ລິ້ງ ສຳຫລັບເຂົ້າຫາ

ວັນພະຫັດ, ໒໙ ກຸມພາ ໒໐໒໔

ສະຫະລັດໃຫ້ຄວາມໝັ້ນໃຈ ຄືນໃໝ່ ແກ່ນັກລົງທຶນເອເຊຍ


ທ່ານນາງ ຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດ ຈັບມືກັບທ່ານ Dai Bingguo, ທີ່ປຶກສາລັດຖະບານຈີນ ທີ່ເມືອງ Shenzhen ຂອງຈີນ, ວັນທີ 25 ກໍລະກົດ 2011.
ທ່ານນາງ ຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດ ຈັບມືກັບທ່ານ Dai Bingguo, ທີ່ປຶກສາລັດຖະບານຈີນ ທີ່ເມືອງ Shenzhen ຂອງຈີນ, ວັນທີ 25 ກໍລະກົດ 2011.

ທ່ານ​ນາງ​ຮີນ​ລາຣີ ຄລິນ​ຕັນ ລັດຖະມົນຕີ​ການ​ຕ່າງປະ​ເທດ​ສະຫະລັດ ກໍາ​ລັງ​ພະຍາຍາມ​
ໃຫ້ຄວາມ​ໝັ້ນ​ໃຈ​ຄືນ​ໃໝ່​ແກ່​ພວກ​ນັກ​ລົງທຶນ​ເອ​ເຊຍ​ວ່າ ບັນດາສະມາຊິກ​ສະພາ​ນິຕິບັນຍັດ
​ອາ​ເມຣິກັນ​ຈະ​ບັນລຸ​ຂໍ້ຕົກລົງ​ກັນ​ໄດ້​ ເພື່ອ​ປ້ອງ​ກັນ​ບໍ່​ໃຫ້​ປະ​ເທດ​ຕົກ​ຢູ່​ໃນ​ສະພາບ​ທີ່​ບໍ່​ສາ
ມາດປະຕິບັດ​ຕາມ​ພັນທະ​ທາງການ​ເງິນ​ຂອງ​ຕົນ​ໄດ້ນັ້ນ.

ທ່ານ​ນາງຄລິນ​ຕັນ​ຍັງ​ໄດ້​ກ່າວ​ເຊ່ນ​ກັນ​ວ່າ ທ່ານ​ນາງ​ມີ​ຄວາມ​ເຊື່ອໝັ້ນ ວ່າ ລັດຖະສະພາ
​ຈະດໍາ​ເນີນ​ງານ​ຮ່ວມ​ກັນ​ກັບ​ປະທານາທິບໍດີ​ກ່ຽວກັບ​ແຜນການ​ໜຶ່ງ​ເພື່ອ​ປັບປຸງ​ພາບ​ພົດ
​ທາງ​ດ້ານການ​ເງິນ​ໃນ​ລະຍະ​ຍາວໃຫ້​ດີ​ຂຶ້ນ. ບັນດາ​ເຈົ້າ​ໜ້າ​ທີ່​ໄດ້​ເປີດ​ເຜີຍ​ຄໍາຖະ​ແຫລ​ງ
ດັ່ງກ່າວຂອງ​ທ່ານ​ນາງຄລິນ​ຕັນ​ ​ກ່ອນ​ໜ້າທ່ານ​ນາງ​ຈະ​ກ່າວ​ປາ​ໄສ​ຕໍ່​ບັນດາ​ຜູ້​ນໍາ​ທຸລະ​ກິດ ​
ໃນ​ຮອງ​ກົງ.

ຫລັງ​ຈາກ​ກ່າວ​ຄໍາ​ປາ​ໄສ​ແລ້ວ ທ່ານ​ນາງຄລິນ​ຕັນ​ໄດ້​ເດີນທາງ​ໄປ​ຍັງ ເມຶ​ອງ Shenzhen
ຂອງຈີນ ທີ່ຢູ່​ຕິດກັບ​ຮອງ​ກົງນັ້ນ ​ເພື່ອ​ພົບ​ປະ​ກັບ​ທ່ານ Dai BingGuo ທື່ປຶກສາ​ລັດຖະ
ບານຈີນ.ຄາດ​ກັນ​ວ່າ ການ​ພົບ​ປະຫາລື​ກັນ​ນີ້ຈະ​ເວົ້າເຖິງເລື້ອງ​ຄວາມ​ເປັນ​ໄປ​ໄດ້ກ່ຽວ​ກັບ
ການ​ໄຂ​ກອງປະຊຸມ​ເຈລະຈາ 6 ຝ່າຍ​ຄືນ​ ກ່ຽວ​ກັບ​ເລື້ອງ​ອະນາຄົດ​ຂອງໂຄງການ​ນີວ​ຄະ
ເລຍ​ຂອງ​ເກົາຫລີ​ເໜືອ ຕະຫຼອດທັງ​ການ​ຕໍ່ສູ້​ກັນ​ໃນ​ກຸງ​ວໍ​ຊິງ​ຕັນ ​ກ່ຽວ​ກັບ​ວ່າ​ຈະ​ອະນຸຍາດ
​ໃຫ້​ສະຫະລັດ​ກູ້​ຢືມ​ເງິນ​ໄດ້ຕື່ມ​ອີກ​ຫຼື​ບໍ​ນັ້ນ.

XS
SM
MD
LG