ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ້າວ Dylan Roof ​ຮ້ອງຮຽນຕໍ່ສານວ່າ ລາວບໍ່ມີຄວາມຜິດ


ທ້າວ Dylan Roof (ຂວາ) ໄປປາກົດໂຕ ຢູ່ທີ່ສານ ກັບທະນາຍຄວາມຂອງລາວ.
ທ້າວ Dylan Roof (ຂວາ) ໄປປາກົດໂຕ ຢູ່ທີ່ສານ ກັບທະນາຍຄວາມຂອງລາວ.

ຜູ້​ຊາຍທີ່​ຖືກ​ກ່າວ​ຫາ​ວ່າ ​ຍິງ​ຊາວ​ອາ​ເມຣິກັນເຊື້ອສາຍອາ​ຟຣິ
ກາ​ທີ່ໄປ​ໂບດຕາຍ​ເກົ້າ​ຄົນ ຢູ່ເມືອງ Charlston ລັດ South
Carolina ໄດ້ຮ້ອງຮຽນຕໍ່ສານວ່າ ລາວ​ບໍ່​ຄວາມຜິ​ດ ໃນຂໍ້​ຫາ​
33 ກະໂທງຂອງລັດຖະບານ​ກາງ.

ທ້າວ Dylan Roof ​ໄດ້​ຮ້ອງຮຽນຕໍ່ສານໃນ​ວັນ​ສຸກ​ວານ​ນີ້ໃນ
​ລະຫວ່າງການໄປປາກົດໂຕ ເປັນເວລາ​ສັ້ນໆ​ ທີ່ສານລັດຖະ
ບານ​ກາງ ​ຢູ່ໃນ​ເມືອງ Charleston ​ໃນ​ຂະນະ​ທີ່ ທະນາຍ
ຄວາມ​ຂອງ​ລາວ ກ່າວ​ວ່າ ທ້າວ Roof ຕ້ອງການທີ່ຈະຍອມ
ຮັບຜິດຕໍ່ສານ.

ທະນາຍຄວາມ David Bruck ກ່າວ​ວ່າ ທ່ານບໍ່​ສາມາດ​ແນະນຳໃຫ້ລູກ​ຄວາມ​ຂອງ​ທ່ານ ຍອມຮັບ​ຄວາມ​ຜິດຈົນ​ກວ່າວ່າ ບັນດາ​ໄອ​ຍະ​ການກ່າວ​ວ່າ ​ເຂົາ​ເຈົ້າ​ຈະ​ຊອກ​ຫາຊ່ອງທາງ
ໃຫ້ມີ​ການລົງ​ໂທດ​ປະຫານ​ຊີວິດລາວຫຼືບໍ່. ທ້າວ Roof ຍັງສາມາດ​ທີ່​ຈະ​ປ່ຽນການຮ້ອງ

ຮຽນຂອງຜູ້ກ່ຽວໄດ້ຕາມພາຍຫລັງຖ້າ​ຫາກ​ລາວ​ໄດ້ຕັດສິນໃຈແລ້ວ.

ທ້າວ Roof ປະ​ເຊີນ​ໜ້າການ​ກ່າວ​ຫາຈາກ ລັດຖະບານ​ກາງ ຮວມທັງ​ການ​ກະທຳ​ຜິດ​ກ່ຽວກັບຄວາມ​ກຽດ​ຊັງທາງດ້ານເຊື້ອຊາດຜິວພັນ ​ແລະ​ກີດ​ກັ້ນ​ຕໍ່ການ​ປະຕິບັດສາສະ
ໜາ. ລາວຍັງ​ປະ​ເຊີນ​ໜ້າ​ກັບຂໍ້ຫາຄາດ​ຕະກຳ ​ແລະຂໍ້ຫາພະຍາ ຍາມ​ຄາດ​ຕະກຳ ຫລາຍໆກະໂທງ ​ຢູ່​ໃນ​ລັດ South Carolina.

ທັງບັນດາ​ໄອ​ຍະ​ການລັດຖະບານ​ກາງຫລືໄອຍະການທ້ອງຖິ່ນ ຍັງ​ບໍ່​ທັນໄດ້​ຕັດ ສິນໃຈ​ເທື່ອວ່າ ​ເຂົາ​ເຈົ້າ​ຈະ​ຊອກ​ຫາ​ຊ່ອງທາງເພື່ອໃຫ້ມີການລົງ​ໂທດປະຫານ​ຊີວິດຫຼືບໍ່ ຖ້າ
​ຫາກ​ວ່າ ທ້າວ Roof ພົບເຫັນວ່າມີ​ຄວາມ​ຜິດ.

ນອກນັ້ນ ຢູ່​ໃນ​ການ​ຮັບ​ຟັງ​ຄຳໃຫ້ການໃນ​ວັນ​ສຸກວານນີ້ ບັນດາ​ຄອບຄົວຜູ້​ເຄາະ​ຮ້າຍ
​ຈຳນວນ​ນຶ່ງ ​ກໍໄດ້ໃຫ້ການ​ຕໍ່​ສານ.

ທ້າວ Roof ນັ່ງ​ມິດ​ງຽບ​ຢູ່ໃນ​ຫ້ອງ​ສານ ກ່າວ​ແຕ່ພຽງວ່າ​ “​ແມ່ນ” ຫລາຍເທື່ອ ​ໃນ​ການ​
ຕອບ​ຄຳ​ຖາມຂອງ​ຜູ້​ພິພາກສາ.

ທ້າວ Roof ອາຍຸ 21 ປີ ທີ່​ເປັນ​ຄົນ​ຂາວ ​ໄດ້​ຖື​ກຟ້ອງ ໃນຂໍ້ຫາກະທຳຄວາມ​ຜິດກ່ຽວກັບ
ຄວາມກຽດ​ຊັງທາງດ້ານເຊື້ອຊາດຜິວພັນ ຂອງລັດຖະບານ​ກາງ ​ໃນ​ອາທິດ​ແລ້ວ​ນີ້ ປະ
ມານ​ເດືອນ​ນຶ່ງ​ ຫຼັງ​ຈາກ​ການ​ຍິງສັງຫານ ຢູ່​ທີ່​ໂບດ Emanuael ຂອງສາສະໜາ Metho-
dist Espicopal ຂອງຊາວອາຟຣິກາ​ໃນ​ເມືອງ Charleston.

US Charston Shooting
please wait
Embed

No media source currently available

0:00 0:00:42 0:00

XS
SM
MD
LG