ທຳນຽບຫ້າແຈຂອງສະຫະລັດໄດ້ກ່າວຫາຈີນໃນມື້ວັນສຸກວານນີ້ວ່າ ໃຊ້ການຈາລະກຳທາງ
ອິນເຕີແນັດ ເພື່ອປັບປຸງເສດຖະກິດຂອງຕົນໃຫ້ດີຂຶ້ນ ແລະຂະຫຍາຍກອງທັບ.
ໃນລາຍງານປະຈຳປີຕໍ່ລັດຖະສະພານັ້ນ ກະຊວງປ້ອງກັນປະເທດສະຫະລັດກ່າວວ່າ ພວກ
ນັກສະແດງຈີນແມ່ນເປັນຜູ້ກໍ່ການຈາລະກຳທາງດ້ານເສດຖະກິດທີີ່ກະຕືລືລົ້ນແລະທົນທານ
ທີ່ສຸດໃນໂລກ. ລາຍງານກ່າວຕໍ່ໄປວ່າ ການສອດແນມຂອງຈີນຈະດຳເນີນຕໍ່ໄປຊຶ່ງຈະເປັນໄພ
ຂົ່ມຂູ່ຫຼາຍຂຶ້ນ ຕໍ່ຄວາມໝັ້ນຄົງທາງດ້ານເສດຖະກິດຂອງສະຫະລັດ.
ທຳນຽບຫ້າແຈເວົ້າວ່າ ຈຸດເພັ່ງເລັງທີ່ສຳຄັນທີ່ສຸດ ຂອງກອງທັບປົດປ່ອຍປະຊາຊົນຈີນແມ່ນ
ຍັງສືບຕໍ່ການກະກຽມ ກ່ຽວກັບຄວາມເປັນໄປໄດ້ ໃນການທີ່ຈະເກີດສົງຄາມ ຢູ່ໃນບໍລິເວນ
ຊ່ອງແຄບໄຕ້ຫວັນ ຊຶ່ງໃນນັ້ນແມ່ນຮວມທັງການຂັດຂວາງບໍ່ໃຫ້ສະຫະລັດເຂົ້າແຊກແຊງໃນ
ກໍລະນີທີ່ເກີດບັນຫາຂັດແຍ້ງກັບໄຕ້ຫວັນ ທີ່ປັກກິ່ງຖືວ່າເປັນແຂວງນຶ່ງຂອງຕົນນັ້ນ.
ຈີນໄດ້ໂຄສະນາກ່ຽວກັບຄວາມທະເຍີທະຍານທາງດ້ານທະຫານໄລຍະຍາວຂອງຕົນດ້ວຍ
ການນຳສະແດງ ອາວຸດຍຸດໂທປະກອນຊະນິດໃໝ່ ຮວມທັງການທົດລອງບິນ ເທື່ອທຳອິດ
ຂອງເຮືອບິນລົບອາຍພົ່ນທີ່ເຣດ້າຈັບບໍ່ໄດ້ໃນຕົ້ນປີກາຍ ແລະການເຂົ້າປະຈຳການຂອງກຳ
ປັ່ນບັນທຸກເຮືອບິນລຳທຳອິດໃນເດືອນສິງຫາແລ້ວນີ້.