ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ສະຫະລັດ ໂຈະການລົງໂທດ ດ້ານເສດຖະກິດ ຕໍ່ມຽນມາ (ວີດິໂອ)


ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ແລະລັດຖະມົນຕີການຕ່າງປະເທດມຽນມາ ທ່ານ Wunna Maung Lwin ທີ່ກະຊວງການຕ່າງປະເທດສະຫະລັດ (17 ພຶດສະພາ 2012)
ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ແລະລັດຖະມົນຕີການຕ່າງປະເທດມຽນມາ ທ່ານ Wunna Maung Lwin ທີ່ກະຊວງການຕ່າງປະເທດສະຫະລັດ (17 ພຶດສະພາ 2012)

ສະຫະລັດ ​ໄດ້​ປະກາດ​ກ່ຽວ​ກັບ​ຂັ້ນຕອນ​ໃໝ່​ໃນ​ຄວາມ​ສຳພັນ​ກັບ​ມຽນມາ ​ໂດຍ​ໄດ້ໂຈະ​ການ​
ລົງ​ໂທດ​ທາງ​ດ້ານ​ເສດຖະກິດ ແລະ​ປະກາດ​ແຕ່ງຕັ້ງ​ເອກ​ອັກຄະ​ລັດຖະທູດສະຫະລັດ​ຄົນ​ທຳ​
ອິດປະຈຳ​ມຽນມາ ​ໃນ​ຮອບ 20 ກວ່າ​ປີ.

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ​ນາງ Hillary Clinton ​ໄດ້​ປະກາດ​ໃນ​ວັນ​ພະ
ຫັດ​ວານ​ນີ້ ຊ້ອງ​ໜ້າ​ລັດຖະມົນຕີ​ການ​ຕ່າງປະ​ເທດ​ມຽນມາ ທ່ານ Wanna Maung Lwin ​
ທີ່​ພວມ​ຢູ່​ໃນ​ລະຫວ່າງ​ການ​ຢ້ຽມຢາມ​ສະຫະລັດ​ຢ່າງ​ເປັນ​ທາງ​ການ​ເທື່ອ​ທຳ​ອິດ​ໃນ​ຮອບ​ຫຼາຍ
​ທົດ​ສະ​ວັດ.

ທ່ານ​ນາງ Clinton ​ເວົ້າວ່າ “​ໃນ​ມື້ນີ້ ພວກ​ເຮົາ​ຂໍ​ກ່າວ​ຕໍ່​ບັນດາ​ທຸລະ​ກິດ​ ຂອງ​ອາ​ເມຣິກັນ​ວ່າ ​
ໃຫ້​ພາກັນ​ໄປ​ລົງທຶນ​ຢູ່​ໃນ​ມຽນມາ​ ແລະ​ດຳ​ເນີນ​ການແບບ​ມີ​ຄວາມ​ຮັບຜິດ​ຊອບ. ​ເປັນ​ຜູ້ຕາງ
ໜ້າ​ສຳ​ຫຼັບການ​ປ່ຽນ​ແປງ​ໃນ​ທາງ​ບວກ ​ແລະ​ເປັນ​ບໍລິສັດ​ທີ່​ດີຂອງ​ປະຊາຊົນ​. ຂໍ​ໃຫ້​ພວກ​ເຮົາ
​ທັງ​ໝົດ​ດຳ​ເນີນ​ງານ​ຮ່ວມ​ກັນ​ເພື່ອ​ສ້າງ​ວຽກ​ເຮັດງານ​ທຳ ສ້າງ​ໂອກາດ ​ແລະ​ ໃຫ້ການ​ສະໜັບ
ສະໜຸນ​ການ​ປະຕິ​ຮູບ.”

ທ່ານ​ນາງ Clinton ​ກ່າວ​ວ່າ ທ່ານ​ນາງ​ຄາດ​ວ່າ ​ບັນດາ​ບໍ​ລິ​ສັດ​ຂອງ​ສະຫະລັດ​ຈະສາມາດ​ຮັບ​
ມື​ກັບ​ທຸກ​ພາກສ່ວນ​ຂອງ​ມຽນມາ​ໄດ້ ນອກ​ໄປຈາກການມີ​ຊື່​ສຽງ​ໃນ​ເຂດ​ທ້ອງຖິ່ນ ​ແລະ​ການ​
ປະຕິບັດຂອງ​ບາງ​ບໍລິສັດທີ່​ບໍ່​ສອດຄ່ອງ​ກັບ​ນະ​ໂຍບາຍ​ຂອງ​ສະຫະລັດກ່ຽວ​ກັບ​ຄວາມ​ຮັບ​ຜິດ
ຊອບ​ຂອງ​ບໍລິສັດ​ນັ້ນ.

ນອກ​ນັ້ນ​ແລ້ວ ທ່ານນາງ Clinton ​ຍັງ​ເວົ້າວ່າ ທ່ານ Derek Mitchell ຜູ້ຕາງໜ້າ​ພິ​ເສດ​ຂອງ​
ກະຊວງ​ການ​ຕ່າງປະ​ເທດ​ສະຫະລັດ​ປະຈຳ​ມຽນມາ ຈະ​ຖືກ​ແຕ່ງຕັ້ງໃຫ້​ເປັນ​ເອກ​ອັກຄະ​ລັດຖະ
ທູດ​ປະຈຳ​ປະ​ເທດ​ດັ່ງກ່າວ. ​ເພື່ອ​ເປັນ​ການ​ຕອບ​ແທນ ທາງ​ຝ່າຍ​ມຽນມາ​ ກ່າວວ່າ ຕົນ​ກໍ​ຈະ​ສົ່ງ
​ເອກ​ອັກຄະ​ລັດຖະທູດ​ມາ​ປະຈຳ​ທີີ່​ກຸງ​ວໍ​ຊິງຕັນ.

​ແຕ່​ໃນ​ຂະ​ນະ​ດຽວ​ກັນ ທ່ານ​ນາງ Clinton ກໍ​ກ່າວ​ວ່າ ສະຫະລັດ​ຈະ​ສືບ​ຕໍ່​ ການຫ້າມ​ຂາຍ​ອາ
ວຸດ​ໃຫ້​ແກ່ມຽນມາ​ ແລະ​ກົ​ດໝາຍ​ອື່ນໆ​ ທີ່​ສະໜັບສະໜຸນ​ການ​ລົງ​ໂທດ​ໃນ​ຂອບ​ເຂດ​ທີ່​ກວ້າງ
ຂວາງ​ຕໍ່​ມຽນມາ ທັງ​ນີ້ກໍ​ເພາະວ່າ ວໍ​ຊິງ​ຕັນ​ຕ້ອ​ງການຢາກ​ເຫັນການ​ເຄື່ອນ​ໄຫວ​ຂອງກອງທັບ
ມຽນມາໄປ​ຢູ່​ພາຍ​ໃຕ້​ການ​ຄວບ​ຄຸມ​ຂອງພົນລະ​ເຮືອນ.

XS
SM
MD
LG