ລິ້ງ ສຳຫລັບເຂົ້າຫາ

ວັນສຸກ, ໑໔ ມິຖຸນາ ໒໐໒໔

ສະຫະລັດ ຮຽກຮ້ອງໃຫ້ທຸກປະເທດ ເອົາມາດຕະການ ທີ່ໜັກແໜ້ນຕໍ່ ເກົາຫຼີເໜືອ


ເອັກອັກຄະລັດຖະທູດອັງກິດ ປະຈຳສະຫະປະຊາຊາດ ທ່ານ Matthew Rycroft, ຊ້າຍ, ກຳລັງຟັງເອກອັກຄະລັດຖະທູດ ສະຫະລັດ ປະຈຳສະຫະປະຊາຊາດ ທ່ານນາງ Nikki Haley.
ເອັກອັກຄະລັດຖະທູດອັງກິດ ປະຈຳສະຫະປະຊາຊາດ ທ່ານ Matthew Rycroft, ຊ້າຍ, ກຳລັງຟັງເອກອັກຄະລັດຖະທູດ ສະຫະລັດ ປະຈຳສະຫະປະຊາຊາດ ທ່ານນາງ Nikki Haley.

ປະທານາທິບໍດີ​ສະຫະລັດ ທ່າ​ນດໍ​ໂນ​ລ ທຣໍາ ​ໃນ​ວັນ​ພະຫັດ​ມື້​ນີ້​ໄດ້​ຮຽກຮ້ອງໃຫ້​ທຸກໆ
​ປະ​ເທດ ຈົ່ງປະ​ເຊີນ​ໜ້າ​ກັບໄພ​ຂົ່ມຂູ່​ທີ່​ວາງ​ໂດຍ​ເກົາຫລີ​ເໜືອ ​ແລະ​ສະ​ແດງອອກ​ມາ
​ໃຫ້​ເຫັນ​ຢ່າງ​ເປີດ​ເຜີຍ​ແກ່​ປະ​ເທດ​ດັ່ງກ່າວວ່າ “ຈະມີ​ຜົນ​ທີ່​ຈະ​ຕິດຕາມ​ມາ​ ມນການ​
ປະພຶດທີ່​ບໍ່​ດີ​ຂອງ​ເຂົາ​ເຈົ້າ.”

​ໃນ​ການ​ຖະ​ແຫລ​ງ​ລະ​ຫວ່າງ​ການ​ຢ້ຽມຢາມ​ໂປ​ແລນນັ້ນ ປະ​ທາ​ນາ​ທິບໍດີ​ ທຣໍາ ກ່າວ
ວ່າ ບໍ່​ແມ່ນ​ໂຕ​ທ່ານ​ເອງ​ທີ່​ຈະ​ຂີດ​ເສັ້ນ​ແດງ ​ຫລື​ເວົ້າ​ກ່ຽວ​ກັບ​ແຜນ​ຂອງທ່ານ ​ແຕ່​ວ່າມີ
“ມີ​ມາດ​ຕະການທີ່​ຮ້າຍ​ແຮງ​ຈຳນວນ​ນຶ່ງ” ທີ່​ທ່ານ​ກຳລັງຄຸ່ນຄິດ​ຢູ່. ທ່ານ​ບໍ່​ໄດ້​ບັນ​ລະ
ອຽດຫຍັງ​ຕື່ມ​ອີກ.

​ໃນ​ວັນ​ພຸດ​ວານ​ນີ້ ​ເອກ​ອັກຄະ​ລັດຖະທູດ ​ສະຫະລັດ ປະຈຳ​ສະຫະ​ປະຊາ​ຊາດ ທ່ານ​
ນາງ Nikki Haley ກ່າວ​ຕໍ່ບັນດາ​ສະມາຊິກ​ສະພາ​ຄວາມ​ໝັ້ນຄົງວ່າ ສະຫະ​ລັດ ​ກຳ
ລັງ​ກະກຽມ ທີ່​ຈະ​ໃຊ້​ວິທີການ​ທາງທະຫານ ​ເພື່ອປ້ອງ​ກັນ​ໄພ​ຂົ່ມຂູ່ ຈາກ​ການ​ຍິງ​ລູກ​
ສອນ​ໄຟ​ຂີ​ປະ​ນາ​ວຸດ​ ຂ້າມ​ທະວີບ ​ໂດຍເກົາຫລີ​ເໜືອ. ​ແຕ່​ທ່ານ​ນາງ​ກ່າວ​ວ່າ ມັນ​ຈະ​
ດີ​ທີ່​ສຸດ​ທີ່​ຈະ​ພະຍາຍາມ​ແກ້​ໄຂ​ວິ​ກິດ​ການ​ຜ່ານ​ທາງ​ການ​ທູດແລະ​ມາດ​ຕະການ​ທາງ
ດ້ານເສດຖະກິດ.

'We Must Do More,' Haley Tells U.N.
please wait

No media source currently available

0:00 0:00:44 0:00

ທ່ານ​ນາງ Haley ກ່າວ​ວ່າ​ ສະຫະລັດ ກຳ​ລັງ​ກະກຽມ​ປ້ອງ​ກັນໂຕ ​ແລະ​ບັນດາ​ພັນ
ທະ​ມິດ. “ນຶ່ງໃນ​ຄວາມ​ສາມາດ​ຂອງ​ພວກ​ເຮົາ ​ແມ່ນ​ກາງ​ຕໍ່​ກຳລັງທະຫານ​ທີ່​ເກັ່ງ​ກ້າ​
ຂອງ​ພວກ​ເຮົາ."
ສະຫະລັດ ​ມີ​ກຳລັງ​ຖະຫານ​ຢູ່​ໃນ​ເກົາຫລີ​ໃຕ້ 28,500 ຄົນ ​ແລະ​
ປະມານ 50,000 ຄົນ​ຢູ່​ໃນ​ຍີ່ປຸ່ນ.

ທ່າ​ນນາງ Haley ກ່າວ​ຕໍ່​ບັນດາສະມາ​ຊິກ​ສະພາ​ຄວາມ​ໝັ້ນຄົງຢູ່​ໃນ​ກອງ​ປະຊຸມ​ສຸ​ກ ​
ເສີນ​ໃນ​ວັນ​ພຸດ​ວານ​ນີ້​ວ່າ “ພວກ​ເຮົາ​ຈະ​ນຳ​ໃຊ້​ເຂົາ​ເຈົ້າ ຖ້າ​ພວກ​ເຮົາ​ຕ້ອງ​ເຮັດ ​ແຕ່​
ພວກ​ເຮົາ​ຢາ​ກຈະກ້າວ​ໄປ​ໃນທິດ​ທາງ​ດັ່ງ​ກ່າ​ວ.”

ຜູ້ນຳເກົາຫລີເໜືອ ທ່ານ Kim Jong Un ມີປະຕິກິລິຍາກັບ ບັນດານັກວິທະຍາສາດ ແລະຜູ້ຊ່ຽວຊານ ຫໍລັງຈາກການທົດລອງຍິງລູກສອນໄຟຂີປະນາວຸດຂ້າມທະວີບ.
ຜູ້ນຳເກົາຫລີເໜືອ ທ່ານ Kim Jong Un ມີປະຕິກິລິຍາກັບ ບັນດານັກວິທະຍາສາດ ແລະຜູ້ຊ່ຽວຊານ ຫໍລັງຈາກການທົດລອງຍິງລູກສອນໄຟຂີປະນາວຸດຂ້າມທະວີບ.

​ເກົາ​ຫລີ​ເໜືອ​ ໄດ້​ຍິງລູກ​ສອນ​ໄຟ​ຂີ​ປະ​ນາ​ວຸດ ICBM ​ເປັນ​ເທື່ອ​ທຳ​ອິດ ທີ່​ໄດ້​ກໍ່​ໃຫ້
ເກີດ​ມີ​ການ​ປະນາມ​ຢ່າງ​ກວ້າງ​ຂວາງ ​ແລະ ​ເກີດ​ວິ​ກິດ​ການທາງ​ດ້ານ​ທູດໃນທັນທີຫລັງ
​ຈາກ​ນັ້ນ. ​ສ່ວນນຶ່ງ​ຂອງ​ອາ​ເມຣິກາ​ເໜືອ ​ເປັນ​ທີ່​ເຊື່ອກັນ​ວ່າ​ຢູ່ໃນ​ໄລລັດ​ສະໝີຂອງ​ລູກ​
ສອນ​ໄຟ ທີ່​ປະກອບ​ດ້ວຍ​ຫລາຍ​ທ່ອນ ທີ່​ພຽງ​ຢາ​ງ​ໄດ້​ຍິງ​ທົດ​ລອງ​ໃນ​ວັນ​ອັງຄານ​ທີ່
​ຜ່ານ​ມາ.

North Korea Missile Test Triggers International Condemnation
please wait

No media source currently available

0:00 0:01:41 0:00

ບັນດາ​ເຈົ້າ​ໜ້າທີ່​ທະຫານ ​ສະຫະລັດ ກ່າວ​ວ່າ ມີ​ຫລາຍ​ເຫດຜົນ​ທີ່​ມີ​ຄວາມ​ເປັນ​ຫ່ວງ​
ກ່ຽວ​ກັບ​ການ​ທຳ​ຂອງ​ ເກົາຫລີ​ເໜືອ ​ແຕ່ການ​ຂົ່ມຂູ່​ໂດຍ​ທົ່ວໄປ​ຕໍ່​ສະຫະລັດ ​ແລະ​ບັນ
ດາ​ປະ​ເທດ​ພັນທະ​ມິດ ໂດຍ​ສະ​ເພາະ ຍີ່ປຸ່ນ ​ແລະເກົາຫລີ​ໃຕ້ນັ້ນ ຍັງ​ຢູ່​ໃນ​ຂອບ
​ເຂດ​ຈຳກັດ.

ທ່ານ​ນາງ Haley ກ່າວ​ວ່າ ສະຫະລັດ ຈະ​ສະ​ເໜີ​ການ​ລົງ​ໂທດ​ສະບັບໃໝ່ ​ຕໍ່ເກົາຫລີ
​ເໜືອ​ ໃນ​ບໍ່​ຊ້າ​ນີ້. ຮ່າງ​ຍັດ​ຕິ​ໃໝ່​ສະບັບ​ນຶ່ງ ​ຈະ​ຖືກ​ແຈກ​ຢາຍ​ໃຫ້​ແກ່ບັນດາ​ສະມາຊິກ
ສະພາ​ຄວາມ​ໝັ້ນຄົງ “​ໃນ​ບໍ່​ເທົ່າ​ໃດ​ມື້​ຂ້າງໜ້າ​ນີ້” ທ່ານ​ນາງ​ໄດ້​ໃຫ້​ຂໍ້​ສັງ​ເກດ​ ໂດຍ
ກ່າວ​ເພີ້​ມຕື່ມວ່າ ມາດ​ຕະການນີ​້ “ຈະ​ເພີ້​ມການຕອບ​ໂຕ້ ຂອງສາກົນ ​ໃນ​ວິທີ​ ທີ່ສົມ
ສ່ວນກັບການ​ເພີ່ມທະວີ ​ຄວາມ​ເຄັ່ງຕຶງ​ ຂອງ​ເກົາຫລີ​ເໜືອ.”

ອ່ານຂ່າວນີ້ເພີ່່ມເປັນພາສາອັງກິດ

North Korean Missile
please wait
Embed

No media source currently available

0:00 0:01:32 0:00

XS
SM
MD
LG