ລິ້ງ ສຳຫລັບເຂົ້າຫາ

logo-print

ມຽນມາຈັດ ກອງປະຊຸມທຸລະກິດ ຮ່ວມກັບ ຄະນະຜູ້ແທນ ສະຫະລັດ (ວີດິໂອ)


ລັດຖະມັນຕີຊ່ວຍວ່າການ ກະຊວງການຕ່າງປະເທດສະຫະລັດ ຮັບຜິດຊອບຝ່າຍກິດຈະການເສດຖະກິດແລະທຸລະກິດ ທ່ານ Jose Fernandez ມີຄວາມເຫັນ ຕໍ່ກອງປະຊຸມທຸລະກິດ ລະຫວ່າງ ມຽນມາ-ສະຫະລັດ ຢູ່ນະຄອນຢ່າງກຸ້ງ, ວັນທີ 25 ກຸມພາ 2013. (D. Schearf/VOA)

ອາທິດ​ນີ້ ມຽນມາ​ໄດ້ເປັນເຈົ້າພາບຮັບ​ຕ້ອນ ຜູ້ຕາງໜ້າຫົວໜ້າບໍລິຫານທຸລະກິດອະເມຣິກັນຄະນະໃຫຍ່ທີ່ສຸດ ນັບຕັ້ງແຕ່ການລົງໂທດຂອງສະຫະລັດ ຕໍ່ມຽນມາໄດ້ຖືກໂຍະຍານໃນປີຜ່ານມາ. ບາງ​ຄົນ​ໃນ​ຈໍານວນຜູ້ຕາງໜ້າ ທຸລະກິດ ປະມານ 50 ຄົນ ​ທີ່ໄດ້ເຂົ້າຮ່ວມກອງປະຊຸມນຶ່ງມື້ ​ໄດ້​ພາ​ກັນສະແດງຄວາມຫວັງອັນໃຫຍ່ຫຼວງ ພ້ອມກັບ​ ຄວາມເປັນຫ່ວງ ກ່ຽວ​ກັບສາຍ​ພົວພັນທາງທຸລະກິດ ທີ່​ເຕີຍ​ໃຫຍ່​ຂຶ້ນນັບມື້ລະຫວ່າງ​ສອງ​ປະ​ເທດ. ຜູ້ສື່ຂ່າວວີໂອເອ Daniel Schearf ມີລາຍງານຈາກນະຄອນ​ຢ່າງ​ກຸ້ງ ຊຶ່ງທອງປານນໍາມາສະເໜີທ່ານ.

ເມື່ອວັນຈັນອາທິດນີ້ ສະພາການຄ້າຂອງມຽນ
ມາ ແລະສະຫະລັດ ​ໄດ້​ພາກັນສະແດງຄວາມຍິນດີນໍາຄວາມ
ສໍາພັນທາງທຸລະກິດທີ່ອົບອຸ່ນຂຶ້ນລະຫວ່າງກັນແລະກັນ ລຸນຫຼັງ
ເວລາ​ຫຼາຍປີພາຍ​ໃຕ້ການຈໍາກັດຮັດແຄບທາງເສດຖະກິດ.

ສອງສະພາການຄ້າໄດ້ປະຊຸມກັນເປັນ​ເວລານຶ່ງມື້ ຢູ່​ນະຄອນ
ຢ່າງກຸ້ງ ໂດຍ​ມີຜູ້ຕາງໜ້າບໍລິສັດຕ່າງໆຂອງສະຫະລັດ ຄະນະ
ທີ່ໃຫຍ່ທີ່ສຸດທີ່ເຄີຍມີມາ ​ເຂົ້າ​ປະກອບສ່ວນ ຈາກຕັ້ງແຕ່ທຸລະ
ກິດປີກຍ່ອຍ​ແລະຮ້ານອາຫານ ​ໄປ​ຫາການເງິນ ປະກັນໄພ
ແລະອຸດສາຫະກໍາຂຸດ​ຄົ້ນ​ຊັບພະຍາກອນ​ທໍາ​ມະ​ຊາດ.

ທ່ານ Jose Fernandez ລັດຖະມົນຕີຊ່ວຍວ່າການຕ່າງປະ
ເທດສະຫະລັດ ຮັບຜິດຊອບກິດຈະການເສດຖະກິດແລະ
ທຸລະກິດ ກ່າວຕໍ່ກອງປະຊຸມວ່າ ມຽນມາກໍາລັງເອົາບາດກ້າວ
ຢ່າງ​ເປັນ​ຮູບ​ປະ​ທໍາ ໄປສູ່ຄວາມສໍາພັນດ້ານການເງິນແບບປົກ
ກະຕິກັນ ກັບປະຊາຄົມນານາຊາດ. ທ່ານ Fernandez ເວົ້າວ່າ:

“ໃນຂະນະທີ່ພວກເຮົາມອງ ​ໄປ​ຍັງອະນາຄົດທີ່ຈະເລີນ
ຮຸ່ງເຮືອງຂຶ້ນກ່ວາ​ເກົ່າດ້ວຍກັນນີ້ ຂ້າພະເຈົ້າຢາກ​ຈະຂໍເນັ້ນຢໍ້າວ່າ ພວກເຮົາໃນ
ສະຫະລັດຢາກຈະສ້າງຕັ້ງຄວາມສໍາພັນດ້ານການຄ້າແລະທຸລະກິດໃນຂອບ
ເຂດກວ້າງຂວາງແລະເລິກເຊິ່ງ ກັບປະເທດຂອງທ່ານ​ໃນທົ່ວພາກສ່ວນທັງໝົດ
ໃນການເສດຖະກິດຂອງທ່ານ. ແຕ່ນອກນີ້ ຂ້າພະເຈົ້າກໍຢາກຈະຂໍໃຫ້ພວກ
ທ່ານຈົ່ງໝັ້ນໃຈວ່າ ຄວາມພະຍາຍາມຂອງພວກເຮົາໃນທີ່ນີ້ ​ແມ່ນເປັນພາກ
ສ່ວນຍຸດທະສາດທີ່ກວ້າງຂວາງກວ່າ ແລະ​ໃນລະດັບຂົງເຂດ ເພື່ອລວມເອົາ
ປະເທດນີ້ ເຂົ້າກັບການຄ້າ ກັບຈີນ ອິນເດຍ ​ແລະຂົງເຂດເອເຊຍຕາເວັນອອກ
ສຽງໃຕ້.”


ທັງສອງສະພາການຄ້າ ໄດ້ເຊັນບັນທຶກຄວາມເຂົ້າໃຈສະບັບ​ນຶ່ງ ເພື່ອເພີ່ມທະວີຄວາມ
ສໍາພັນດ້ານທຸລະກິດໃຫ້ຫຼາຍຂຶ້ນ.

ລັດຖະມົນຕີຊ່ວຍ Hernandez ເວົ້າວ່າ ວົງການທຸລະກິດສະຫະລັດຈະນໍາເອົາມາ
​ພ້ອມ​ກັບ​ເຂົາ​ເຈົ້າ ມາດຕະຖານທຸລະກິດນາໆຊາດດ້ານຄວາມໂປ່ງໄສ ສິດທິແຮງງານ
ການພິທັກປົກປ້ອງສະພາບແວດລ້ອມ ແລະການນໍາໃຊ້ທີ່ດິນ. ນອກນີ້ແລ້ວ ກໍຍັງຈະ
ສະໜອງວຽກງານ ຍົກລະດັບມາດຕະຖານການຄອງຊີບໃຫ້ສູງຂຶ້ນ ແລະຊ່ວຍພັດທະ
ນາຊັບພະຍາກອນທໍາມະຊາດ ທີ່ອຸດົມສົມບູນຂອງມຽນມາ ໃຫ້ຍືນຍົງສືບຕໍ່ໄປ.

ແຕ່ແນວໃດກໍດີ ລັດຖະມົນຕີຊ່ວຍ Hernandez ຍັງໄດ້ເຕືອນຜູ້ເຂົ້າຮ່ວມກອງປະຊຸມ
ວ່າ ການລົງໂທດທາງເສດຖະກິດຂອງສະຫະລັດຕໍ່ມຽນມານັ້ນ ​ເຖິງ​ແມ່ນ​ໄດ້ຖືກໂຈະ
ໄວ້​ໃນ​ຂະນະ​ນີ້ ​ແຕ່ກໍຍັງມີ​ໄວ້ຢູ່ໃນບັນທຶກຕໍ່ໄປ ​ແລະສາມາດ​ນໍາ​ເອົາ​ມາ​ໃຊ້​ຄືນ​ໃໝ່​ໄດ້
ໃນກໍລະນີທີ່ມຽນ​ເລີກ​ລົ້ມຄວາມພະຍາຍາມ ​ໃນການປະຕິຮູບຂອງຕົນ.

ການລົງໂທດທີ່ຖືກໂຈະໄວ້ເຫຼົ່ານັ້ນ ຍັງຄົງສ້າງຄວາມເປັນຫ່ວງ​ ໃຫ້​ແກ່ບາງບໍລິສັດຢູ່.

Darren Brooks ເປັນທີ່ປຶກສາອາວຸໂສດ້ານກົດໝາຍສໍາລັບຂົງເຂດເອ ເຊຍແປຊິ
ຟິກ ຂອງບໍລິສັດສ້າງເຄຶ່ອງຈັກຂະໜາດໜັກ Caterpillar ທີ່ ຂາຍຜະລິດຕະພັນຂອງ
ຕົນ ຜ່ານນາຍໜ້າທ້ອງຖິ່ນ​ໃນ​ມຽນມາ ແຕ່ຍັງບໍ່ທັນໄດ້ຜະລິດຢູ່ໃນມຽນມາເທື່ອ. ທ່ານ
Brooks ບອກວີໂອເອວ່າ ຂໍ້ຈໍາກັດຮັດແຄບຕ່າງໆນັ້ນ ເຮັດໃຫ້ພວກເຂົາເຈົ້າຕ້ອງ
ລະມັດລະວັງ ບໍ່​ກ້າ​ທີ່ຈະທຸ່ມເງິນລົງທຶນຂະໜາດໃຫຍ່ໆ.

ທ່ານ Brooks ເວົ້າວ່າ: “ ​ເວລານີ້ ພວກເຮົາຢາກຈະເຫັນມີຄວາມ​ໄວ້ວາງ​ໃຈໄດ້ ຫຼື
ຄວາມທຸ່ນທ່ຽງໝັ້ນຄົງຫຼາຍຂຶ້ນ ໃນ​ເລື້ອງການລົງໂທດທີ່ໄດ້ຖືກຍົກເລີກໄປແລ້ວ
ນັ້ນ ​ເພາະ​ມັນແນ່ນອນວ່າ ການຍົກເລີກ​ໃນ​ເວລາ​ນີ້​ ແມ່ນເປັນການຊົ່ວຄາວ ຫຼືມີ
ເງື່ອນໄຂຢູ່. ສະນັ້ນ ມັນບໍ່ແມ່ນແບບວ່າ ເຮົາຈະ​ສາມາດ​ເຂົ້າມາລົງທຶນ 100 ລ້ານ​
ໂດ​ລາ ໄດ້ບາດດຽວໂລດ. ການລົງໂທດອາດກັບຕ່າວຄືນມາອີກໄດ້ໃນມື້​ອື່ນແລະ
ພວກເຮົາກໍຈະກັບຄືນ​ໄປສູ່ສະພາບການທີ່ພວກເຮົາ​ເຄີຍເປັນ ເມື່ອສອງປີຜ່ານມາ.”


US-Burma Business Conference
please wait

No media source currently available

0:00 0:02:52 0:00


ສະຫະລັດໄດ້ນໍາໃຊ້ການລົງໂທດດັ່ງກ່າວ ຕໍ່ອະດີດລັດຖະບານທະຫານມຽນມາ ຍ້ອນ
ການຝ່າຝືນສິດທິມະນຸດ ແລະປາບປາມການເຄຶ່ອນໄຫວ​ເພື່ອປະຊາທິປະໄຕ. ເສດຖະກິດ
ຂອງມຽນມາ​ໄດ້​ຕົກ​ຢູ່​ໃນ​ສະພາບ​ເປັນ​ເປ້ຍ​ລ່ອຍ ພາຍ​ໃຕ້​ການ​ລົງ​ໂທດ​ດ້ານ​ການ​ຄ້າ​ນັ້ນ
ແລະຍ້ອນການບໍລິຫານເສດຖະກິດຢ່າງ​ຜິດ​ພາດຂອງລັດຖະບານທະຫານ.

ສະຫະລັດເລີ່ມຜ່ອນຜັນ ຂໍ້ຈັດກັດຮັດແຄບດ້ານທຸລະກິດເມື່ອປີຜ່ານມາ ​ຫຼັງຈາກທີ່ປະທາ
ນາທິບໍດີ ເທນ ເຊນ ຫົວປະຕິຮູບ ໄດ້ປ່ອຍຕົວພວກນັກໂທດການເມືອງຫຼາຍຮ້ອຍຄົນ ແລະ
ໂຍະຍານການຄວບຄຸມກ່ຽວກັບການຂ່າວ ແລະສິດທິໃນການປະທ້ວງ.

ບັນດາເຈົ້າໜ້າທີ່ການຄ້າຂອງມຽນມາຮູ້ດີວ່າ ​ໄພຂົ່ມຂູ່ຂອງ​ການບັງຄັບໃຊ້ການລົງໂທດ
ຄືນອີກນັ້ນ ເຮັດໃຫ້ບັນດານັກລົງທຶນຕ່າງປະເທດ ມີ​ຄວາ​ມລະມັດລະວັງ.

U Win Aung ປະທານສະຫະພັນຫໍການຄ້າແລະອຸດສາຫະກໍາຂອງ​ສະຫະພາບມຽນມາ
ເວົ້າວ່າ ການຍົກເລີກ​ການຂົ່ມຂູ່ທີ່​ຈະລົງໂທດນັ້ນແມ່ນສໍາຄັນຫຼາຍຕໍ່ອະນາຄົດຂອງມຽນມາ.

ທ່ານ ອູ ວິນ ອ່ອງ ເວົ້າວ່າ: “ມັນສົມຄວນ ​ທີ່​ຈະໃຫ້ຂໍ້ສັງເກດວ່າ ການຍົກເລີກການ
ລົງໂທດທົງໝົດນັ້ນ ມີ​ແຕ່​ຈະເຮັດໃຫ້ບັນດານັກລົງທຶນເຂົ້າມາລົງທຶນໃນມຽນມາ ໂດຍປາດສະຈາກການລັງເລໃຈໃດໆ ​ໃນຍຸກໃໝ່​ແຫ່ງການພັດທະນາເສດຖະ
ກິດໃໝ່ຂອງພວກເຮົານີ້. ປະຊາຊົນຂອງພວກເຮົາ​ແມ່ນປາດຖະໜາຢາກ​ຈະມີ
ຊີວິດຄວາມເປັນຢູ່ ທີ່ດີຂຶ້ນກວ່າເກົ່າ.”


ບັນດາຜູ້ຕ່າງໜ້າທຸລະກິດສະຫະລັດຍັງໄດ້ສະແດງຄວາມເປັນຫ່ວງກ່ຽວກັບບັນຫາດ້ານ
ໂຄງລ່າງພື້ນຖານໃນປັດຈຸບັນຂອງມຽນມາ ເຊັ່ນບັນຫາການຂາດເຂີນກະແສໄຟຟ້າ
ແລະຕາໜ່າງການສື່ສານຄົມມະນາຄົມທີ່ບໍ່ດີ ແຕ່ພວກອື່ນໆກໍຫຼິງເຫັນໂອກາດອັນດີ ໃນ
ມຽນມານັ້ນຢູ່.

ມາຍ ຈັງ ທັນ ຜູ້ອໍານວຍການສາຂາຫວຽດນາມຂອງບໍລິສັດ Honeywel ຊຶ່ງເປັນບໍລິສັດ
ດ້ານໂຄງລ່າງພື້ນຖານຂອງ​ສະຫະລັດ ເວົ້າວ່າ ຄວາມດ້ອຍພັດທະນາຂອງມຽນມາເຕືອນ
ຄວາມຈໍາຂອງນາງ ເວລາສະຫະລັດຍົກເລີກການສັ່ງຫ້າມຂາຍອາວຸດໃຫ້ຫວຽດນາມ ເມື່ອ
ສອງທົດສະວັດ ຜ່ານມາ.

ທ່ານນາງ ມາຍ ຈັງ ທັນ ເວົ້າວ່າ: “ເວລາຂ້າພະເຈົ້າມາມຽນມາເທື່ອທໍາອິດເມື່ອ
ບໍ່ເທົ່າໃດເດືອນກ່ອນ​ນີ້ ຄວາມຮູ້ສຶກ​ທໍາ​ອິດຂອງຂ້າພະເຈົ້າ ກໍຄື ຂ້າພະ​ເຈົ້າ​ຈື່​
ໄດ້​ໃນ​ທັນ​ທີ ​ເຖິງຄວາມຕື່ນເຕັ້ນຂອງຂ້າພະເຈົ້າເມື່ອ 19 ປີ ກ່ອນ ແລະຢູ່​ທີ່​ນີ້ ຂ້າພະເຈົ້າໄດ້ພົບປະກັບຫຼາຍໆຄົນ ຈາກວົງ​ການລັດຖະບານ ໄປ​ເຖິງພາກ
ສ່ວນເອກກະຊົນ ແລະຂ້າພະເຈົ້າສັງເກດ​ເຫັນວ່າ ທັງໝົດປະເທດ ແມ່ນມັກ
ການສະໜັບສະໜຸນຂອງສະຫະລັດແທ້ໆ ຄືກັນກັບປະເທດຂອງຂ້າພະເຈົ້າ
ເມື່ອ 19 ປີຜ່ານມາ.”


ເພື່ອອໍານວຍ​ຄວາມລາບລື່ນ ໃຫ້​ແກ່ການທໍາທຸລະກໍາຂອງບັນດາ​ບໍລິສັດ​ທຸລະກິດສະຫະ
ລັດ ຢູ່ໃນມຽນມານັ້ນ ເມື່ອວັນສຸກອາທິດ​ແລ້ວ​ນີ້ ວໍຊິງຕັນໄດ້ປະກາດວ່​າ ຕົນ​ຈະຍົກເລີກ
ຂໍ້ຈໍາກັດຮັດແຄບ ຕໍ່ທະນາຄານສີ່ແຫ່ງໃນມຽນມາ.

ລັດຖະມົນຕີຊ່ວຍ Fernandez ເວົ້າວ່າ ການອະນຸຍາດໃຫ້ທະນາຄານ​ເຫຼົ່ານັ້ນ ເຂົ້າຫາ
ລະບົບການເງິນຂອງສະຫະລັດໄດ້ ສ່ວນນຶ່ງກໍ​ແມ່ນ​ເປັນ​ຜົນ​ສືບ​ເນື່ອງ​ມາ​ຈາກການຈົ່ມທຸກ
ຂອງພວກບໍລິສັດແລະອົງການສິດທິຕ່າງໆ ກ່ຽວ​ກັບການບໍ່​ສາມາດເຂົ້າຫາການບໍລິການ
ດ້ານການເງິນຂັ້ນພື້ນຖານຕ່າງໆ ເຊັ່ນບັນຊີເຊັກ​ເງິນສົດ ເປັນຕົ້ນ.

ທ່ານ Fernandez ໄດ້ຊຸກຍູ້ ​ບັນດາ​ຜູ້​ເຂົ້າ​ຮ່ວມ​ປະຊຸມ ໃຫ້ຕິດຕໍ່​ໄປ​ຫາທາງຫ້ອງການ
ຂອງ​ທ່ານ ຖ້າມີບັນຫາ​ໃດໆ ຫຼືເກີດມີຄວາມເຂົ້າຜິດກັນ ກ່ຽວກັບການລົງໂທດບາງຢ່າງ
ທີ່ຍັງມີຜົນບັງຄັບໃຊ້ຢູ່ນັ້ນ.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG