ລິ້ງ ສຳຫລັບເຂົ້າຫາ

ສຫລ ແລະຈີນ ຈະເຈລະຈາ ກ່ຽວກັບເລື່ອງ ສິດທິມະນຸດ

  • ໄພສານ ວໍຣະຈັກ

ລັດຖະມົນຕີຊ່ອຍວ່າການກະຊວງການຕ່າງປະເທດສະຫະລັດ Michael Posner

ສະຫະລັດ​ແລະ​ຈີນ​ກ່າວ​ວ່າ ຕົນ​ຈະ​ເປີດ​ການ​ເຈລະຈາ​ຮອບ​ໃໝ່​ກ່ຽວ​ກັບ​ເລື່ອງ​ສິດທິ​ມະນຸດ​ໃນ
​ອາທິດ​ໜ້ານີ້.

ກະຊວງ​ການ​ຕ່າງປະ​ເທດ​ສະຫະລັດ ​ແລະ​ສື່​ມວນ​ຊົນ​ຂອງ​ທາງ​ການ​ຈີນແຈ້ງ​ໃຫ້​ຊາບ ໃນວັນ
​ສຸກ​ມື້ນີ້ວ່າ ການ​ເຈລະຈາ​ຫາລື​ດັ່ງກ່າວ​ຈະ​ຈັດ​ຂຶ້ນທີ່​ນະຄອນຫຼວງວໍ​ຊິງ​ຕັນ ​ໃນ​ວັນ​ທີ 23 ຫາ
24 ກໍລະ​ກົດ​.

ຝ່າຍ​ສະຫະລັດ ​ແມ່ນ​ຈະ​ຢູ່​ພາຍ​ໃຕ້​ການ​ນຳພາ​ ຂອງ​ທ່ານ Michael Posner ລັດຖະມົນຕີ​
ຊ່ອຍ​ວ່າການ​ກະຊວງ​ການ​ຕ່າງປະ​ເທດ ຮັບຜິດຊອບ​ໃນ​ເລື່ອງ​ປະຊາ​ທິປະ​ໄຕ ສິດທິ​ມະນຸດ​
ແລະ​ແຮງ​ງານ. ສ່ວນ​ຝ່າຍ​ຈີນ​ແມ່ນ​ນຳພາ​ໂດຍ​ທ່ານ Chen Xu ​ເຈົ້າໜ້າ​ທີ່​ກະຊວງ​ການ​ຕ່າງ
ປະ​ເທດຂອງ​ຈີນ.

ການ​ເຈລະຈາ​ຫາລື​ດັ່ງກ່າວ​ນີ້ຈະ​ເປັນ​ການ​ເຈລະຈາ​ຮອບ​ທີ 17. ການ​ເຈລະຈາເທື່ອ​ແລ້ວ​ໄດ້​ມີ​
ຂຶ້ນ​ໃນ​ເດືອນ​ເມສາ​ປີ​ກາຍນີ້.

XS
SM
MD
LG