ລິ້ງ ສຳຫລັບເຂົ້າຫາ

ສຫລ ຊອກຫາ ພວກສົ່ງລະເບີດ

  • ໄພສານ ວໍຣະຈັກ

ຮູບຂອງໂທລະພາບ CBS ທີ່ສະແດງໃຫ້ເຫັນ ກ່ອງບັນຈຸນໍ້າໝຶກ ເຄື່ອງພິມຄອມພິວເຕີ້ ພ້ອມກັບສາຍ ແລະ ຝຸ່ນລະເບີດທີ່ພົບເຫັນໃນຫໍ່ ເທິງເຮືອບິນທີ່ຖືກກວດຄົ້ນ ຢູ່ສະໜາມບິນ East Midlands ທາງທິດເໜືອ ກຸງລອນດອນ (29 ຕຸລາ 2010)

ສະຫະລັດ ເຢເມນ ແລະອັງກິດ ພວມຊອກຄົ້ນຫາຜູ້ຕ້ອງ
ສົງໄສເປັນພວກກໍ່ການຮ້າຍ ທີ່ພະຍາຍາມສົ່ງຫໍ່ທີ່ບັນຈຸດິນ
ລະເບີດ 2 ຫໍ່ຈາກເຢເມນມາຍັງສະຖານທີ່ທຳພິທີທາງສາ
ສະໜາກິດຂອງຊາວຢິວ ທີ່ນະຄອນ Chicago ໃນພາກ
ກາງຂອງສະຫະລັດ.

ໃນມື້ວານນີ້ ປະທານາທິບໍດີສະຫະລັດ ທ່ານບາຣັກ ໂອ
ບາມາເອີ້ນຫໍ່ດິນລະເບີດ ທີ່ຖືກຈັບໄດ້ນີ້ວ່າ ເປັນໄພຂົ່ມຂູ່
ຂອງພວກກໍ່ການຮ້າຍທີ່ໜ້າເຊື່ອຖື.

ປະທານາທິບໍດີສະຫະລັດເວົ້າວ່າ ຫໍ່ດັ່ງກ່າວນີ້ມີຕົ້ນຕໍມາ
ແຕ່ເຢເມນ ແຕ່ບໍ່ໄດ້ເວົ້າເຖິງການພົວພັນຂອງສາຂາກຸ່ມກໍ່
ການຮ້າຍອາລກາຍດາໃນເຢເມນທີ່ໄດ້ກ່າວມາເປັນເວລາ ດົນນານແລ້ວວ່າ ຕົນຢາກໂຈມຕີສະຫະລັດນັ້ນ.

ເຈົ້າໜ້າທີ່ເວົ້າວ່າ ການກວດສອບໃນຂັ້ນຕົ້ນແນະໃຫ້ເຫັນວ່າ
ຢ່າງນ້ອຍນຶ່ງຫໍ່ໃນຈຳນວນນີ້ ບັນຈຸດິນລະເບີດ ທີ່ໃຊ້ໃນການ
ວາງແຜນໂຈມຕີແຕ່ບໍ່ສຳເລັດຜົນຂອງເຄືອຂ່າຍອາລກາຍດາ ຕໍ່ເຮືອບິນຂອງສະຫະລັດ ໃນປີກາຍ.

ປະທານາທິບໍດີເຢເມນທ່ານ Ali Abdullah Saleh ໄດ້ໃຫ້ຄຳໝັ້ນສັນຍາ ທີ່ຈະໃຫ້ຄວາມ
ຮ່ວມມືຢ່າງເຕັມທີ່ ໃນການສືບສວນກ່ຽວກັບເລື່ອງນີ້.

ຫໍ່ເຫຼົ່ານີ້ໄດ້ຖືກພົບເຫັນຢູ່ໃນເຮືອບິນທີ່ປະເທດອັງກິດແລະດູໄບ ໃນມື້ວັນສຸກວານນີ້ ຊຶ່ງ
ພາໃຫ້ມີການເພີ່ມການຮັກສາຄວາມປອດໄພແລະຊອກຄົ້ນຫາເຮືອບິນຂົນສົ່ງ ຢູ່ຕາມສະ
ໜາມບິນແຫ່ງຕ່າງໆໃນສະຫະລັດ.

ເຈົ້າໜ້າທີ່ສະຫະລັດກ່າວວ່າ ຫໍ່ທັງ 2 ໄດ້ຖືກຄົ້ນພົບຫຼັງ ຈາກເຈົ້າໜ້າທີ່ສືບລັບຂອງຊາອຸ
ດີອາຣາເບຍແຈ້ງຂໍ້ມູນທີ່ພົວພັນກັບການວາງແຜນໂຈມຕີດັ່ງກ່າວໃຫ້ແກ່ສະຫະລັດ.

XS
SM
MD
LG