ກະຊວງການຕ່າງປະເທດສະຫະລັດກ່າວວ່າ ຕົນຈະສົ່ງທູດພິເສດໄປຍັງກໍາປູເຈຍແລະຫວຽດນາມເພື່ອທໍາການໂອ້ລົມສົນທະນາກັນເລື້ອງການຮັບເອົາລູກບຸນທໍາທີ່ໄດ້ຢຸດໄປຈາກທັງສອງປະເທດນັ້ນ.
ທີ່ປຶກສາພິເສດວ່າດ້ວຍເລື້ອງເດັກນ້ອຍ ເອກອັກຄະລັດຖະທູດ Susan Jacobs ຈະໄປຢ້ຽມປະເທດທັງສອງເພື່ອທໍາການພົບປະ ໂອ້ລົມ ເປັນເວລາ 1 ສັບປະດາ ເລີ້ມແຕ່ວັນພຸດມື້ອື່ນນີ້ເປັນຕົ້ນໄປ.
ທີ່ກໍາປູເຈຍນັ້ນ ທ່ານນາງຈະທໍາການພົບປະກັບບັນດາເຈົ້າໜ້າທີ່ລັດຖະບານແລະບັນດາກຸ່ມຮັບລູກບຸນທໍາທີ່ບໍ່ພົວພັນກັບລັດຖະບານເພື່ອໂອ້ລົມສົນທະນາກັນກ່ຽວກັບວ່າຈະເຮັດວິທີໃດດີທີ່ສະຫະລັດຈະສາມາດໃຫ້ການສະໜັບສະໜຸນແກ່ຄວາມພະຍາຍາມຂອງກໍາປູເຈຍໄດ້ ໃນການຈັດຕັ້ງປະຕິບັດກົດໝາຍລະຫວ່າງຊາດວ່າດ້ວຍການຮັບເອົາລູກບຸນທໍາລະຫວ່າງປະເທດສະບັບໃໝ່ນັ້ນ.
ທີ່ຫວຽດນາມ ທ່ານນາງ Jacobs ກໍານົດຈະທໍາການໂອ້ລົມສົນທະນາກັນກ່ຽວກັບເປົ້າໝາຍຂອງລັດຖະບານທີ່ຈະກາຍເປັນພາກສ່ວນນຶ່ງຂອງ ກົດໝາຍລະຫວ່າງຊາດວ່າດ້ວຍການຮັບເອົາລູກບຸນທໍານັ້ນ.
ການຮັບເອົາລູກບຸນທໍາຈາກກຳປູເຈຍ ໄດ້ຖືກໂຈະຫຼືຢຸດລົງໃນປີ 2001 ແລະຈາກຫວຽດ
ນາມໃນປີ 2008.