ລັດຖະມຸນຕີປ້ອງກັນປະເທດຈີນ ກ່າວໃນວັນຈັນມື້ນີ້ວ່າ
ທ່ານຕົກລົງເຫັນດີນໍາ ທ່ານ Robert Gates ລັດຖະມຸນ
ຕີປ້ອງກັນປະເທດສະຫະລັດກ່ຽວກັບຄວາມຕ້ອງການ
ທີ່ຢາກໃຫ້ສາຍພົວພັນທາງທະຫານລະຫວ່າງສອງປະ
ເທດຢູ່ໃນຖານະທີ່ໝັ້ນຄົງຂຶ້ນ. ແຕ່ທ່ານບໍ່ໄດ້ເວົ້າເຖິງ
ການຮັບປະກັນທີ່ຈະບໍ່ໃຫ້ມີຄວາມຫຍຸ້ງຍາກຫລືແຕກ
ແຍກກັນຂຶ້ນໃນອະນາຄົດນັ້ນ. ຈຸດສໍາຄັນສໍາລັບທ່ານ
Gates ທີ່ໄດ້ຈົ່ມວ່າມາເປັນເວລາດົນນານກ່ຽວກັບ
ການຕິດຕໍ່ພົວພັນກັນທາງທະຫານຂອງຈີນເພື່ອປະ
ທ້ວງການຕັດສິນໃຈທາງດ້ານການເມືອງຕ່າງໆເຊ່ນ
ການຂາຍອາວຸດຂອງສະຫະລັດແກ່ໄຕ້ຫວັນນັ້ນ.
ທ່ານ Gates ຊຶ່ງເວລານີ້ກໍາລັງຢູ່ໃນກຸງປັກກິງເພື່ອພະຍາຍາມຮື້ຟື້ນການຕິດຕໍ່ພົວພັນ
ທາງດ້ານທະຫານກັນຄືນ ຫລັງຈາກໄດ້ຕັດຂາດກັນມາເປັນເວລາ 1 ປີເຕັມນັ້ນກ່າວ
ກັບບັນດາຜູ້ສື່ຂ່າວໃນວັນຈັນມື້ນີ້ວ່າ ທ່ານແລະລັດຖະມຸນຕີປ້ອງກັນປະເທດຈີນ
ທ່ານ Liang Guanglie ເຫັນດີນໍາກັນຢ່າງແຂງແຂງ ນໍາຄວາມຈໍາເປັນເພື່ອໃຫ້ມີ
ການຕິດຕໍ່ພົວພັນກັນທາງດ້ານທະຫານຢ່າງໜັກແໜ້ນນີ້ເພ່ືອລົດຜ່ອນໂອກາດ
ຕ່າງໆໃນການເຂົ້າໃຈຜິດກັນ ແລະບໍ່ໃຫ້ປ່ຽນແປງໄປນໍາເລື້ອງການເມືອງນັ້ນ.
ທ່ານຫລຽງ ກ່າວຢູ່ໃນກອງປະຊຸມນັກຂ່າວດຽວກັນວ່າ ທ່ານກໍເຫັນດີຢາກໃຫ້ມີ
ຄວາມສໍາພັນທາງທະຫານທີ່ໝັ້ນຄົງນີ້ເຊ່ນກັນ ແຕ່ທ່ານກໍບໍ່ໄດ້ປະຕິເສດຕໍ່ຄວາມ
ແຕກແຍກກັນທີ່ອາດຈະມີຂຶ້ນໄດ້ໃນອະນາຄົດ ໃນກໍລະນີທີ່ມີການຂາຍອາວຸດໃຫ້
ໄຕ້ຫວັນຄັ້ງໃໝ່ໃນອະນາຄົດ ໂດຍກ່າວວ່າ ການຊື້ຂາຍອາວຸດທີ່ວ່ານີ້ສ້າງຄວາມ
ເສຍຫາຍໃຫ້ແກ່ຜົນປະໂຫຍດທີ່ສໍາຄັນຂອງຈີນ.
