໍ່າທ່ານ John Boeh-ner ຕ່າງກໍໄດ້ປະ
ຕິເສດການເຊື້ອເຊີນໄປຮ່ວມງານລ້ຽງອາຫານຄໍ່າທີ່ທຳນຽບ
ຂາວໃນຄືນວັນພຸດ ຊຶ່ງມີພວກດາລາທີ່ມີຊື່ສຽງຂອງສະຫະ
ລັດ ພວກນັກການເມືອງແລະນັກດົນຕີໄປຮ່ວມນັ້ນ.

ທັງສອງທ່ານຕ່າງກໍກ່າວວ່າ ພວກທ່ານຈະລໍພົບປະກັບທ່ານຫູໃນວັນພະຫັດມື້ນີ້ ແຕ່ຢູ່ທີ່ລັດ
ຖະສະພາສະຫະລັດ ກໍາລັງມີຄວາມໂກດແຄ້ນເປັນຢ່າງໜັກ ຕໍ່ນະໂຍບາຍການເງິນຂອງຈີນ
ຊຶ່ງຫຼາຍໆຄົນເຊື່ອວ່າ ເຮັດໃຫ້ຊາວອະເມຣິກັນສູນເສຍວຽກເຮັດງານທຳນັ້ນ ແລະປະວັດໃນ
ການນັບຖືສິດທິມະນຸດຂອງຈີນ.

ໃນມື້ວັນພຸດວານນີ້ ທ່ານຫູໄດ້ທຳການຍອມຮັບ ແບບທີ່ບໍ່ຄ່ອຍເຫັນກັນກ່ຽວກັບເລື່ອງສິດ
ທິມະນຸດ ໃນລະຫວ່າງກອງປະຊຸມຖະແຫຼງຂ່າວ ຮ່ວມກັບປະທານາທິບໍດີ ບາຣັກໂອບາມາ. ຄຶຫຼັງຈາກທີ່ປະທານາທິບໍດີສະຫະລັດ ໄດ້ຮຽກຮ້ອງຢ່າງເປີດເຜີຍໃຫ້ຈີນສະໜັບສະໜຸນສິດ
ທິສາກົນຂອງມະນຸດແລ້ວ ທ່ານຫູ​ໄດ້ຍອມຮັບວ່າຕ້ອງໄດ້ມີການດຳເນີນການອີກຢ່າງຫຼວງ
ຫຼາຍ ເພື່ອປັບປຸງສິດທິມະນຸດຢູ່ໃນປະເທດຂອງທ່ານ.

XS
SM
MD
LG