ວັນອາທິດມື້ນີ້ ແມ່ນວັນພໍ່ໃນສະຫະລັດ, ເຊິ່ງເປັນໂອກາດລະນຶກ ເຖິງ ແລະ ສະເຫຼີມສະຫຼອງການປະກອບສ່ວນຂອງບັນດາພໍ່ທັງ ຫລາຍ. ວັນພັກທີ່ບໍ່ເປັນທາງການນີ້ ໄດ້ມີການສະເຫຼີມສະຫຼອງກັນທຸກໆປີໃນວັນອາທິດທີສາມ ຂອງເດືອນມິຖຸນາ, ເຊິ່ງປີນີ້ແມ່ນຕົກໃນມື້ທຳອິດຂອງລະດູຮ້ອນພໍດີ ຢູ່ໃນຊີກໂລກຕອນເໜືອ.
ປົກກະຕິແລ້ວ ຄອບຄົວທັງຫຼາຍ ຈະສະເຫຼີມສະຫຼອງວັນພໍ່ດ້ວຍ ການພາພໍ່ຂອງພວກເຂົາອອກໄປກິນເຂົ້າຄ່ຳ ແລະ ມອບຂອງຂວັນ ໃຫ້ເຊິ່ງຂອງຂວັນທີ່ບັນດາພໍ່ໄດ້ຮັບຫຼາຍທີ່ສຸດນັ້ນ ກໍແມ່ນກະຣາວັດ ຫຼືເນັກໄທ ຈົນພາໃຫ້ຄຳເວົ້າຕະຫຼົກວ່າ ພໍ່ໄດ້ກະຣາວັດຫລາຍເກີນໄປແລ້ວ. ນັກເສດຖະສາດກ່າວວ່າ ຊາວອາເມຣິກັນ ໃຊ້ຈ່າຍເງິນຫຼາຍກວ່າ 1 ຕື້ໂດລາ ໃນການຊື້ຂອງຂວັນວັນພໍ່ແຕ່ລະປີ.
ຕົ້ນຕໍຂອງວັນພໍ່ແມ່ນເລີ່ມຂຶ້ນໃນວັນທີ 5 ເດືອນກໍລະກົດ 1908 ເມື່ອໂບດແຫ່ງໜຶ່ງ ຢູ່ລັດ West Virginia ໄດ້ຈັດພິທີລະນຶກ ເຖິງຜູ້ຊາຍ 362 ຄົນທີ່ໄດ້ເສຍຊີວິດຈາກເຫດການລະເບີດໃນເໝືອງ ຖ່ານຫີນ ເມື່ອໜຶ່ງປີກ່ອນ.
