ສະຫະລັດກ່າວວ່າຕົນຈະດໍາເນີນງານ ເພື່ອສ້າງຄວາມສະໜັບສະໜູນໃນບັນດາປະເທດພັນ
ທະມິດຂອງຕົນ ສໍາລັບການຈັດຕັ້ງຄະນະກໍາມາທິການນາໆຊາດຄະນະນຶ່ງຂຶ້ນມາ ເພື່ອທໍາ
ການສືບສວນກ່ຽວກັບການກໍ່ອາຊະຍາກໍາຕ້ານມະນຸດຊາດໃນມຽນມາ ຕາມທີ່ມີການກ່າວຫານັ້ນ.
ສະມາຊິກແມ່ຍິງຂອງສະພາສູງສະຫະລັດກຸ່ມນຶ່ງ ໄດ້ກ່າວຫາທາງການທະຫານມຽນມາວ່າ
ໄດ້ໃຊ້ການຂົ່ມຂືນສໍາເລົາ ເປັນອາວຸດຊະນິດນຶ່ງໃນການທໍາສົງຄາມ ແລະຮຽກຮ້ອງໄປຍັງ
ທ່ານນາງ Hillary Clinton ລັດຖະມົນຕີການຕ່າງປະເທດສະຫະລັດ ໃຫ້ສະໜັບສະໜູນ
ການຈັດຕັ້ງຄະນະກໍາມາທິການນຶ່ງຂຶ້ນມາສືບສວນສອບສວນການກ່າວຫາທີ່ວ່ານີ້.
ໂຄສົກກະຊວງຕ່າງປະເທດ ທ່ານນາງ Victoria Nuland ໄດ້ກ່າວໃນວັນພະຫັດວານນີ້
ວ່າ ສະຫະລັດແມ່ນມີຄວາມໝາຍໝັ້ນຕໍ່ການໃຫ້ມີການຮັບຜິດຊອບກ່ຽວກັບເລື່ອງແບບນີ້
ຢູ່ແລ້ວ ແລະວ່າ ທາງສະຫະລັດໄດ້ສແດງຄວາມເປັນຫ່ວງກັງວົນ ຊໍ້າແລ້ວຊໍ້າອີກກັບລັດຖະ
ບານມຽນມາກ່ຽວກັບການກ່າວຫາ ທີ່ວ່າມີການກະທໍາຄວາມຮຸນແຮງ ຊື່ງຮວມທັງການຂົ່ມ
ຂືນສໍາເລົາແລະການໃຊ້ແຮງງານແບບບັງຄັບນັ້ນ.
ບັນດາສະມາຊິກສະພາສູງແມ່ຍິງພວກນີ້ ຍັງກ່າວຢຸໃນຈົດໝາຍເຖິງທ່ານນາງ Clinton
ສະບັບນຶ່ງ ໃນວັນພຸດແລ້ວນີ້ວ່າ ມີລາຍງານຂ່າວວວ່າ ກອງທະຫານມຽນມາໄດ້ຂົ່ມຂືນ
ພວກແມ່ຍິງຊາວກະຈິນ ຈໍານວນ 18 ຄົນ ໃນລະຫວ່າງທີ່ພວກທະຫານໄດ້ທໍາການຕໍ່ສູ້
ກັບພວກທະຫານບ້ານຊົນເຜົ່າ ໃນພາກເໜືອຂອງປະເທດນັ້ນ. ພວກທ່ານນາງຍັງກ່າວ
ອີກວ່າ ຍັງໄດ້ມີລາຍງານຄ້າຍໆຄືກັນນີ້ ມາຈາກລັດ Shan ໃກ້ໆກັບລັດກະຈິນນັ້ນ
ນໍາອີກ ບ່ອນທີ່ໄດ້ມີການສູ້ລົບກັນອີກ ລະຫວ່າງທະຫານຝ່າຍລັດຖະບານ ກັບພວກທະ
ຫານບ້ານຊົນເຜົ່າ.
