ຢູ່ທີ່ສະຫະລັດນີ້ ສະພາຕໍ່າສະ
ຫະລັດ ໄດ້ຮັບຜ່ານມະຕິດ້ວຍ
ຄະແນນສຽງສະໜັບສະໜຸນ
ຢ່າງຖ້ວມລົ້ນ ສະແດງຄວາມ
ຊົມເຊີຍຕໍ່ຜູ້ຄັດຄ້ານລັດຖະ
ບານຈີນ ທ່ານ Liu Xiabao ທີ່ໄດ້ຮັບລາງວັນໂນແບລ ຂະແໜງສັນຕິພາບນັ້ນ.
ມະຕິດັ່ງກ່າວ ທີ່ບໍ່ມີເງື່ອນໄຂຜູກມັດ ແລະໄດ້ຖືກຮັບຜ່ານດ້ວຍຄະແນນສຽງການເຫັນດີ 402 ສຽງ ຕໍ່ 1 ສຽງຄັດຄ້ານນັ້ນ ຮຽກຮ້ອງໃຫ້ຈີນປ່ອຍຕົວທ່ານ Liu Xiabao ຈາກການຄຸມຂັງ ແລະ ໃຫ້ເຊົາຄອຍຄວບຄຸມກວດກາຂ່າວກ່ຽວກັບການໃຫ້ລາງວັນແກ່ຜູ້ກ່ຽວ.
ພິທີມອບລາງວັນໂນແບລຈະມີຂຶ້ນໃນວັນສຸກມື້ອື່ນນີ້ ທີ່ນະຄອນອອສໂລ, ປະເທດນໍເວ.
ໃນເຊົ້າວັນພຸດວານນີ້ ສະຫະພາບຢູໂຣບ ກໍໄດ້ຕຳໜິຕິຕຽນປະເທດເຊີເບຍທີ່ໄດ້ຕັດສິນໃຈໄປຮ່ວມກັບຈີນ ຄັດຄ້ານພິທີມອບລາງວັນໂນແບລດັ່ງກ່າວ. ພວກເຈົ້າ ໜ້າທີ່ ສະຫະພາບຢູໂຣບ ຫລື EU ເວົ້າວ່າ ພວກເຂົາເຈົ້າບໍ່ໄດ້ຄາດຄິດມາກ່ອນວ່າ ຈະມີການຕັດສິນໃຈຄັດ ຄ້ານແບບນັ້ນ ຈາກປະເທດນຶ່ງທີ່ມີຄວາມປາດຖະໜາຈະເຂົ້າຮ່ວມກຸ່ມສະຫະພາບຢູໂຣບນັ້ນ.