ລັດຖະມົນຕີການຕ່າງປະເທດສະຫະລັດ ທ່ານນາງຮີນລາຣີ ຄລິນຕັນ ຮຽກຮ້ອງໃຫ້ຈີນໃຊ້
ອິດທິພົນທີ່ກໍາລັງເຕີບໂຕຂຶ້ນຢູ່ໃນໂລກ ເພື່ອຫລິ້ນບົດບາດໃນທາງເສີມສ້າງໃນກິດຈະການ
ຕ່າງໆຂອງໂລກ.
ທ່ານນາງຄລິນຕັນໃຫ້ຄວາມເຫັນດັ່ງກ່າວທີ່ກຸງວໍຊິງຕັນໃນວັນພຸດວານນີ້ໃນພິທີສະຫຼອງຄົບ
ຮອບ 40 ປີອັນເປັນຂີດໝາຍແຫ່ງການເດີນທາງໄປ ຢ້ຽມຢາມຈີນຄັ້ງທໍາອິດ ຂອງມື້ລາງ
ປະທານາທິບໍດີ Richard Nixon ໃນປີ 1972 ນັ້ນ.
ທ່ານນາງຄລິນຕັນກ່າວວ່າ ກຸງປັກກິ່ງບໍ່ສາມາດທີ່ຈະເປັນໃນອັນທີ່ທ່ານນາງເອີ້ນວ່າ ຄົນ
ກາງເພື່ອລໍຖ້າຄັດເລືອກເຂົ້າພົວພັນໃນເລື້ອງໃດເລື້ອງນຶ່ງທີ່ມີການຜິດຖຽງກັນຖ້າຈີນຢາກ
ໄດ້ຮັບການເຄົາລົບນັບຖືຈາກປະຊາ ຄົມນາໆຊາດນັ້ນ.
ທ່ານນາງຄລິນຕັນ ໄດ້ກ່າວເຖິງບັນຫາຂັດແຍ່ງຂອງອະເມຣິກັນກັບຈີນຢ່າງເຈາະຈົງກ່ຽວ
ກັບວິທີການຮັບມືກັບວິກິດການຊີເຣຍ ການປະຕິບັດຂອງຈີນຕໍ່ພວກຊົນຊາດຊົນເຜົ່າແລະ
ສາສະໜາກຸ່ມນ້ອຍ ຕະຫຼອດທັງ ຄວາມເປັນຫ່ວງຕ່າງໆບາງຢ່າງທີ່ພົວພັນກັບການຄ້າ
ທີ່ມີມາຕັ້ງແຕ່ດົນນານແລ້ວນັ້ນ.