ລິ້ງ ສຳຫລັບເຂົ້າຫາ

ວັນອາທິດ, ໑໔ ເມສາ ໒໐໒໔

ສະຫະລັດ ຮຽກຮ້ອງໃຫ້ ມຽນມາ ຢຸດເຊົາ ການກໍ່ຄວາມຮຸນແຮງ


ຊາວອົບພະຍົບໂຣຮິງຢາ ລ່ຽນແຖວເພື່ອຮັບການຊ່ວຍເຫລືອ ດ້ານມະນຸດສະທໍາ ຢູ່ສູນອົບພະຍົບ Balukhali ໃນປະເທດ Bangladesh ວັນທີ 26 ພະຈິກ 2017.
ຊາວອົບພະຍົບໂຣຮິງຢາ ລ່ຽນແຖວເພື່ອຮັບການຊ່ວຍເຫລືອ ດ້ານມະນຸດສະທໍາ ຢູ່ສູນອົບພະຍົບ Balukhali ໃນປະເທດ Bangladesh ວັນທີ 26 ພະຈິກ 2017.

ສະຫະລັດ​ຮຽກຮ້ອງ​ໃຫ້​ມຽນມາ ຢຸດເຊົາການ​ໃຊ້​ກຳລັງທະຫານແກ້ແຄ້ນຕໍ່ຊາວ​ມຸສລີ​ມ
ໂຣຮິງ​ຢາ ຢູ່​ໃນ​ລັດ Rakhine​.

​ໃນ​ການໂອ້​ລົມທາງໂທລະສັບ ​ກັບຜູ້​ບັນຊາ​ການ​ທະຫານ​ມຽນມາ ນາຍ​ພົນ​ອະວຸ​ໂສ Min
Aung Hlaing ​ໃນ​ວັນ​ພະຫັດ​ວານ​ນີ້ ລັດຖະມົ​ນຕີຕ່າງປະ​ເທດ​ສະ ຫະລັດ ທ່ານ Rex Tillerson ​ໄດ້​ສະ​ແດ​ງຄວາມ​ເປັນ​ຫ່ວງກ່ຽວ​ກັບວິ​ກິດ​ການ​ດ້ານມະ​ສຸດ​ສະ​ທຳທີ່ຍັງດຳ
ເນີນຢູ່ຕໍ່ມາ ​ແລະ​ລາຍ​ງານ​ການກໍ່ໂທດກຳຕ່າງໆ ຢູ່​ໃນ​ລັດ Rakhine.

​ໂຄສົກກະ​ຊວງ​ຕ່າງປະ​ເທດ​ສະຫະລັດ ທ່ານ​ນາງ Heather Nauert ກ່າວ​ຢູ່​ໃນ​ຖະ​
ແຫລ​ງການ​ວ່າ ທ່ານ Tillerson ​ໄດ້​ຮຽກຮ້ອງ​ໃຫ້​ກຳລັງ​ຮັກສາ​ຄວາມ​ປອດ​ໄພ​ມຽນມາ
ຈົ່ງ​ໃຫ້​ການສະໜັບສະໜູນ​ລັດຖະບານເພື່ອ​ຍຸຕິຄວາມຮຸນ​ແຮງ ​ແລະ​ອະນຸຍາດ​ໃຫ້​
ພວກ​ອົບພະຍົບໃນລະຫວ່າງ​ເກີດ​ວິ​ກິດ​ການນັ້ນກັບ​ຄືນ​ບ້ານ​ດ້ວຍ​ຄວາມ​ປອດ​ໄພ ເພື່ອໃຫ້ເປັນການສອດຄ່ອງ ກັບ​ຖະ​ແຫລ​ງການຮ່ວມສະບັບ​ປີ 1992 ກັບ​ບັງ​ກລາ​ແດັສ
​ແລະ​ປາດ​ສະ​ຈາກເງື່ອນໄຂ​ໃດ​ໆທັງສິ້ນ.

ທ່ານ​ນາງ Nauert ກ່າວ​ວ່າ “ທ່ານ Tillerson ຍັງ​ໄດ້​ຮຽກຮ້ອງ​ໃຫ້​ກອງທັບອຳນວຍ
ຄວາມສະດວກ ​ໃນການ​ຊ່ວຍ​ເຫລືອທາງດ້ານ​ມະນຸດສະທຳ​ ​ໃຫ້ແກ່​ພວກທີ່​ໄດ້​ຮັບ​ຜົນ
​ກະທົບ​ຢູ່​ໃນ​ຂົງ​ເຂດ ​ອະນຸຍາດ​ໃຫ້​ສື່​ມວນ​ຊົນ​ເຂົ້າ​ໄປ​ເອົາຂ່າວ ​ແລະຮ່ວ​ມມື​ກັບ​ສະຫະ
​ປະຊາ​ຊາດ “​ເພື່ອ​ໃຫ້ການ​ຄໍ້າປະກັນໃຫ້ມີການສືບສວນຢ່າງ​ລະອຽດຖີ່​ຖ້ວນ ​ເປັນ​ອິດ
ສະຫຼະ ຕໍ່ທຸກການ​ກ່າວ​ຫາກ່ຽວກັບການຝ່າຝືນແລະລ່ວງ ລະເມີດສິດທິມະນຸດ ​ແລະ
ຄໍ້າ​ປະກັນ​ວ່າໃຜເປັນຜູ້​ຮັບຜິດຊອບ.”

ທ່ານ Tillerson ຍັງ​ໄດ້​ປະນາມ​ການ​ໂຈມ​ຕີ່ທີ່​ຮ້າຍ​ແຮງ​ໃນ​ວັນ​ທີ 25 ​ເດືອນ​ສິງຫາທີ່​
ຜ່ານ​ມາ ​ໂດຍ​ພວກ​ຫົວ​ຮຸນ​ແຮງ​ໂຣຮິງ​ຢາ ​ໃສ່​ກຳລັງ​ຮັກສາ​ຄວາ​ມປອດ​ໄພ​ ຢູ່ໃນ​ລັດ
Rakhine ທີ່​ໄດ້​ເຮັດ​ໃຫ້​ເກີດ​ມີການ​ຕອບ​ໂຕ້​ຄືນ​ຢ່າງ​ບໍ່​ມີຢຸດຢ່ອນ.

ໄຟກຳລັງໄໝ້ໝູ່ບ້ານ Gawdu Zara ຢູ່ທາງພາກເໜືອຂອງລັດ Rakhine ປະເທດ Myanmar.
ໄຟກຳລັງໄໝ້ໝູ່ບ້ານ Gawdu Zara ຢູ່ທາງພາກເໜືອຂອງລັດ Rakhine ປະເທດ Myanmar.

ການ​ໃຊ້​ກຳລັງຮັກສາ​ຄວາມ​ປອດ​ໄພ​ຂອງ​ລັດຖະບານໂຈມ​ຕີຊາວ​ມຸສລີ​ມ​ໂຣຮິງ​ຢາ
ໃນອັນ​ທີ່​ສະຫະ​ຫະຊາ​ຊາດ​ຮ້ອງວ່າ​ ເປັນ​ການ​ກວດ​ລ້າງຊົນຊາດຊົນ​ເຜົ່າ​ນັ້ນ​ ​ໄດ້ພາ
ໃຫ້ຊາວອົບພະຍົບໂຣຮິງຢາຫຼາຍກວ່າ 5 ແສນຄົນ ​ຕ້ອງໄດ້ຫລົບໜີເຂົ້າ​ໄປໃນ​ບັງ​
ກລາ​ແດັສ ​ແລະ​ແຫ່ງ​ອື່ນໆ. ສ່ວນ​ໃຫຍ່​ຂອງ​ຊາວ​ອົບ​ພະຍົບ​ແມ່ນ​ພວກ​ແມ່ຍິງ ​ແລະ
ເດັກ​ນ້ອຍ.

ພວກອົບພະຍົບຊາວ​ໂຣຮິງ​ຢາ​ ​ໄດ້​ບອກ​ເລົ່າເຖິງຄວາມໂຫດ​ຮ້າຍ​ວ່າ ກອງທັບ​ມຽນ
ມາ​ໄດ້​ຈູດ​ເຜົາ​ໝູ່​ບ້ານ​ຂອງ​ເຂົາ​ເຈົ້າ​ຢ່າງ​ໃດ ພ້ອມທັງ​ສັງຫານ ​ຂົ່ມຂືນ​ແລະ​ປຸ້ນສະດົມ
ເອົາ​ເຄື່ອງ​ຂອງ. ຊາວ​ໂຣຮິງຢາ​ຍັງ​ກ່າວ​ວ່າ ມີການຝັງລະ​ເບີດ​ຝັງ​ດີ​ນ ​ໄວ້​ເພື່ອ​ປ້ອງ​ກັນ
​ບໍ່​ໃຫ້​ເຂົາ​ເຈົ້າ​ກັບ​ຄືນໄປ. ຊາວ​ມຸສລິ​ມ​ໂຣຮິງ​ຢາເວົ້າ​ວ່າ ​ເຂົາ​ເຈົ້າ​ເປັນ​ຊົນ​ກຸ່ມ​ນ້ອຍ ​ທີ່
ໄດ້ຖືກ​ປະຫັດປະຫານມາ​ເປັນ​ເວລາ​ດົນນານ​ຢູ່​ໃນມຽນມາທີ່ ມີຊາວ​ພຸດເປັນ​ຄົນກຸ່ມ
ໃຫຍ່ ​ແລະ​ມັກ​ຈະຖືກ​ປະຕິ​ເສດ ​ແມ່ນ​ແຕ່ສິດທິມະນຸດຂັ້ນ​ພື້ນຖານທີ່​ສຸດ​.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG