ທ່ານ Joe Biden ຮອງປະທານາທິບໍດີສະຫະລັດ ທໍາການ
ຮຽກຮ້ອງຢ່າງເດັດດ່ຽວ ໃຫ້ຈີນຍຸຕິການລັກຂະໂມຍທາງອິນ
ເຕີແນັດໃນລະຫວ່າງການເຈລະຈາປະຈໍາປີ ເປັນເວລາສອງ
ມື້ ລະຫວ່າງສອງມະຫາອໍານາດຂອງໂລກ ຢູ່ທີ່ກຸງວໍຊິງຕັນ.
ຢູ່ໃນການກ່າວໄຂກອງປະຊຸມ ໃນວັນພຸດວານນີ້ ທ່ານ
Biden ເວົ້າວ່າ ຈີນຕ້ອງຍຸຕິ ການລັກຂະໂມຍຊັບສິນທາງ
ປັນຍາ “ຢ່າງກົງໆ” ຂອງຕົນນັ້ນ ຊຶ່ງລາຍງານເມື່ອມໍ່ໆມານີ້
ເວົ້າວ່າ ສະຫະລັດ ເສຍເງິນຫລາຍພັນລ້ານໂດລາ ຕໍ່ປີ
ຍ້ອນການກະທໍາດັ່ງກ່າວ.
ຄໍາປາໄສຂອງທ່ານ Biden ຍັງໄດ້ເນ້ນໜັກຫລາຍໆດ້ານທີ່ທັງສອງຝ່າຍມີຜົນປະໂຫຍດ
ຮ່ວມກັນ ແຕ່ກໍບໍ່ໄດ້ເມີນເສີຍຕໍ່ບັນຫາຫຼໍ່ແຫຼມຕ່າງໆ ເຊ່ນເລື້ອງຄວາມເປັນຫ່ວງຂອງ
ສະຫະລັດ ກ່ຽວກັບປະຫວັດການນັບຖືສິດທິມະນຸດຂອງຈີນ ແລະການປະຕິຮູບທາງເສດ
ຖະກິດ ຊຶ່ງໃນເລື້ອງສິດທິມະນຸດນັ້ນ ທ່ານ Biden ຮັບຮູ້ວ່າ ມີຄວາມເຫັນແຕກຕ່າງກັນ
ຫລາຍ ແຕ່ກໍກ່າວວ່າ ທ່ານເຊື່ອວ່າ ຈີນຈະເປັນປະເທດເຂ້ມແຂງຂື້ນກ່ວາເກົ່າ ມີສະຖຽນ
ລະພາບຫລາຍກ່ວາເກົ່າ ແລະມີການປະດິດສ້າງໃໝ່ໆ ຫລາຍກ່ວາເກົ່າ ຖ້າຫາກວ່າຈີນ
ເຄົາລົບແລະປະຕິບັດຕາມ ກົດເກນຂອງສິດທິມະນຸດສາກົນ.
ເບິ່ງວີດິໂອກ່ຽວກັບຂ່າວນີ້:
ການພົບປະກັນດັ່ງກ່າວ ມີຂຶ້ນບໍ່ພໍເທົ່າໃດອາທິດ ລຸນຫລັງທີ່ປະທານາທິບໍດີສະຫະລັດ
ທ່ານບາຣັກ ໂອບາມາ ເປັນເຈົ້າພາບຕ້ອນຮັບການຢ້ຽມຢາມຂອງທ່ານ Xi Jinping
ປະທານປະເທດຈີນ ເພື່ອເຂົ້າຮ່ວມກອງປະຊຸມສຸດຍອດທີ່ບໍ່ເປັນທາງການ ຢູ່ລັດຄາລິຟໍ
ເນຍ ບ່ອນທີ່ຜູ້ນໍາທັງສອງໄດ້ໂອ້ລົມກັນ ຊຶ່ງສ່ວນໃຫຍ່ແລ້ວ ໃນລັກສະນະທ່າທາງທີ່
ເປັນມິດ.
ນອກນັ້ນ ຄະນະຜູ້ແທນຂອງຈີນ ແລະສະຫະລັດຍັງມີຄວາມເຫັນຂັດແຍ້ງກັນກ່ຽວກັບບັນຫາເສດຖະກິດຫລາຍຢ່າງ. ສະຫະລັດຢາກໃຫ້ຈີນອະນຸຍາດໃຫ້ເງິນຢວນຂອງຕົນ
ມີຄ່າແຂງຂຶ້ນຕື່ມ. ພ້ອມກັນນັ້ນ ສະຫະລັດຍັງຕໍາໜິຈີນວ່າ ມີການຈໍາກັດການລົງທຶນ
ຈາກຕ່າງປະເທດ.
ເບິ່ງວີດິໂອອີກເລື້ອງນຶ່ງ ກ່ຽວກັບຂ່າວນີ້:
ຮຽກຮ້ອງຢ່າງເດັດດ່ຽວ ໃຫ້ຈີນຍຸຕິການລັກຂະໂມຍທາງອິນ
ເຕີແນັດໃນລະຫວ່າງການເຈລະຈາປະຈໍາປີ ເປັນເວລາສອງ
ມື້ ລະຫວ່າງສອງມະຫາອໍານາດຂອງໂລກ ຢູ່ທີ່ກຸງວໍຊິງຕັນ.
ຢູ່ໃນການກ່າວໄຂກອງປະຊຸມ ໃນວັນພຸດວານນີ້ ທ່ານ
Biden ເວົ້າວ່າ ຈີນຕ້ອງຍຸຕິ ການລັກຂະໂມຍຊັບສິນທາງ
ປັນຍາ “ຢ່າງກົງໆ” ຂອງຕົນນັ້ນ ຊຶ່ງລາຍງານເມື່ອມໍ່ໆມານີ້
ເວົ້າວ່າ ສະຫະລັດ ເສຍເງິນຫລາຍພັນລ້ານໂດລາ ຕໍ່ປີ
ຍ້ອນການກະທໍາດັ່ງກ່າວ.
ຄໍາປາໄສຂອງທ່ານ Biden ຍັງໄດ້ເນ້ນໜັກຫລາຍໆດ້ານທີ່ທັງສອງຝ່າຍມີຜົນປະໂຫຍດ
ຮ່ວມກັນ ແຕ່ກໍບໍ່ໄດ້ເມີນເສີຍຕໍ່ບັນຫາຫຼໍ່ແຫຼມຕ່າງໆ ເຊ່ນເລື້ອງຄວາມເປັນຫ່ວງຂອງ
ສະຫະລັດ ກ່ຽວກັບປະຫວັດການນັບຖືສິດທິມະນຸດຂອງຈີນ ແລະການປະຕິຮູບທາງເສດ
ຖະກິດ ຊຶ່ງໃນເລື້ອງສິດທິມະນຸດນັ້ນ ທ່ານ Biden ຮັບຮູ້ວ່າ ມີຄວາມເຫັນແຕກຕ່າງກັນ
ຫລາຍ ແຕ່ກໍກ່າວວ່າ ທ່ານເຊື່ອວ່າ ຈີນຈະເປັນປະເທດເຂ້ມແຂງຂື້ນກ່ວາເກົ່າ ມີສະຖຽນ
ລະພາບຫລາຍກ່ວາເກົ່າ ແລະມີການປະດິດສ້າງໃໝ່ໆ ຫລາຍກ່ວາເກົ່າ ຖ້າຫາກວ່າຈີນ
ເຄົາລົບແລະປະຕິບັດຕາມ ກົດເກນຂອງສິດທິມະນຸດສາກົນ.
ເບິ່ງວີດິໂອກ່ຽວກັບຂ່າວນີ້:
ການພົບປະກັນດັ່ງກ່າວ ມີຂຶ້ນບໍ່ພໍເທົ່າໃດອາທິດ ລຸນຫລັງທີ່ປະທານາທິບໍດີສະຫະລັດ
ທ່ານບາຣັກ ໂອບາມາ ເປັນເຈົ້າພາບຕ້ອນຮັບການຢ້ຽມຢາມຂອງທ່ານ Xi Jinping
ປະທານປະເທດຈີນ ເພື່ອເຂົ້າຮ່ວມກອງປະຊຸມສຸດຍອດທີ່ບໍ່ເປັນທາງການ ຢູ່ລັດຄາລິຟໍ
ເນຍ ບ່ອນທີ່ຜູ້ນໍາທັງສອງໄດ້ໂອ້ລົມກັນ ຊຶ່ງສ່ວນໃຫຍ່ແລ້ວ ໃນລັກສະນະທ່າທາງທີ່
ເປັນມິດ.
ນອກນັ້ນ ຄະນະຜູ້ແທນຂອງຈີນ ແລະສະຫະລັດຍັງມີຄວາມເຫັນຂັດແຍ້ງກັນກ່ຽວກັບບັນຫາເສດຖະກິດຫລາຍຢ່າງ. ສະຫະລັດຢາກໃຫ້ຈີນອະນຸຍາດໃຫ້ເງິນຢວນຂອງຕົນ
ມີຄ່າແຂງຂຶ້ນຕື່ມ. ພ້ອມກັນນັ້ນ ສະຫະລັດຍັງຕໍາໜິຈີນວ່າ ມີການຈໍາກັດການລົງທຶນ
ຈາກຕ່າງປະເທດ.
ເບິ່ງວີດິໂອອີກເລື້ອງນຶ່ງ ກ່ຽວກັບຂ່າວນີ້:
