ລິ້ງ ສຳຫລັບເຂົ້າຫາ

ວັນພະຫັດ, ໒໕ ກໍລະກົດ ໒໐໒໔

ສະ​ຫະ​ລັດ ແລະ ຈີນ ປະກາດເປົ້າໝາຍ ຕັດການປ່ອຍ ແກັສເຮືອນແກ້ວ


ປ. ບາຣັກ ໂອບາມາ ແຫ່ງສະຫະລັດ (ຊ້າຍ) ຈັບມື ກັບປະທານ ປະເທດຈີນ ທ່ານ ສີ ຈິ້ນຜິງ ໃນລະຫວ່າງກອງປະຊຸມນັກຂ່າວ ທີ່ຫໍສາລາປະຊາຊົນ ທີ່ນະຄອນຫຼວງປັກກິ່ງ ວັນທີ 12 ພະຈິກ 2014.
ປ. ບາຣັກ ໂອບາມາ ແຫ່ງສະຫະລັດ (ຊ້າຍ) ຈັບມື ກັບປະທານ ປະເທດຈີນ ທ່ານ ສີ ຈິ້ນຜິງ ໃນລະຫວ່າງກອງປະຊຸມນັກຂ່າວ ທີ່ຫໍສາລາປະຊາຊົນ ທີ່ນະຄອນຫຼວງປັກກິ່ງ ວັນທີ 12 ພະຈິກ 2014.

ສະຫະລັດແລະ​ຈີນໄດ້​ປະກາດ​ໃຫ້​ຮູ້​ແຜນການ​ໃໝ່ໆເພື່ອລົດ
​ຜ່ອນ​ການ​ສົ່ງ​ແກັສ​ເຮືອນ​ແກ້ວ​ຂຶ້ນ​ສູ່​ບັນຍາກາດ ຊຶ່ງ​ເປັນ​ຈຸດ​
ສຳຄັນ​ໃນ​ການ​ພົບ​ປະ​ຂັ້ນ​ສຸດ​ຍອດລະຫວ່າງ​ຄະນະ​ນຳພາ​ຂັ້ນ
​ສູງ​ສຸດ​ຂອງ​ສອງ​ປະ​ເທດ.

ຄຳ​ປະກາດ​ໃນ​ວັນ​ພຸດ​ມື້ນີ້ ​ໂດຍສອງ​ປະ​ເທດ ​ທີ່​ສົ່ງ​ແກັສ car
bon dioxide ຂຶ້ນສູ່ບັນຍາກາດຫຼາຍທີ່​ສຸດ​ຂອງ​ໂລກ ສາມາດ
​ເປັນ​ບົດ​ບາດ​ສຳຄັນ​ໄດ້ ​ໃນຄວາມ​ພະຍາມ​ຕ່າງໆ​ຂອງ​ໂລກ
​ເພື່ອ​ຕໍ່ສູ້​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ນັ້ນ.

ປະທານາທິບໍດີ ​ບາຣັກ ​ໂອ​ບາ​ມາ ກ່າວ​ວ່າ ສະຫະລັດ​ໄດ້​ຕົກ
ລົງ​ທີ່​ຈະ​ຕັດ​ການ​ສົ່ງ​ແກັ​ສພິດ​ທີ່​ວ່າ​ນີ້ລົງ 26 ຫາ 28 ​ເປີ​ເຊັນ​ພາຍ​ໃນ​ປີ 2025 ຊຶ່ງເປັນ​ຈຳນວນ​ສອງ​ເທົ່າ​ ຂອງ​ຄວາມ​ພະຍາຍາມ​ ໃນການ​ລົດ​ຜ່ອນອາກາດເປິ​ເປື້ອນລົງ​ໃນ​ປັດຈຸບັນ.

ປະທານ​ປະ​ເທດ​ຈີນ ທ່ານ Xi Jinping ກ່າວ​ວ່າ ການ​ສົ່ງ​ແກັສ carbon dioxide ຈະ
​ເພີ້​ມຂຶ້ນ​ສູ່ລະດັບ​ສູງ​ສຸດ​ໃນ​ຈີນ ພາຍ​ໃນ​ປະມານ​ປີ 2030 ​ແລະ​ເປັນ​ເທື່ອ​ທຳ​ອິດ​ທີ່​ຈີນ
ຊຶ່ງ​ເປັນ​ປະ​ເທດ​ທີ່​ສົ່ງແກັ​ສພິດ​ລະດັບ​ສູງ​ສຸດ​ຂອງ​ໂລກ ທີ່​ໄດ້​ໃຫ້​ຄຳ​ໝັ້ນ​ໝາຍ​ທີ່​ຈະ​ລົດ​
ຜ່ອນການ​ສົ່ງ​ແກັ​ສພິດ​ຂອງ​ຕົນ​ລົງ​ ພາຍໃນກຳນົດເວລາດັ່ງກ່າວ.

ທ່ານ John Kerry ລັດຖະມົນຕີ​ການ​ຕ່າງປະ​ເທດ​ສະຫະລັດ ກ່າວ​ຢູ່ໃນ​ບົດຄວາມ​ເຫັນ​ຂອງ​ໜັງສືພິມ New York Times ວ່າ ຄຳ​ປະ ກາດ​ນີ້ ຈະ​ສົ່ງ “​ແຮງ​ກະ​ຕຸ້ນ” ​ໃສ່​ການ​
ໂອ້​ລົມສົນທະນາ​ກັນ​ຂອງ​ໂລກ​ວ່າ​ດ້ວຍ​ການ​ປ່ຽນ​ແປງ​ຂອງ​ດິນ​ຟ້າ​ອາກາດຊຶ່ງຈະ​ໄຂຂຶ້ນ
​ຄືນ​ໃນ​ເດືອນ​ໜ້າ ທີ່​ປະ​ເທດ Peru ​ແລະກອງ​ປະຊຸມ​ສຸດ​ຍອດ ທີ່​ຝຣັ່ງ ໃນປີຈະມານີ້.

​ໃນ​ການ​ກ່າວ​ຕໍ່​ກອງ​ປະຊຸມ​ນັກ​ຂ່າວ ທ່ານ​ໂອ​ບາ​ມາ ​ເອີ້ນ​ຂໍ້​ຕົກລົງ​ນີ້ວ່າ “ເປັນ​ເຫດການ​ທີ່​ສຳຄັນ​ທີ່​ສຸດ ​ໃນ​ສາຍ​ພົວພັນ​ລະຫວ່າງ​ສະຫະລັດແລະຈີນ” ​ໂດຍ​ກ່າວ​ວ່າ ມັນສະ​ແດງ​ໃຫ້​ເຫັນອັນວ່າ ມັນ​ເປັນ​ໄປ​ໄດ້ ​ເວລາ​ສອງ​ປະ​ເທດ​ດຳ​ເນີນງານ​ຮ່ວມ​ກັນ.

ທ່ານ​ໂອ​ບາ​ມາຍັງ​ໄດ້​ກ່າວ​ຍ້ອງຍໍ​ເຊັ່ນ​ກັນ ​ໃນ​ອັນ​ທີ​ທ່ານ​ກ່າວ​ວ່າ ເປັນຄວາມເຕັມ​ໃຈ​ຂອງ​ຄະນະ​ນຳພາ​ຈີນ​ທີ່ຈະໂອ້​ລົມສົນທະນາ​ກັນ​ໃນ​ເລື້ອງ​ຕ່າງໆ ທີ່​ໄດ້​ສ້າງ​ຄວາມ​ເຄັ່ງ​ຕຶງ​ຂຶ້ນ​ລະຫວ່າງສອງ​ປະ​ເທດ​ທີ່​ມີ​ເສດຖະກິດ​ໃຫຍ່​ທີ່​ສຸດ​ຂອງ​ໂລກ.

ຜູ້ນຳ​ສະຫະລັດ ກ່າວ​ວ່າ ການ​ໂອ້​ລົມ​ສົນທະນາ​ກັນ​ຂອງ​ທ່ານ​ກັບ​ທ່ານ Xi ​ໄດ້​ອຳນວຍ​ໂອກາດ​ໃຫ້ຈີນກຳຈັດປັດເປົ່າຄວາມ​ລະ​ແວງ​ສົງ​ໄສ​ ທີ່​ວ່າການ​ເພ່ງ​ເລັງ​ໃໝ່ໄປຍັງເຂດ​ເອ​ເຊຍຂອງ​ທຳນຽບຂາວ ແມ່ນ​ມີ​ວັດຖຸ​ປະສົງ​ເພື່ອຄວບ​ຄຸມ​ຈີນນັ້ນ ແມ່ນບໍ່ຖືກຕ້ອງ .

uschina12november14
please wait
Embed

No media source currently available

0:00 0:02:06 0:00

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG