ລິ້ງ ສຳຫລັບເຂົ້າຫາ

ວັນພະຫັດ, 11 ສິງຫາ 2022

ສະຫະລັດ ຕັ້ງຂໍ້ຫາ ຕໍ່ພົນລະເມືອງຈີນ 2 ຄົນ ໃນຖານໂຈມຕີເຈາະຂໍ້ມູນ ໃນທົ່ວໂລກ


ຕຶກສຳນັກງານໃຫຍ່ ກະຊວງຍຸຕິທຳສະຫະລັດ ແມ່ນເຫັນໄດ້ ຢູ່ໃນນະຄອນຫຼວງ ວໍຊິງຕັນ, ວັນທີ 13 ກໍລະກົດ 2018.

ຊາວຈີນສອງຄົນໄດ້ຖືກຂໍ້ຫາ ຖານລັກເຈາະຂໍ້ມູນອົງການຈັດຕັ້ງຫຼາຍຮ້ອຍແຫ່ງໃນທົ່ວໂລກ ລວມທັງບັນດາບໍລິສັດເທັກໂນໂລຈີດ້ານຊີວະພາບທີ່ກຳລັງພັດທະ ນາຢາປ້ອງກັນພະຍາດ COVID-19 ຫຼືວັກຊີນ ແລະການຮັກສາປິ່ນປົວຕ່າງໆ ໃນຂະນະທີ່ເຮັດວຽກໃຫ້ກັບກົມຮັກສາຄວາມສະຫງົບຂອງຈີນ.

ທ້າວລີ ສຽວຢູ ອາຍຸ 34 ປີ ແລະທ້າວດົງ ຈາຍຊີ ອາຍຸ 33 ປີ ໄດ້ຖືກຂໍ້ຫາ 11 ກະທົງ ແບບເປີດເຜີຍຢູ່ທີ່ສານຂັ້ນຕົ້ນທາງພາກຕາເວັນອອກຂອງລັດວໍຊິງຕັນ ໃນວັນອັງຄານວານນີ້ ຊຶ່ງເປັນຂີດໝາຍຄັ້ງທຳອິດ ທີ່ບັນດາໄອຍະການສະ ຫະລັດ ໄດ້ກ່າວຟ້ອງພວກລັກເຈາະຂໍ້ມູນຫຼືແຮັກເກີ້ຊາວຈີນ ໃນສິ່ງທີ່ພວກເພິ່ນເອີ້ນວ່າ “ໄພຂົ່ມຂູ່ດ້ານໂປແກຣມຫຼາຍຮູບແບບ ຫຼື blended threat” ຂອງການທຳງາານ ໃຫ້ແກ່ລັດຖະບານຈີນ ໃນຂະນະດຽວກັນຍັງແນເປົ້າໝາຍໃສ່ພວກຜູ້ເຄາະຮ້າຍ ເພື່ອຜົນປະໂຫຍດສ່ວນຕົວນຳດ້ວຍ.

ທ່ານຈອນ ເດມເມີສ໌ ຫົວໜ້າພະແນກຄວາມໝັ້ນຄົງແຫ່ງຊາດຂອງກະຊວງຍຸຕິທຳ ໄດ້ກ່າວຫາຈີນກ່ຽວກັບການສະໜັບສະໜຸນອາຊະຍາກຳດ້ານອິນເຕີເນັດ.

“ຈີນ ບັດນີ້ໄດ້ເຂົ້າໃນຖານະຂອງຕົນແລ້ວ ຄຽງຂ້າງກັບຣັດເຊຍ ອີຣ່ານ ແລະເກົາຫຼີເໜືອ ໃນນັ້ນເປັນສະໂມສອນບັນດາປະເທດອັບອາຍຂາຍໜ້າ ທີ່ສະໜອງບ່ອນຫລົບໄພໃຫ້ແກ່ພວກອາຊະຍາກອນທາງໄຊເບີ ໃນການແລກປ່ຽນກັບການຖືກ “ເອີ້ນມາ” ເຮັດວຽກຍາມໃດກໍໄດ້ ເພື່ອປະໂຫຍດຂອງປະເທດ ຢູ່ທີ່ນີ້ ເພື່ອປ້ອນຄວາມຫີວໂຫຍທີ່ບໍ່ມີເມືອງພໍສຳລັບຊັບສິນທາງດ້ານສະຕິປັນຍາ ທີ່ໄດ້ມາດ້ວຍຄວາມຍາກລຳບາກຂອງບໍລິສັດຈາກອາເມຣິກາ ແລະບໍລິສັດທີ່ບໍ່ແມ່ນຈີນທັງຫຼາຍ ໃຫ້ແກ່ພັກຄອມມິວນິສຂອງຈີນ ລວມທັງ ການຄົ້ນຄວ້າພະຍາດ COVID-19” ນັ້ນແມ່ນຄໍາເວົ້າຂອງທ່ານເດມເມີສ໌ ທີ່ໄດ້ກ່າວໄປຢູ່ທີ່ກອງປະຊຸມຖະແຫລງຂ່າວ.

ທ້າວລີ ແລະທ້າວດົງ ເປັນອະດີດເພື່ອນນັກສຶກສາຢູ່ທີ່ໂຮງຮຽນວິສະວະກຳໄຟ ຟ້າໃນຈີນ ໄດ້ປະຕິບັດໃນສອງບົດບາດ ຄຽງຄູ່ກັນໄປ ໃນລະຫວ່າງການໂຈມຕີລັກເຈາະຂໍ້ມູນ ອີງຕາມຄຳຟ້ອງຮ້ອງ 27 ໜ້ານັ້ນ. ໃນຂະນະດຽວກັນນັ້ນ ທ້າວດົງ ໄດ້ສຶກສາຄົ້ນຄວ້າເບິ່ງພວກຜູ້ເຄາະຮ້າຍ ແລະໄດ້ດຳເນີນການສອດແນມເກັບກຳຂໍ້ມູນ ສ່ວນທ້າວລີ ໄດ້ລັກເຈາະເຂົ້າເຄືອຂ່າຍຕ່າງໆ ແລະໄດ້ຂະໂມຍເອົາຂໍ້ມູນ ອີງຕາມຄຳຟ້ອງຮ້ອງທີ່ໄດ້ກ່າວໄປນັ້ນ.

ອ່ານຂ່າວນີ້ຕື່ມ ເປັນພາສາອັງກິດ

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ລາຍການກະຈາຍສຽງຂອງວີໂອເອ ລາວ
please wait

No live streaming currently available

0:00 0:00 Live

ທ່ານອາດຈະມັກເລື້ອງນີ້ຄືກັນ

XS
SM
MD
LG