ທ່ານ ຊີ ຈິ້ນຜິງ ຮອງປະທານປະເທດຈີນໄດ້ຊະນະຈິດໃຈພວກຊາວອາເມຣິກັນສາມັນຊົນ
ໃນລະຫວ່າງການຢ້ຽມຢາມປະຊາຄົມກະເສດຕະກອນ ໃນລັດໄອໂອວາ ທາງພາກຕາເວັນ
ຕົກຕອນກາງຂອງສະຫະລັດ ເມື່ອວັນພຸດວານນີ້ ຊຶ່ງເປັນເວລາ 27 ປີ ຫລັງຈາກທ່ານໄດ້
ຢ້ຽມຢາມລັດດັ່ງກ່າວໃນຖານະເຈົ້າໜ້າທີ່ລະດັບກາງຂອງຈີນ.
ບຸລຸດຜູ້ທີ່ເຊື່ອກັນວ່າຈະໄດ້ເປັນປະທານປະເທດຄົນຕໍ່ໄປຂອງຈີນ ໃຊ້ເວລານຶ່ງຊົ່ວໂມງດື່ມ
ນໍ້າຊາ ກັບພວກຊາວເມືອງ Muscatine ແລະຫລາຍໆຄົນເວົ້າວ່າ ທ່ານຍັງຈື່ໜ້າຈໍາຕາ
ຫລາຍຄົນໄດ້ ແລະເວົ້າເຖິງພິທີການຕ່າງໆ ຈາກການຢ້ຽມຢາມຄັ້ງກ່ອນຂອງທ່ານ ໃນປີ
1985 ນັ້ນ.
ນຶ່ງໃນຫລາຍໆຄົນ ທີ່ໄດ້ພົບປະກັບທ່ານ ຊີ ກໍຄືທ່ານ Tom Hoopes ຄົນໃນທ້ອງຖິ່ນ
ທີ່ທ່ານ ຊີ ໄດ້ຢ້ຽມຢາມຟາມຂອງລາວ ໃນລະຫວ່າງການເດີນທາງມາສະຫະລັດຄັ້ງກ່ອນ
ເພື່ອສຶກສາພາກປະຕິບັດການກະເສດຂອງສະຫະລັດ.
ຊຶ່ງທ່ານທອມກ່າວໃນຕອນນຶ່ງວ່າ ຂ້າພະເຈົ້າບໍ່ເຄີຍຢູ່ໃກ້ ບຸກຄົນໃດທີ່ຄືທ່ານ ຊີ ມາກ່ອນ
ແລະໃນທັດສະນະຂອງຄວາມຈິງແລ້ວນັ້ນ ມັນເປັນສະຖານະການແບບໃຊ້ສອງພາສາທ່ານ
ຊີ ມີຄວາມຊື່ສັດຈິງໃຈ ອັນເປັນສິ່ງປະທັບໃຈທໍາອິດຂອງຂ້າພະເຈົ້າທີ່ເຄີຍໄດ້ຟັງເພີ່ນເວົ້າ.
ທ່ານ ຊີ ຊຶ່ງຈະສິ້ນສຸດການຢ້ຽມຢາມສະຫະລັດຂອງທ່ານ ດ້ວຍການໄປແວ່ຢາມນະຄອນ
Los Angeles ລັດຄາລິຟໍເນຍ ໃນວັນພະຫັດມື້ນີ້ ໄດ້ເນັ້ນຍໍ້າຄວາມສົນໃຈໃນການພົບ
ປະກັນແບບສອງຕໍ່ສອງ ໃນລະຫວ່າງງານລ້ຽງອາຫານຄໍ່າໃນຕອນແລງຂອງວັນພຸດວານນີ້
ທີ່ເມືອງ Des Moines ເມືອງຫຼວງຂອງລັດໄອໂອວາ.
ຢູ່ທີ່ງານລ້ຽງອາຫານຄໍ່າຊຶ່ງເປັນເຈົ້າພາບໂດຍຜູ້ປົກຄອງລັດໄອໂອວາທ່ານ Terry Brand-
stad ທ່ານ ຊີເວົ້າວ່າ ທ່ານມາສະຫະລັດໃນຄັ້ງນີ້ກໍເພື່ອຊຸກຍູ້ຄວາມສໍາພັນແຫ່ງການຮ່ວມ
ມືໃຫ້ກ້າວໄກໄປໜ້າ.
ໃນການເຄື່ອນໄຫວອີກດ້ານນຶ່ງນັ້ນ ຊຶ່ງມີທ່າທາງວ່າຈະໄດ້ຮັບຄວາມນິຍົມ ໃນໝູ່ຊາວກະສິ
ກອນອາເມຣິກັນນັ້ນ ພວກເຈົ້າໜ້າທີ່ໆເດີນທາງໄປກັບທ່ານ ຊີ ໄດ້ປະກາດແຜນການທີ່ຈະ
ຊື້ໝາກຖົ່ວເຫຼືອງ ຂອງສະຫະລັດ ໃນມູນຄ່າ 4 ພັນ 300 ລ້ານໂດລາ. ການຊື້ໝາກຖົ່ວ
ເຫຼືອງໜັກ 12 ລ້ານໂຕນດັ່ງກ່າວ ແມ່ນເປັນການຕົກລົງຊື້ຂາຍຄັ້ງໃຫຍ່ທີ່ສຸດຂອງຈີນເທົ່າທີ່
ເຄີຍມີມາ.
ເບິ່ງວີດີໂອ ໂທລະພາບຂອງທາງການຈີນ CCTV ຂະຫຍາຍການປະຕິບັດງານ
