ລິ້ງ ສຳຫລັບເຂົ້າຫາ

ນັກເຄື່ອນໄຫວ ຕາບອດຈີນ ສາມາດ ຂໍໄປຮຽນ ຢູ່ຕ່າງປະເທດ


ນັກເຄື່ອນໄຫວຕາບອດຈີນ ທ່ານ Chen Guangcheng (ກາງ) ລົມກັນກັບພັນລະຍາຂອງທ່ານ ນາງ Yuan Weijing ແລະພວກລູກໆ ໃນຂະນະທີ່ເອກອັກຄະລັດຖະທູດສະຫະລັດ ປະຈຳປະເທດຈີນ ທ່ານ Gary Locke ລະຫວ່າງທ່ານ Chen ກັບເມຍ) ຢືນເບິ່ງ ຢູ່ໂຮງໝໍແຫ່ງນຶ່ງ ໃນນະຄອນຫຼວງປັກກິ່ງ (3 ພຶດສະພາ 2012)

ຈີນ​ກ່າວ​ວ່າ ນັກ​ເຄື່ອນ​ໄຫວ​ຕາບອດ Chen Guangcheng ມີ​ສິດ ທີ່​ຈະ​ຂໍໄປຮຽນ​ຕ່າງປະ
​ເທດ​ໄດ້ຊຶ່ງ​ເປັນ​ສັນຍານ​ທີ່​ສະ​ແດງ​ໃຫ້​ເຫັນ​ວ່າອາດ​ເປັນ​ຊ່ອງ​ທາງແກ້​ໄຂ​ຕໍ່​ບັນຫາ​ຂັດ​ແຍ່ງ​ທາງ​
ດ້ານ​ການ​ທູດທີ່​ໄດ້ເລີ່​ມຂຶ້ນ​ເວລາ​ນັກ​ເຄື່ອນ​ໄຫວທ່ານ​ນີ້ຫຼົບໜີ​ຈາກ​ການ​ຖືກ​ກັກ​ບໍລິ​ເວນ​ແລະ
​ເຂົ້າ​ໄປ​ຫຼົບລີ້ຢູ່​ໃນ​ສະຖານທູດ​ສະຫະລັດ ​ໃນ​ນະຄອນຫຼວງປັກ​ກິ່ງ.

ການ​ປະກາດ​ໃນ​ວັນ​ສຸກ​ມື້ນີ້ມີ​ຂຶ້ນຫຼັງຈາກ​ທ່ານ Chen ໄດ້ຮ້ອງຮຽນ​ເປັນ​ລຳດັບ​ມາ​ໂດຍກ່າວ​
ວ່າ ທ່ານ​ເປັນ​ຫ່ວງ​ເລື່ອງ​ຄວາ​ມປອດ​ໄພ​ຂອງ​ທ່ານ​ ແລະ​ໃນ​ເວລາ​ນີ້​ຕ້ອງການເດີນທາງມາ​ສະ
ຫະລັດ. ທ່ານ Chen ​ແຈ້ງ​ໃຫ້​ພວກ​ນັກ​ຂ່າວ​ຊາບ ​ໂດຍ​ຜ່ານ​ທາງ​ໂທລະສັບ​ຈາກ​ໂຮງໝໍ​ແຫ່ງ
​ນຶ່ງ​ໃນ​ນະຄອນຫຼວງປັກ​ກິ່ງ​ໃນ​ວັນ​ສຸກມື້ນີ້ວ່າ ທ່ານ​ບໍ່​ສາມາດ​ພົບ​ປະ​ ກັບ​ເຈົ້າໜ້າ​ທີ່ສະຫະລັດ​
ໄດ້​ນັບ​ແຕ່​ມື້ວັນ​ພຸດ​ເປັນຕົ້ນມາ​ເວລາທ່ານ​ອອກໄປຈາກ​ສະຖານທູດບ່ອນທີ່​ທ່ານ​ໄດ້​ລີ້​ໄພ​ຢູ່​ເປັນ
​ເວລາ​ເກືອບ​ນຶ່ງອາທິດ​ນັ້ນ.

ກ່ອນ​ໜ້ານີ້ ທ່ານ​ກ່າວ​ຕໍ່​ສະມາຊິກ​ລັດຖະສະພາໃນ​ລະຫວ່າງ​ການ​ໂທລະ​ສັບ​ໄປ​ໃຫ້ການ​ສົດ
ຕໍ່​ການ​ຮັບ​ຟັງ​ຄຳ​ໃຫ້ການ ຂອງ​ລັດຖະສະພາ​ສະຫະລັດ​ໃນ​ມື້ວານນີ້ວ່າ ທ່ານ​ຫວັງ​ວ່າຈະ​ໄດ້​
ພົບ​ກັບ​ລັດຖະມົນຕີ​ການ​ຕ່າງປະ​ເທດ​ສະຫະລັດທ່ານ​ນາງ Hillary Clinton ທີ່​ໄປ​ຮ່ວມ​ການ
​ເຈລະຈາລະດັບ​ສູງປະຈຳ​ປີ ລະຫວ່າງ​ສະຫະລັດ​ກັບ​ຈີນ ທີ່​ນະຄອນຫຼວງປັກ​ກິ່ງ.

ຈີນ​ໄດ້​ທວງ​ໃຫ້​ສະຫະລັດ​ຂໍ​ຂະ​ມາ​ໂທດ ຕໍ່​ອັນ​ທີ່​ຈີນ​ເຫັນ​ວ່າ ​ເປັນ​ການ​ແຊກ​ແຊງຂອງ​ສະຫະ
ລັດ ​ໃນ​ກໍລະນີ​ຂອງ​ທ່ານ Chen ​ແຕ່​ທ່ານ Liu Weimin ໂຄສົກ​ກະຊວງ​ການ​ຕ່າງປະ​ເທດ
ຈີນ ກ່າວ​ໃນ​ວັນ​ສຸກ​ມື້ນີ້ວ່າ ທ່ານ Chen ສາມາດ​ຍື່ນ​ຄຳ​ຮ້ອງ​ຂໍ​ໄປ​ຮຽນ​ຢູ່​ຕ່າງປະ​ເທດ​ໄດ້ຖ້າ​
ຜູ້ກ່ຽວ​ຫາກ​ດຳ​ເນີນ​ການ​ຜ່ານຂັ້ນຕອນ​ຕ່າງໆຕາມ​ປົກກະຕິຄື​ກັນ​ກັບ​ປະຊາຊົນ​ຄົນ​ອື່ນໆ.

​ແຕ່​ພວກ​ນັກ​ເຄື່ອນ​ໄຫວ​ສິດທິ​ມະນຸດ​ບາງ​ຄົນ​ກ່າວ​ວ່າ ສະຫະລັດ​ຄວນ​ຈະ​ສົງ​ໄສໃນ​ການ​ໃຫ້
ການ​ຄໍ້າປະກັນ​ຂອງ​ລັດຖະບານ​ຈີນກ່ຽວ​ກັບ​ຄວາມ​ປອດ​ໄພ​ຂອງ​ທ່ານ Chen. ທ່ານ Phe-
lim Kine ນັກ​ຄົ້ນຄວ້າ​ອະ​ວຸ​ໂສ​ກ່ຽວ​ກັບ​ເຂດ​ເອ​ເຊຍຂອງກຸ່ມ​ປົກ​ປ້ອງ​ສິດທິ​ມະນຸດ Human
Rights Watch ກ່າວ​ຕໍ່​ວີ​ໂອ​ເອວ່າ ທ່ານ​ກຳລັງ​ລໍຖ້າ​ເບິ່ງ​ຢູ່​ວ່າ ​ຈີນ​ຈະ​ປະຕິບັດ​ຕາມ​ຄຳ​ໝັ້ນ
ສັນຍາ​ກ່ອນ​ໜ້ານີ້ຫຼືບໍ່ກ່ຽວ​ກັບ​ຄວາມປອດ​ໄພ​ຂອງ​ທ່ານ Chen.

ຕົ້ນຕໍ​ແລ້ວ ທ່ານ Chen ​ໄດ້​ຮັບ​ເອົາ​ການ​ຕົກລົງ​ ທີ່​ບັນລຸໂດຍ​ເຈົ້າໜ້າ​ທີ່​ສະຫະລັດ ​ແລະ​ເຈົ້າ
ໜ້າ​ທີ່​ຈີນ ທີ່​ຈະ​ອະນຸຍາດ​ໃຫ້​ທ່ານ​ໄປ​ຢູ່​ໃນ​ສະຖານ​ທີ່​ປອດ​ໄພໃນ​ປະ​ເທດ​ຈີນ ​ແລະ​ຮຽນ​ກົດ
ໝາຍ​ໄດ້. ​ແຕ່​ທ່ານ​ໄດ້​ປ່ຽນ​ໃຈ​ບໍ່​ເທົ່າ​ໃດ​ຊົ່ວ​ໂມງ​ຕໍ່​ມາຫຼັງຈາກ​ໄດ້​ອອກ​ໄປ​ຈາກ​ການ​ຄຸ້ມ​ຄອງ
​ຂອງ​ສະຫະລັດ​ແລ້ວ ​ໂດຍ​ເວົ້າວ່າ ຄອບຄົວຂອງ​ທ່ານ​ໄດ້​ຖືກ​ຂົ່ມຂູ່.

XS
SM
MD
LG