ສະຫະລັດແລະຈີນເປີດເຜີຍລະບົບຈັບກໍາມັນຕະພາບລັງສີ ທີ່ທ່າເຮືອໃຫຍ່ Shanghai
ອັນເປັນພາກສ່ວນນຶ່ງ ໃນການດຳເນີນຄວາມພະຍາ ຍາມຂອງໂລກເພື່ອປ້ອງກັນບໍ່ໃຫ້ມີ
ການຂົນສົ່ງວັດຖຸສ້າງອາວຸດນີວເຄລຍຕ່າງໆ ຢ່າງຜິດກົດໝາຍ.
ລະບົບດັ່ງກ່າວນີ້ ຈະສະໜອງການກວດກາສິນຄ້າຮອບດ້ານທີ່ທ່າເຮືອນໍ້າເລິກ Yang
shan ຊຶ່ງເປັນທ່າເຮືອທີ່ຮອງຮັບຕູ້ບັນທຸກສິນຄ້າທີ່ ຫລາຍທີ່ສຸດແຫ່ງນຶ່ງຂອງໂລກ.
ການເຄຶ່ອນໄຫວນີ້ ເປັນພາກສ່ວນການລິເລີ່ມຢ່າງນຶ່ງທີ່ນໍາພາໂດຍສະຫະ ລັດ ເພື່ອຕິດ
ຕັ້ງອຸບປະກອນໃສ່ທ່າເຮືອ 100 ແຫ່ງທີ່ໃຫຍ່ທີ່ສຸດຂອງໂລກ ເພື່ອກວດກາການຂົນສົ່ງສິນ
ຄ້າຂອງໂລກໃຫ້ໄດ້ປະມານ 50 ເປີເຊັນພາຍໃນປີ 2015.
ໃນພິທີນຳໃຊ້ລະບົບດັ່ງກ່າວຢ່າງເປັນທາງການນັ້ນ ທ່ານ Thomas D’Agostino ຫົວໜ້າ
ບໍລິຫານຄວບຄຸມຄວາມໝັ້ນຄົງດ້ານນີວເຄລຍແຫ່ງຊາດຂອງສະຫະລັດ ໄດ້ຍ້ອງຍໍຄວາມ
ໝັ້ນໝາຍຂອງລັດຖະບານຈີນ ໃນການກວດຫາວັດຖຸນີວເຄລຍແລະການປາບປາມການກໍ່
ການຮ້າຍດ້ວຍນີວ ເຄລຍນັ້ນ.
